Efesoanɛ 4:14 - ONUGBÙ NYƐNYÃ VUVƆ

¹⁴ Kɛlɛ bu tɛa dzi banɛvɔ, gɛ kɛlɛɛ ba wanya vɛnɔ kede anɛ otugba klɛ kɛdɔkɛkasɛ kɛlɛɛ ba fu lɔ vɛnɔ ɔkɛ̃ anɛ mɛna ɔkɛ̃ ganɔ banɔ anɔwuwɔɛ anɛ bushɛ edzo bhɛbhɛtɛ mɛ.

Efesoanɛ 4:14 ပူးပေါင်းရင်းမြစ်များ

Mateo 11:7

Gɛ Yohanɛsɛ badɔkpasɛ nɛ baa shɛ, Yesu akpa kaɖɔ ɖɔ tsre banɔɛza nɛ Yohanɛsɛ shu asɛ: “Kidee no koeyi ɔvɛ ɔdɔ mɔ nɛ ayakpa nɛ mɛ? Ɔsɔɔ gɛ odzi ofu kɛlɛɛ?

Mateo 24:11

klɛ itro batɔnu gelee ba baa wɛ̃ klɛ la ba wɛɛ banɔ gelee.

Mateo 24:24

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Axwɛwɛwa 23:21

Tɛ dɛmɛ ɔkɔa lɛ ana, ba fla banɔ afɛtalɛ̃ gɛ be kpu eli kidzom kɔ yɛ. Ba tanɔ kɛdɔ asɛ be ke yi Paolo batɛ ba ŋa kɛdɔ, batɛ ba wɛ̃ buni. Balɛ tɛbɛbalam ɔtsɔtsiɔ̃, bepo wɔ tɛdɛdɛmɛ kɔa lɛ nɛ balɛ tɛbibisi nɛ nu.”

1 Kɔrintioanɛ 12:2

Nɔ nyi sɛ kɛlɛbe gɛ nɔ kpɛ kɛtɔkpuesi kɔ ibuidi, nɛ kidzo tiliabha pɛnɔ kɛbhlatɔ ba wɔɛ nɔ alɛla klɛ ba gbanɛ nɔ avɛnɔ ibuidielete kɔ klɛ nɔ kpɛ kɛtɔkpuesi kɔ banɔ bhubhɔ gɛ bata ɖɔaɖɔ.

1 Kɔrintioanɛ 14:20

Badzya mɔ, nɔ zukɔlɔ ebui bhɛtɛ anasɛ banuvɔ. Nɔ dzi anuvɔ nɛ ebui zizi bhɛbhɛtɛ mɛ, pɔ nɛ wunɔ kibuesi nunu nɔ dzi banɔ shishe.

1 Kɔrintioanɛ 3:19

Alasɛ kanɔa nɛ mɛ buititi ke nu bugã dɛdɔ nɛ́ Kpaya amɛ. Anasɛ gɛ ba ŋlɔmɛ elu: “Evu bebuiti nɛ balɛ ebui bhɛbhɛtɛ mɛ”

2 Kɔrintioanɛ 2:17

Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.

2 Kɔrintioanɛ 4:2

Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.

Galatianɛ 3:1

Wunɔ Galatianɛ bagã! Ane yɛ atã nɔ? Flogo wunɔ aŋɔhu alɛlɛ bakasɛ wee asɛ ba kpla Yesu Kristo asɔ.

Efesoanɛ 6:11

Kpɛ Kpaya keyuawi petee sɛ tɛ nɔ bɔna kititi lɔ nɛ ɔfufɔɛ zizi anɔ wuwɔɛ shu.

1 Timotio 3:6

Eti dzi anɔ gɛ etsyinɛtem avuvɔ, odunuana ebe dzi anɔ gɛ eku shuawɔ̃ klɛ aba wɔlɛ akɔ kebhuikuklunɔ ansɛ ɔfufɔɛkpã.

2 Timotio 1:15

Onyi sɛ anɔnyanɔ nɛ Asia kɛdɔ nɛ mɛ na tɛ shɛ alɔ mɛ, ɔyɛkɔ plɛnɔ Fidzyelusɛ anɛ Hɛmodzyenesɛ.

