Efesoanɛ 3:9 - ONUGBÙ NYƐNYÃ VUVƆ

⁹ klɛ tɛ akɔ anianɔ amɔ wee kibui kpukpuɛnɛ bhɛbhɛtɛ, kɔ kibe gɛ kɛ bafla gɛ bekpu nɛ Kpaya mɛ, agɛ abhɛtɛ kɛdɔ nɛ petee.

Efesoanɛ 3:9 ပူးပေါင်းရင်းမြစ်များ

Mateo 10:27

Kɛgɛ itsre nɔ nɛ otumu mɛ, nɔ ɖɔɛ lɛ nɛ kelizɛzam, kɛgɛ bee tsre nɔ hunihuni, nɔ kpɛ lɛ igugu nɛ buvu aɖam.

Mateo 13:35

So kana ebui nɛ gɛ baɖɔ aganɔ atɔnu nɛa bha nɛ aba ba kɛlɛ mɛ asɛ: “Ɛba danɛ mɛ onugbu nɛ akpalɛ, Ɛba ɖɔ ebui kpukpu nɛ gɛ ekpu denɔ kanɔ nɛ kesi kpɛkpɛ.”

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Mateo 28:19

Kɛlɛ so, nɔ vɛ tɛ nɔ dɔ bhɛtɛ amadi nɛ petee tɛ le dzi badɔkpasɛ, tɛ nɔ kpɛ buni kɔ banɔ nɛ Aka anɛ Eyi nɛ nyi mɛ anɛ Ɔfufɔɛ dzyɔgo,

Luka 24:47

klɛ kitemɛ tsyitsyina nɛ ebuizizi tsyitsye, ba baɖɔ nɛ yɛ nyimɛ kɔ amadi nɛ petee, kesikpɛkpɛ nɛ Yerusalɛm.

Yohanɛsɛ 10:30

Mɛ nɛ Aka bunu anɔ terikpo.”

Yohanɛsɛ 5:17

Yesu etsre alɛ asɛ, “Ma Aka awa yɛ xwɛ kibenyɛbe ɔdɔtɔnɔ oboe wui, klɛ mɛ, tsyɛ, ɛwa me yɛ.”

Yohanɛsɛ 5:19

Yesu akɔ alɛ kesinunuɛ nɛ sɛ “Itsrenɔ kɛgbɛagba sɛ, Eyianyɛ atɛ babhɛtɛ kɛdɛnyɛdɔ nɛ yɛnahwɛshu ahwɛ, abana abhɛtɛ kɛ gɛ ko amɔ yɛ Aka abhɛtɛ, alasɛ kɛkanyaka gɛ Aka nɛ abhɛtɛ klɛ Eyianyɛ nɛ tsyɛ abhɛtɛ.

Axwɛwɛwa 15:18

gɛ la lɛ tɛtitim kibe gelee.

Romanɛ 11:25

Badzya mɔ, ɛtɛɛ pɛ sɛ tɛ nɔ za matimatim ɔkɔ ebui kpukpua, sɛ tɛ nɔ tɛ bo ku ishuawɔ̃: Izraɛl atɛ za nɛ batɔm gɛganɛ edi nɛa pɛ tie lim ɔdɔnanɔ kibelɛ mɛ gɛ bagɛ dɛ nu Yuɖanɛ nɛ tɛkɛklam petee be tsoku.

1 Kɔrintioanɛ 2:7

Ao, bu ɖɔ Kpaya kibuinyinyi kpukpu, kibuinyinyi gɛ ayɛkɔ ekpu klɛ Kpaya abhɛtɛ kɔ bulɔ kabhaŋɛŋa flogo gɛ abhɛtɛ kanɔ.

Efesoanɛ 1:4

Alasɛ eklu lɔ nɛ yɛ mɛ flogo gɛ babhɛtɛ kanɔ sɛ tɛ bulɔ shu bhui klɛ tɛ buzizi tɛza lɔ shu nɛ yɛ amɛ. Nɛ tɛdɛdɛmɛ mɛ

Efesoanɛ 3:2

Kɛlɛlɛmɛ sɛ nɔ tɛ nu ebui bhɛbhɛtɛ denɔ Kpaya ɛyamyuyɔ gɛ akɔ mɛ kɔ nɔ,

Efesoanɛ 6:19

Klukpaya nɛ mɛ tsyɛ tɔkpu, tɛ kibenɔ nɛ gɛ ɛdanɛ mɛ onugbu, ba bakɔ mɛ ebui sɛ tɛ nɛ kifu mazɛlɛmɛ tɛ ɛkɔ ale tii kibui dzyɔgo anɛ̀ ebuikpukpu,

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Koloseanɛ 1:26

ebuiyinɔanɔ gɛ bayɛkɔ ekpu nɛ kibe dzidze mɛ nɛ̀ tɛmumɔɛ, pɔ ɔtsɔ̃nɛ be bu akasɛ kpayabanɔ.

