Efesoanɛ 2:8 - ONUGBÙ NYƐNYÃ VUVƆ

⁸ Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

Efesoanɛ 2:8 ပူးပေါင်းရင်းမြစ်များ

Mateo 16:17

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.

Mateo 20:9

“Baxwɛwa nɛ gɛ ba yɛkɔ nɛ ɛɖɔ titi mɛ na ba klɛ akanyaka ayɛkɛ dinario terikpo.

Marko 16:16

Anɔnyanɔ gɛ ayɛkɛ aŋa pɛ nɔɔ kpɛ buni ɔkɔ yɛ nɛ ebe dzi anɔ gɛ be bu, pɔ anɔnyanɔ gɛ adɛ yɛkɛ aŋa be be bu yɛ butsipɔ.

Luka 7:50

Yesu etsre adzɛ nɛ asɛ, “Wɔ tɛyɛyɛkɛŋa kɛ bu wɔ; vɛ nɛ ishuyuyɔ mɛ.”

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Yohanɛsɛ 4:10

Yesu ebuilɛnu kɔ adze nɛ asɛ. “Ɔtɔsɛ onyi Kpaya dɔ kukɔ klɛ agɛ yɛ bisi wɔ buni wuwɔɛ, wɔ ɔtɔ bisi yɛ klɛ ata kɔ wɔ ɛkpa buni.”

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Yohanɛsɛ 6:35

Kɛlɛ Yesu ebu etsre alɛ asɛ, “Mɛ nu ɛkpã gbɛ̃gbɛvu. Anɔ nɛ gɛ aba mɛ ɔkɔ bubhɛ tɛ ba yi yɛ, klɛ anɔ nɛ gɛ ayɛkɛ nɛabha ŋa oniwɛ tɛ bɔ tɛ yɛ.

Yohanɛsɛ 6:37

Banɔ nɛ petee gɛ Kpayɛa akɔmɛ ba baba mɛ ɔkɔ, klɛ anɔnyanɔ gɛ aba mɛ ɔkɔ ɛtɛ ba kɛkɛ yɛ.

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

Yohanɛsɛ 6:44

“Anɔnyanɔ atɛ ba ba mɛ ɔkɔ gɛ odinu sɛ Aka nɛ gɛ akpɛ mɛ yɛe gbanɛ yɛ asɛsɛ mɛ, klɛ ɛba nyɛmɛ yɛ nɛ kiwui gugɔɛ nɛabha.

Yohanɛsɛ 6:65

Avɛ lɛabha aɖɔ asɛ, “Kɛlɛ so gɛ itsre nɔ sɛ anɔnyanɔ atɛ ba ba me ɔkɔ gɛ odunu Aka nɛ yɛ akɔ yɛ dzo.”

Axwɛwɛwa 13:39

Ganɔ yɛa bha nɛ anɔnyanɔ gɛ ayɛkɛ aŋa nɛɛ ba bhɛtɛ yɛ ana ganɔ kidzonyɛdzoa bha gɛ nɔ tɔ na nɛ Mose ɔshã nɛ nu flogo.

Axwɛwɛwa 14:27

Nɛ balɛ ɔkɛlɛ tɛkuku mɛ, be klu basɔlɛha nɛ exogo klɛ ba ɖɔ etsrea lɛ ebui nɛ petee gɛ Kpaya abhɛtɛ ganɔ balɛa bha nɛ kana gɛ adanɛ tɛyɛyɛkɛŋa kidzo akɔ bagɛ be di nu Yuɖanɛ.

Axwɛwɛwa 15:11

Owo! Bɔyɛkɛ ŋa sɛ ganɔ Apalete Yesu eshutukubui tɛ didi mɛ klɛ lɔ mɔ tɛyɛyɛkɛkɔ, ansɛ gɛ balɛ tsyɛ amɔ.”

Axwɛwɛwa 16:14

Bagɛ bala ta tɔ nɛ bulɔ nɛ teli enu adzɛ gɛ beklua sɛ Liɖia, gɛ aga apɔtɛ ŋɛŋaedzi kedzi alasɛ ehoeyi aza yɛahwɛ, klɛ ede Taɛtira ɔmagbla nɛm, klɛ enu anɔ gɛ akpɛ kɛtɔkpue si kɔ Kpaya. Apalete na danɛ yɛ idzyi akɔ sɛ tɛ evu Paolo kibui nɛ asɔlɛ.

Axwɛwɛwa 16:31

Be bu klɛ nu etsre yɛ asɛ, “Yɛkɛ Apalete Yesua bha ɔŋa, klɛm ɔbɔ mɔ ɛkpã—wɔnɔ nɛ wɔ pa nɛ wɔeyia lɛ nɛ petee.”

Romanɛ 10:14

Kɛlɛ, kɛba za sɛ be kulu anɔɔ nɛ gɛ yɛa bha ba dɛ yɛkɛ aŋa? Klɛ kɛlɛ la ba yɛkɛ aanɔ nɛ gɛ be ke nu yɛ dɔ di nɛa bha aŋa? Klɛ kɛlɛ le be nu yɛ dɔ gɛ odi nu sɛ anɔ teli yɛ aɖɔ yɛbui etsrea lɛ?

