Efesoanɛ 3:16 - ONUGBÙ NYƐNYÃ VUVƆ

¹⁶ Iklukpaya sɛ nɛ yɛ kedziŋɛŋa ishubhubhui nɛ mɛ akɔ wɔ bugɛganɛ plɛnɔ kemi ganɔ yɛ ɔfufɔɛ nɛ mɛ nɛ kɛmɛ,

Efesoanɛ 3:16 ပူးပေါင်းရင်းမြစ်များ

Mateo 6:13

Klɛ tɛ gbanɔ lɔ kpɛ tɛfifekedi mɛ, pɔ bu lɔ odenɔ ezizi nɛ ahwɛ mɛ.’

Romanɛ 2:29

Ao, anɔ enu Yuɖaeyi gɛ onu nɛ kɛmɛ mɛ; klɛ bunyɛnyɛ bhubhui nu bunyɛnyɛ bhubhui kɔ idzyi, ganɔ Ɔfufɔɛ mɛ, ganɛ ganɔ ɔshãeplukpam. Anɔa lɛlɛ nɛ di nɛ kabhakpɛkpɛ nɛ di de banɔ ɔkɔ, pɔ kide Kpaya ɔkɔ.

Romanɛ 7:22

Alasɛ nɛ mɛ ishu mɛ ɛmɔ same nɛ Kpaya ɔshã nɛ mɛ,

Romanɛ 9:23

Kide lɛ nu, onu gɛ abhɛtɛ ana sɛ tɛ be ti yɛ ishubhubhui mɛ kesrɔdɔ kɔ yɛ eshutukubuididi, nɛ gɛ be putɔ abala lu kɔ ishubhubhui—

1 Kɔrintioanɛ 16:13

Nɔ za wunɔ tɛpupo abha, nɔ za gɛganɛɛ nɛ tɛyɛɛkɛŋaɛ mɛ, nɔ dzi banɔ gɛ ba kpɛ kemi, nɔ za gɛganɛ.

2 Kɔrintioanɛ 12:9

Pɔ aɖɔ tsre mɛ sɛ, “Mɛ ɛyamyuyɔ kpe kɔ nɔ, alasɛ ba bhɛtɛ mɛ kemi nɛ kana nɛ́ tɛbubotsoe mɛ.” Kɛlɛso ɛba fekeshu gelee dɛa na gɛ ɛba mɔ same nɛ mɛ tɛbubotso shu, sɛ tɛ Kristo bupu nɛ za mɛabha.

2 Kɔrintioanɛ 4:16

Kɛlɛso bu tɛ bakɔ idzyi ekoeyi nɛ bulɔɛ te. Kɛlɛlɛmɛ sɛ ɔtɔ nɛ bu tsɔmɔ koeyi, pɔ nɛ́ kɛmɛnɛmɛ ba bhɛtɛ lɔ avuvɔ kiwui nyɛ wui.

Efesoanɛ 1:18

Ɛka klukpaya tsyɛ sɛ wɔnɔ idzyi aŋɔhu la danɛ sɛ tɛ nɔ tii kidzoenudidi kɔ kɛ gɛ lɛ so gɛ eklu nɔ, yɛ kededɔŋɛŋa nɛ shu bhubhui nɛ kpayabanɔ nɛ mɛ,

Efesoanɛ 1:7

Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

Efesoanɛ 2:7

sɛ tɛ nɛ agɔ nɛ gɛ la ba nɛ mɛ tɛ ebe bu kɛsɔnɔ nɛ gɛ adɛsɔnɔ anɔnyanɔ akasɛ asɛ tɛmumɔ gɛ kɛ baa aba kasɛ kedziŋɛŋa gɛ kadɛ sɔnɔ yɛ dɔkukɔ, ebukasɛ nɛ yɛ ɛyɛmɛyɛyɔ kɔ lɔ nɛ Kristo Yesu mɛ.

Efesoanɛ 3:15

denɔ agɛ yɛ kɔ yɛ bupa petee nɛ owũsise anɛ kesukpa gɛ bebu yɛ kɛnyi nɛ denɔ.

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

Efesoanɛ 6:10

Gugɔɛ, nɔ za gɛganɛɛ nɛ Apalete nɛ mɛ nɛ yɛ kemi gbɛgbla mɛ.

Filipianɛ 4:13

Ɛbana kɛdɔnyɛdɔ bhɛtɛ ganɔ yɛ abha agɛ akɔmɛ bugɛganɛ.

Filipianɛ 4:19

Klɛ mɛ Kpaya aba kɔ nɔ wɔnɔɛ dɔ petee gɛ nɔ pɛɛ, nɛ yɛ ishubhubhui ehoeyi aganɔ Kristo Yesu abha.

Koloseanɛ 1:11

akɔ lɔ tɛgɛganɛ nɛ̀ yɛ kemi petee anɛ́ yɛ kabhaŋɛŋa sɛ tɛ nɔ bɔ yɛkɛ kɛxwɛwɛwa gbɛgbla, nɛ ishu bububɔ anɛ̀ samemumɔ

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

Koloseanɛ 2:2

Mɛ tɛbhɛtɛ kɛ lɛ nu sɛ tɛ ba kpɛ balɛ idzyi kemi nɛ̀ tɛ ba kpɛ alɛ ketsu nɛ́ tɛdɛdɛmɛ mɛ, sɛ tɛ ba yɛkɛ ehueyi mumɔ gelee nɛ kibuiesi nunu nɛna, nɛ kɛlɛmɛ tɛ ba beti Kpaya ebukpukpu, be klu sɛ Kristo,

2 Timotio 4:17

Pɔ Apalete nɛ aza plɛnɔ mɛ, klɛ akpɛ mɛ bugɛganɛ, sɛ tɛ ganɛ mɛa bha tɛ kibui nɛ kibu kasɛ petee klɛ bagɛ ba dɛ yɛkɛaŋa nɛ petee be nui lɛ. Klɛ be bu mɛ nɛ adzyata onugbu mɛ.

Hebriuanɛ 11:34

balɛ eni efu gɛ latã gɛganɛ klɛ besi nɛ kɛpamɛ nu, balɛ shuimɛ yɛyɔ badzi tɛgɛganɛ, gɛ ba ba wɔe keyu tɛtɛta mɛ gɛ bakɛka befu nɛ gɛ bata buyu.

1 Petro 3:4

Kɛlɛmaza, kɛbadzi kɛ gɛ de wunɔ nahwɛ mɛ, bubite gɛ butɛ xule ishunyɛnyɛna anɛ̀ ishuvuvu ɔfufɔɛ, gɛ kɛ nu kedziŋɛŋa gbɛgbla nɛ Kpaya amɛ.