Koloseanɛ 3:3

Alasɛ otsi, klɛ wɔnɔ kpã nɛ kpu nɛ̀ Kristo anɛ́ Kpaya mɛ.

Koloseanɛ 4:3

Klɛ nɔ klukpaya nɛ bulɔ tsyɛ, tɔkpu, sɛ tɛ Kpaya adanɛ opupu kɔ bulɔ ebui ɖɛɖɔ, tɛ bɔɖɔ Kristo ebui kpukpu, alasɛ kɛlɛ so gɛ ba kpɛ mɛ buɖɛ.

2 Tɛsolonianɛ 2:13

Pɔ alasɛ tɛ kibenyɛbe buhu Kpaya ahwɛ nɛ nɔɛ tɔkpu, badzya gɛ Apalete nɛ aɖɔ, alasɛ denɔ kesikpɛkpɛ Kpaya ekulu nɔ sɛ tɛ be bu nɔ ganɔ Ɔfufɔɛ nɛ kɛxwɛ shu dɛdanɛ nɛ ganɔ kɛgba nɛa bha yɛyɛkɛŋa mɛ.

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

2 Timotio 1:9

gɛ ebu lɔ kɔ ɛkpã klɛ ekulu lɔ amɛna akɔ ɛkpã dzyɔgo—ganɛ sɛ kɛdɔnyɛdɔ gɛ bu bhɛtɛ so pɔ nɛ yɛnahwɛ tɛtutrɔ nɛ ɛyamyuyɔ nɛ shu so. Ɛyamyuyɔ nɛɛ ba kɔ lɔ ɛlɛ nɛ Kristo Yesu mɛ flogo pɛ kibe nɛ ba kpɛesi,

2 Timotio 4:17

Pɔ Apalete nɛ aza plɛnɔ mɛ, klɛ akpɛ mɛ bugɛganɛ, sɛ tɛ ganɛ mɛa bha tɛ kibui nɛ kibu kasɛ petee klɛ bagɛ ba dɛ yɛkɛaŋa nɛ petee be nui lɛ. Klɛ be bu mɛ nɛ adzyata onugbu mɛ.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

1 Petro 1:20

Be klu yɛ flogo gɛ ba bhɛtɛ kanɔ, pɔ be bui yɛ akasɛ nɛ ewia gugɔɛa nɛ mɛ nɛ́ wũnɔɛ tɔkpu.

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Tɛbubukasɛ 14:6

Ɔkɛlɛ mɛ ɛmɔ kpayaxwɛdɛ bhlatɔ gɛ epruru gɛ adɛ vɛ kɛlɛ mɛ fanɔ, klɛ evunɔ ɛkpã mabeke mabeke anɛ kibuidzyɔgo sɛ tɛ aɖɔɛ lɛ etsre bagɛ be tsri kesukpa nɛa bha— kɔ kɛmadigbla kanyaka, amadibhli, bunuhu anɛ banɔ nɛ petee.

Tɛbubukasɛ 17:8

Agavuga nɛ gɛ ɔmɔ, atɛ za di, ɔtsɔ̃ ama, klɛ ebe de Ogloboglobokɔ ekoeyi klɛ aba vɛ kɔ le zi. Kesukpa nɛabha banɔ gɛ balɛ enyi la dɛ ŋlɔmɛ akpɛ ɛkpãeplukpa nɛ mɛ denɔ kanɔ nɛ tɛbhɛbhɛtɛ be, kɛ ba bhɛtɛ alɛ bi onu gɛ bamɔ agavuga, alasɛ atɛ za edi, ɔtsɔ̃ ama, klɛ otsi aba ba.

Tɛbubukasɛ 4:11

“Wɔ kedziŋɛŋa kalɛ wɔ, bulɔ Apalete anɛ Kpaya, tɛ ɔyɛkɛ ishubhubhui anɛ kabhakpɛkpɛ anɛ kemi, alasɛ wɔ bhɛtɛ kɛdɔnyɛdɔ petee, klɛ ganɔ wɔ tɛdɛdɛmɛ mɛ la bhɛtɛ lɛ klɛ ba mɔ balɛ tɛzɛzam.”