Efesoanɛ 4:31 - ONUGBÙ NYƐNYÃ VUVƆ

³¹ No bu ishu mɛ pupɔɛ petee, budugudugu anɛ oblo, kadapɛkpɛ anɛ anɔ shu zizi, ɔyɛkɔ plɛnɔ buzizi nyɛzizi.

Efesoanɛ 4:31 ပူးပေါင်းရင်းမြစ်များ

Axwɛwɛwa 21:30

Ɔmagbla nɛ mɛ petee ɔkpa gbu, klɛ banɔ nɛ si edenɔ kapɛ kanyaka mɛ afla. Gɛ be vu Paolo nɛɛ, be he yɛ edenɔ busɔlɛvu nɛ shu, klɛ budunu nɛ da kɛda tili.

Romanɛ 3:14

“Balɛ inugbu nɛ mɛ yuku nɛ ebuiɖuɖɔkpɛ anɔ nɛ bukɛtɛkɛtɛ.”

1 Kɔrintioanɛ 14:20

Badzya mɔ, nɔ zukɔlɔ ebui bhɛtɛ anasɛ banuvɔ. Nɔ dzi anuvɔ nɛ ebui zizi bhɛbhɛtɛ mɛ, pɔ nɛ wunɔ kibuesi nunu nɔ dzi banɔ shishe.

1 Kɔrintioanɛ 5:8

Kɛlɛso nɔ kɔ lɔ ŋa Kiwui, ganɛ nɛ̀ bunaɛyekedɔ kuku, anɔshuzizi anɛ kɛtɔkpum gɛganɛ, pɔ nɛ gbɛ̃gbɛvu gɛ ba dɛ kpɛ bunaɛyekedɔ, tɛɖuɖɔ anɛ kɛgba gbɛ̃gbɛvu.

2 Kɔrintioanɛ 12:20

Alasɛ isifu sɛ kibenɔ nɛ gɛ ɛba ɛtɛ ba mɔ nɔ anasɛ gɛ ɛpɛɛ sɛ tɛ nɔ za, klɛ nɔ tɛ bɔ mɔ mɛ anasɛ gɛ nɔ pɛɛ sɛ tɛ ɛza. Isifu sɛ ebla pɛpɛɛ, kabhawuwlãnkɛ, obulo gɛganɛ mumɔ, kɛdɔ wuwlãnkɛ, kɛdɔ kukula, aglɔ shuibui ɖɛɖɔ, ishu fifeke anɛ aglɔ shu zizi.

Galatianɛ 5:20

obudi busɔlɛ sɔlɛ nɛ anɔtɛtã, anɔgugu, eblapɛpɛɛ, kabhawuwlãnkɛ, ekplitɛta tɛtɛtrɔ kɔ shu terikpo mazamaza ɔtɔbubu,

Efesoanɛ 4:22

Bakasɛ ɛkpã kuku gɛ nɔ za bafla tɛ nɔshɛnahwɛ ɛkuku nɛ shu, gɛ butsutsɔmɔ wɔɛ nɔ kpɛ buzizi mɛ,

Efesoanɛ 4:25

Kɛlɛso anɔnyanɔ alasɛ tɛ nɔ yulɔ ɛkpã zizi nɛ di za klɛ tɛ nɔ ɖɔ ebui gbɛagba etsre yɛ ɔhaglɔ, alasɛ bulɔ petee bunu banɔɛza tirikpo.

Efesoanɛ 4:26

“Nɛ wɔnɔ oblo mumɔ mɛ nɔ tɛ bhɛtɛ kizizi”: Nɔ tɛ mɔ oblo ɔdɔtɔnɔ kiwui dudɔ mɛ,

Koloseanɛ 3:19

Badzɛenyine, nɔ dɛmɛnɛnɔ wũnɔedzini alɛ klɛ nɔ tɔ za kada nɛ alɛ.

Koloseanɛ 3:8

Pɔ ɔtsɔ̃nɛ alasɛ nɔ bu ebuianɛ petee nɛ ishu mɛ anasɛ anɛɛ: obulo, ishu mɛ pupɔɛ, kibuikpã pɛpɛɛ kɔ anɔ, ebusobui ɖuɖɔ, nɛ ebui tutru ɖɛɖɔ denɔ wɔ onugbui mɛ.

1 Timotio 3:11

Nɛ kidzoe lɛ nɛa bha ke, balɛ edzinialɛ nɛ tsyɛ alsɛ tɛ be dzi badzɛ gɛ bana sɛ tɛ be bu, ganɛ banɔ gɛ ba ɖɔ anɔshutibui pɔ banɔyuyɔ anɛ banɔ gɛ ba ba yɛkɛ balɛa bha aŋa nɛ kibuinyɛbui mɛ.

1 Timotio 3:3

atɛ yɛkɔ ishu akɔ bulububuku, atɛ za kanya pɔ azɛ fãã, eti dzi eblapɛ, eti dzi anɔ gɛ aɖɔ ehoeyi.