2 Timotio 3:13

nɛ kibe lɛ mɛ gɛ banɔ tsutsɔmɔ anɛ bagɛ ba wɛanɔ na ba lɔ denɔ butsutsɔmɔ mɛ avɛ butsutsɔmɔ dɛa na nɛ mɛ, aza wɛanɔ klɛ la ba za wɛalɛ tsyɛ.

2 Timotio 4:3

Alasɛ kibe nɛ baa ba gɛ banɔ atɛa nyɛna kɛdɔkɛkasɛ dzyɔgo mɛ evunɔ. Nɛ kɛlɛ ɔzakɔ, sɛ tɛ asɔnɔ balɛ nahwɛ tɛpɛpɛɛ, ba ba gbanɔ badɔkasɛ gelee akana balɛ shu sɛ tɛ be nu ebui nɛ gɛ bala tɔ nɛ gɛ awɛ̃sɛ alɛ nɛ apɛa sɛ tɛ be nu.

Hebriuanɛ 13:9

Nɔ tɛkɔ kɛdɔ kɛkasɛ bhlatɔ dinyɛdi kɛ gbanɛ nɔ koeyi nɛ kidzo dzyɔgo nɛabha. Kɛbɔ sɛ tɛ kɛdɔkukɔ kpɛ lɔ idzyi kemi, anɛ kibenyɛbe dɔ ŋɛŋa gɛ kɛdɛ plɛnɔ bagɛ baŋa lɛ.

Yakobo 1:6

Pɔ onu gɛ ebisi, alasɛ tɛ ayɛkɛaŋa klɛ eti di kɛlɛ asɛ otro, alasɛ anɔ nɛ gɛ atɛ yɛkɛaŋa nɛ edzi ansɛ aƒu mɛ bunigiglebe, gɛ kɛlɛɛ fu kana.

Yakobo 3:4

Yɛkɔ keniabha ipupu ansɛ tɛdidibhɛtɛ. Kɛnya lɛ kɛlɛm sɛ lɛ tri piim klɛ kɛlɛɛ gɛganɛ kɛlɛ tii lɛ, pɔ ɔɖɔ bhli toli ko agɛ eebu ɔlɛ nɛ ayɛkɔ etsyita ɔlɛ nɔ vɛnɔ ɔkɔnyɔkɔ gɛ apɛɛ.

2 Petro 2:18

Alasɛ ba lɛ nɛ onugbu kpɛkpa, ishufifeke buɖɔ klɛ, ba pɛɛ kɔ aglɔbui bhɛbhɛtɛ anɛ anɔdzyrame ɛkpãzizi zɛza, ba tɔɛgba kɔ banɔ gɛ bakpɛesi sɛ tɛ be koeyi nɛ bagɛ ba lɛ ebuikpã nɛ mɛ.

1 Yohanɛsɛ 2:19

Ba shɛ nɛ bulɔɛ shi, pɔ ba dɛ nu bulɔ banɔ kɛgbɛagba. Alasɛ onugɛ benu bulɔ banɔ ba ta wɔ bulɔ bha, pɔ balɛ tɛ shɛshɛ̃ nɛ kasɛ sɛ balɛ akanyaka edi nu bulɔ ayɛ.

1 Yohanɛsɛ 2:26

Ɛŋlɔmɛ ebuia nɛ kɔ nɔ denɔ bagɛ ba wlãnkɛ sɛ tɛ ba gbanɛ nɔ ada lɛla.

1 Yohanɛsɛ 4:1

Ɛbhɛalɛ mumɔa, nɔ tɛ yɛkɛ ɛfufɔɛ ɛkanyaka abhaŋa, pɔ feke ɛfufɔɛ nɛ odi tɛ nɔ mɔ sɛ lɛ de Kpaya kɔ, alasɛ itro batɔnu gelee ba tɛ ga ekoeyi etsoku kanɔ nɛ mɛ.

Yuɖa 1:12

Banɔa nɛ be nu kibo nɛ wɔ anɔɛbui dɛdɛmɛ kɛdɔŋakɔ, ba ŋa kɛdɔ nɛ wɔ nɛ kibui bhli kanyaka mamɔ mamɔ—baga agbɛgbanɔ gɛ ba nyunɔ balɛ shu tite. Be nu ɛmunɔ gɛ tɛ dɔ subha, gɛ kɛlɛɛ fu flanɔ; ɛkɔpɔɛfube besi, gɛ eyuyu ama ɛlɛm, klɛ la kpa ɛlɛ nɛ igu—lɛ tsi etsi tabha.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.