Efesoanɛ 4:25 - ONUGBÙ NYƐNYÃ VUVƆ

²⁵ Kɛlɛso anɔnyanɔ alasɛ tɛ nɔ yulɔ ɛkpã zizi nɛ di za klɛ tɛ nɔ ɖɔ ebui gbɛagba etsre yɛ ɔhaglɔ, alasɛ bulɔ petee bunu banɔɛza tirikpo.

Efesoanɛ 4:25 ပူးပေါင်းရင်းမြစ်များ

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Romanɛ 12:5

so nɛ Kristo mɛ bulɔ gɛ bu kpe nɛ ishuidzya tirikpo mɛ, klɛ kapɛ kanyaka lɛ kɔ bugɔgɔɛ nɛ petee.

1 Kɔrintioanɛ 10:17

Alasɛ ɔgba torikpo, bulɔ, gɛ bukpe, bu nu ishuidzya tirikpo, alasɛ bulɔ petee bu tã ɔgba tirikpo.

2 Kɔrintioanɛ 7:14

Ifekeshu kɔ yɛ nɛ wunɔ shu, klɛ nɔ dɛ kpɛ mɛ wuiɛ̃. Pɔ anasɛ kibuinyɛbui gɛ bu ɖɔ tsre nɔ kɛ nu kɛgbɛagba, so bulɔ ishufifeke denɔ wunɔ shu kɔ Tito kɛkasɛ mɔmɔ sɛ kɛgbɛagba lɛ nu.

Efesoanɛ 4:15

Kɛlɛmazɛlɛ mɛ, kɛgbɛagba tɛɖɔɖɔ anɛ tɛdɛdɛmɛnɔm, bulɔ nɛ kɛbuinyɛbui mɛ bu ba she nɛ yɛ mɛ gɛ enu Kɛtɔkpu, yɛ nu Kristo.

Efesoanɛ 4:22

Bakasɛ ɛkpã kuku gɛ nɔ za bafla tɛ nɔshɛnahwɛ ɛkuku nɛ shu, gɛ butsutsɔmɔ wɔɛ nɔ kpɛ buzizi mɛ,

Efesoanɛ 4:31

No bu ishu mɛ pupɔɛ petee, budugudugu anɛ oblo, kadapɛkpɛ anɛ anɔ shu zizi, ɔyɛkɔ plɛnɔ buzizi nyɛzizi.

Efesoanɛ 5:30

alasɛ bunu banɔ terikpo nɛ yɛ shuidzya mɛ.

Koloseanɛ 3:8

Pɔ ɔtsɔ̃nɛ alasɛ nɔ bu ebuianɛ petee nɛ ishu mɛ anasɛ anɛɛ: obulo, ishu mɛ pupɔɛ, kibuikpã pɛpɛɛ kɔ anɔ, ebusobui ɖuɖɔ, nɛ ebui tutru ɖɛɖɔ denɔ wɔ onugbui mɛ.

Koloseanɛ 3:9

Nɔ tɛ hu otro kpɛ aglɔ ahwɛ, nɛ kɛlɛmɛ gɛ nɔ ti bu ɔtɛ̃ wɔnɔ ebui kuku nɛ alɛ tɛbhɛbhɛtɛ

1 Timotio 1:10

kɔ bagɛ ba bhɛtɛ aglɔbui anɛ bagɛ baa ga anɔesi, kɔ bagɛ baa ga anɔdzidzi kedzi anɛ betroni anɛ bagɛ baka atabu pɛ bee hu otro—nɛ kɔ kɛdɔnyɛdɔɛ di gɛ lɛ ɔtɔ kɔ kɛdɔkɛkasɛ dzyɔgo

1 Timotio 4:2

Kɛdɔkɛkasɛ nɛɛ di nɛ de anɛkɛtabha betroni nɛ ɔkɔ, gɛ balɛ idzyi nɛ mɛ edzi ansɛ ba pɔɛ yɛ nɛ ɔɖakpɛkpɛ.

Titusɛ 1:12

Balɛ nahwɛ atɔnu nɛɔmayɛ teli tsyɛ aɖɔ sɛ, “Kreteanɛ be nu betroni kibenyɛbe, atɔkpum gɛganɛ ɛkpã, badɔŋagbla gɛ avɔ.”

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

Hebriuanɛ 12:1

Kɛlɛso, bebuimɔɖɔ gɛ la kana lɔ anasɛ ɔmunɔ gelee, nɔ kɔ lɔ bu ebui tsyɛtsyanɔ kanyãka anɛ ezizi gɛ la nyɛna lɔ nɛ tɛ̃, klɛ nɔ kɔ lɔ yɛkɔ amɛgɛganɛ kpanisi tɛ lɔ bu tisisi gɛ kɛlɛ kɔlɔ.

Yakobo 1:21

Klɛso, nɔ shɛnahwɛ ɛkpã dudɔɛbo nɛ petee shu anɛ butsutsɔmɔ nɛ gɛ gbla yuku nɛ kanɔ mɛ tɛ nɛ ishuzhizhinɔesi mɛ ɔyɛkɛ kibui nɛ gɛ ba ɖa kpɛ wɔ mɛ, gɛ kɛ ba bu wɔ.

1 Petro 2:1

Kɛlɛso, nɔ bu wɔnɔshu denɔ ebuikpã petee mɛ, anɔwuwɔɛ, otro petee, awɔ̃dzɛdzã anɛ anɔshuzizi kanyakaɛ di.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”

Tɛbubukasɛ 22:15

Ɔtsɔ̃ bukudzɔgɛ nɛ li, bagɛ ba bhɛtɛ ihuebui, azhuzhɔlɛ ebui, bagɛ beyianɔ, bagɛ ba bhɛtɛ kɛdɔbhubhɔ anɛ anɔnyanɔ gɛ apɛɛ klɛ abhɛtɛ itrohuhu ebui.