Romanɛ 10:17

Nɛ kɛlɛ mɛ, tɛyɛyɛkɛŋa kɛɛ de kibui nɛ tɛnunu mɛ, klɛ kibui nɛɛ be nui lɛ ganɔ Kristo kaɖɔ nɛ mɛ.

Romanɛ 4:16

Kɛlɛso, tɛtutrɔ kɛɛ ba denɔ tɛyɛyɛkɛŋam, sɛ tɛ kɛ ba dzi ganɔ eshutukubui didi nɛ ganɔ kidekpɛkpɛ kɔ Abraham yɛeyialɛ nɛ petee— ganɛ sɛ bagɛ ba lɛ nɛ ɔshã nɛ ko, pɔ kɔ bagɛ ba lɛ nɛ Abraham tɛyɛyɛkɛŋa nɛ mɛ tsyɛ. Yɛ enu aka kɔ bulɔ petee.

Romanɛ 4:5

Pɔ nɛɛ, anɔ nɛ gɛ atɛ wa kɛxwɛ pɔ ayɛkɛ Kpaya nɛ gɛ aadanɛ kɛtɔkpum gɛganɛelete shua bha ŋa, yɛ tɛyɛyɛkɛŋa ba yɛkɔɛ lɛ akɔɛ ansɛ tɛnɛna.

Romanɛ 9:16

Kɛlɛso, ganɛ anɔdzyrame tɛpɛpɛ ɔdɔgɔsɛ yɛ tɛbhɛbhɛtɛ mɛ kɛlɛ, pɔ Kpaya eshutukubui didi mɛ.

Galatianɛ 3:14

Ebu lɔ nɛ kɛlɛmɛ sɛ tɛ tɛyuyula gɛ akɔ Abraham bu ba ba bagɛ bedinu Yuɖanɛ nɛ abha ɔganɔ Kristo Yesu abha, sɛ tɛ nɛ tɛyɛyɛkɛŋa mɛ bu ba yɛkɛ Ɔfufɔɛ mɛ dɔ gɛ baɖɔ lu kɔ lɔ.

Galatianɛ 3:22

Pɔ Tɛŋuŋlɔmɛ anɛ buɖɔ sɛ ba kpɛ kanɔ petee nu kizizi evuza, sɛ tɛ kɛ gɛ ba trɔlu, ba yɛkɛ lɛ akɔ aganɔ Yesu Kristo tɛyɛyɛkɛŋa abha, ba bayɛkɛ akɔ bagɛ bayɛkɛŋa.

Efesoanɛ 1:19

klɛ nɛ yɛ kemi gbɛgbla gɛ kadɛ sɔnɔ kanyaka kɔ lɔ bagɛ buyɛkɛŋa. Kemi alɛlɛ nɛ lɛ anasɛ yɛ bupu gɛganɛ kɛxwɛ wuwa,

Efesoanɛ 2:10

Alasɛ bu nu Kpaya axwɛwɛwaɛdɔ, nɛ Kristo Yesu mɛ abhɛtɛ lɔ sɛ bu waɛxwɛ dzyɔgo gɛ Kpaya eti putɔ abhɛtɛ kɔ lɔ sɛ tɛ bu bhɛtɛ.

Efesoanɛ 2:5

abhɛtɛ lɔ bu lɛ nɛ ɛkpã nɛ̀ Kristo nɛ kibe lɛ mɛ gɛ bu tsi nɛ bulɔ buzizi nɛ mɛ tsyɛ—ganɔ ɛyamyuyɔ mɛ le bu nɔ.

Filipianɛ 1:29

Alasɛ ba tɛ trɔ ahwɛ nɛ lɛabha kɔ nɔ nɛ Kristoe nyi mɛ ganɛ sɛ tɛ nɔ yɛkɛ yɛabhaŋa tite ko pɔ tɛ nɔ mɔ butɔ nɛ yɛ tɔkpu,

Koloseanɛ 2:12

gɛ batɛ vubɔ nɔ nɛ̀ yɛ anɛ́ bunikpɛkpɛ mɛ klɛ ba nyɛmɛ nɔ nɛ yɛ ɔganɔ wɔnɔ tɛyɛyɛkɛŋa anɛ́ Kpaya kemi, agɛ anyɛmɛ yɛ edenɔ bekpui mɛ.

2 Tɛsolonianɛ 1:9

Ba ba tɛta butɔ akɔa lɛ nɛ butsyrɔ gɛ tɛ ba beke klɛ be be bua lɛ akpɛ kide nɛ ɔkɛlɛ gɛ Apalete nɛ alɛ nɛ yɛ kemi bukusi nɛ mɛ

Hebriuanɛ 6:4

Kɛtɛ ba bɛlɛmɛ kɔ bagɛ ba tɛ danɛ balɛ amɛ nɛ kibe tili, gɛ be ti mini owũsise kɛdɔkukɔ, pɛ ba tɛ mɔ balɛ yɛ ayɛkɛ nɛ Ɔfufɔɛ Dzyɔgo nɛ mɛ,

1 Petro 1:5

ganɔ agɛ tɛyɛyɛkɛŋaɛ abha Kpaya kemi kakpɛ buka kpɛ ɔdɔtɔnɔ kibe nɛ gɛ tɛbhubhuiyɛkɛ kɔ ba kɛlɛ nu tɛbubukasɛ nɛ kibe gugɔɛ nɛabha.