1 Timotio 5:13

Kɛɛlɛ nɛe de, be be tsoku ayekpɛkpɛ mɛ, klɛ la ba za nyɔkana nɛ bupaa nɛ mɛ avɛ bunɛ nɛ mɛ. Klɛ ganɛ sɛ be be dzi ba vuvɔ ko, pɔ be be dzi banɔ gɛ ba ɖɔ ɔhayɛ shuibui tsyɛ klɛ la ɖɔ ebui nɛ gɛ ama sɛ tɛ ba ɖɔ.

2 Timotio 2:23

Kibuinyɛbui tɛ za wɔahwɛ gɛ ɔbhɛtɛ nɛ bugã anɛ kibui matimati mɛ ebui wɛwlãnkɛ, alasɛ onyi sɛ la mɛna ebla.

2 Timotio 3:3

anɔ maɖɔmaɖɔ, kibui mayɛkɔ tsye, anɔshu zizi, ishuabha maŋamaŋa, balɛ kɔ kɛdɔzizi, ba dɛ pɛɛ kɛdzyɔgo,

Titusɛ 1:7

Gɛ kɛ tɛ dzi sɛ abhaŋa ahwɛmɛ la yɛkɔ Kpayɛxwɛ nɛ akpɛ, alasɛ tɛ edzi anɔ gɛ kɛpɔ ma yɛ shu—atɛ trɔ anɔa bha, obulo oti ku yɛ zɛazɛa, atɛ yɛkɔ ishu akɔ bulububuku, eti dzi eblapɛ, atɛ za otroedzoe de kɔ kɛdɔmumɔ.

Titusɛ 2:3

Kana tsyɛ, kasɛ badzɛ shishedɛ nɛ dɔ sɛ tɛ bedzi banɔ gɛ ba ba yɛkɔ tili nɛ balɛ buim nɛ ɛkpã mɛ, sɛ tɛ be ti dzi banɔ gɛ baa ga anɔesi ɔdɔgɔsɛ bulu wɛ̃wɛ̃ gelee, pɔ bakasɛ kɛdɔ nɛ gɛ bɔ.

Yakobo 1:19

Madzyalɛ gɛ ɛɖɔ mɔ, no vu anhũ nɛ kibui: Anɔnyanɔ ahwua kɔ batɔtɛta, atɛ nawɔ̃ kɔ kaɖɔɖuɖɔ klɛ atɛ tsɔ obulo mɔ,

Yakobo 3:14

Pɔ onu gɛ ɔbala kawɔ̃kpɛ kɛtɛkɛtɛ anɛ ishuiyɛ pɛpɛɛ nɛ wɔnɔ idzyi mɛɛ, no ti feke ishu nɛ kɛlɛ shu ɔdɔgɔsɛ nɔ shɛnahwɛ kɛgba nɛ shu.

Yakobo 4:11

Badzya mɔ, no ti zi aglɔ shu. Anɔnyanɔ gɛ aɖɔaɖɔ kpã nɛ yadzya shu ɔdɔgɔsɛ ekluebhui nɛ yɛ aɖɔaɖɔ kpã nɛ ɔshã nɛ shu klɛ ekluebhui nɛ ɔlɛ. Onu gɛ okluebhui nɛ ɔshã nɛɛ, anɛ ɔlɛabha ɔbhɛtɛ, pɔ ozhiodzi kebhuikuklum nɛ ɔlɛa bha.

1 Petro 2:1

Kɛlɛso, nɔ bu wɔnɔshu denɔ ebuikpã petee mɛ, anɔwuwɔɛ, otro petee, awɔ̃dzɛdzã anɛ anɔshuzizi kanyakaɛ di.

1 Yohanɛsɛ 3:12

Nɔ tɛ za anasɛ Kain, gɛ edzi ɔfufɔɛkpã ayɛ klɛ eyi yɛ adzya. Klɛ kideso gɛ eyi yɛ? Alasɛ yɛnahwɛ ebui bhɛbhɛtɛ nɛ dzi kizizi klɛ yɛ adzya yɛ edzi kɛdzyɔgo.

1 Yohanɛsɛ 3:15

Anɔnyanɔ gɛ egu yɛ adzya enu anɔ gɛ eyi anɔ, klɛ nɔ nyi sɛ agɛ eyi anɔ ɛkpã mabeke ma yɛ mɛ.

Tɛbubukasɛ 12:10

Ɔkɛlɛ mɛ nu oli toli mɛ dɔ wee nɛ owũsise gɛ ɔɖɔ sɛ: “Ɔtsɔ̃ nɛɛ tɛyɛyɛkɔ anɛ kemi anɛ bulɔ Kpaya bukusiɔŋakɔ nɛ ɔba, anɛ yɛ Kristo kabhaŋɛŋa. Alasɛ agɛ ayɛkɔɛbui nɛ bulɔ adzyalɛ, gɛ aapɛ bui kɔa lɛ nɛ bulɔ Kpaya nɛ amɛ kemuze anɛ elishi, be hu yɛesi.