Efesoanɛ 2:10 - ONUGBÙ NYƐNYÃ VUVƆ

¹⁰ Alasɛ bu nu Kpaya axwɛwɛwaɛdɔ, nɛ Kristo Yesu mɛ abhɛtɛ lɔ sɛ bu waɛxwɛ dzyɔgo gɛ Kpaya eti putɔ abhɛtɛ kɔ lɔ sɛ tɛ bu bhɛtɛ.

Efesoanɛ 2:10 ပူးပေါင်းရင်းမြစ်များ

Mateo 5:16

Kana kidzoɛ lɛ nɛa bha ke, nɔ kɔ wɔnɔ kifu nɛ deke nɛ banɔa mɛ, sɛ tɛ bamɔ wɔnɔ kibuigba bhɛbhɛtɛ klɛ tɛ ba kpɛ wɔnɔ Aka nɛa bha nɛ owũsise.

Yohanɛsɛ 3:21

Pɔ anɔnɛ gɛ alɛ ɛkpã dzyɔgo abha aba obhubhui kɔ sɛ tɛ bamɔ lɛ wee sɛ kɛgɛ abhɛtɛ abhɛtɛ lɛ aganɔ Kpaya abha.”

Axwɛwɛwa 9:31

Klɛ busɔlɛha nɛ Yuɖia, Galelia anɛ Samaria petee ba za ishu yuyɔm. Busɔlɛɔha nɛ ɔgɛganɛ ɔtrɔ; klɛ Ɔfufɔɛ Dzyɔgo nɛ lɔ kpɛ alɛ kemi, lo she nɛ tikpikpem, ba za nɛ kifusisim kɔ Apalete.

Axwɛwɛwa 9:36

Nɛ Yoppa adɔkpasɛ teli aza ɔkɛlɛ gɛ be klu asɛ Tabita (gɛ onu be bu kɛlɛesi nɛɛ, kinu sɛ Dɔkasɛ) gɛ kɛdzyɔgo ko aabhɛtɛ aplɛnɔ betsyutsyuini.

Romanɛ 8:1

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

Romanɛ 8:29

Alasɛ banɔ nɛ gɛ Kpaya enyi putɔnɔ atɛ bhɛtɛ alɛ sɛ tɛ ba za Yɛeyi nɛ tɛzɛzam, sɛ tɛ ebe dzi amumɔtutɔpu nɛ badzya gelee shi.

1 Kɔrintioanɛ 3:9

Alasɛ bu nu Kpaya axwɛwa nɛ; wɔnɔ nu Kpaya yɛ ayakpa, Kpaya buvu.

2 Kɔrintioanɛ 5:17

Kɛlɛso, onugɛ anɔ teli alɛ Kristo mɛ, enu kɛdɔ bhɛbhɛtɛ vuvɔ, kɛkuku ba fla, kɛ vuvɔ nɛ ba!

2 Kɔrintioanɛ 5:5

Ɔtsɔ̃nɛ Kpaya ye bhɛtɛ lɔ kɔ kibui nɛ tututu klɛ akɔ lɔ Ɔfufɔɛ anasɛ kɛdɔluluesi, anɔede zɛza kɔ kɛ gɛ tɛ ba.

2 Kɔrintioanɛ 9:8

Klɛ Kpaya abana kɛdɔkukɔ petee abhɛtɛ kɔ nɔ, so tɛ kɛdɔ petee mɛ nɛ kibe petee mɛ, kɛdɔ petee gɛ nɔ pɛɛ kɛ lɛ yɛ ahwɛ, nɔ bɔ mɔ kɛdɔ gelee nɛ kɛxwɛwɛwa dzyɔgo kanyaka mɛ.

Galatianɛ 6:15

Bunyɛnyɛ bhubhui anɛ bunyɛnyɛ mabhui mabhui dɛ nu kɛdɔnyɛdɔ, kɛ gɛ nu kibui kɛlɛ nu tɛbhɛbhɛtɛ vuvɔ.

Efesoanɛ 1:1

Mɛ Paolo, Kristo Yesu anɔkpɛkpɛ ganɔ Kpaya tɛpɛpɛɛ mɛ. Kɔ kpayabanɔ nɛ̀ Efesosɛ, bagɛ tɛyɛkɛŋa lɛ balɛ ahwɛ nɛ Kristo Yesu mɛ:

Efesoanɛ 1:4

Alasɛ eklu lɔ nɛ yɛ mɛ flogo gɛ babhɛtɛ kanɔ sɛ tɛ bulɔ shu bhui klɛ tɛ buzizi tɛza lɔ shu nɛ yɛ amɛ. Nɛ tɛdɛdɛmɛ mɛ

Efesoanɛ 2:13

Pɔ ɔtsɔ̃ nɛ Kristo Yesu mɛ wɔnɔa gɛ kibe tili gɛ nɔ za odzroɖokɔ bagbanɛ nɔ amɛna ɔganɔ Kristo dzyosu nɛ mɛ.

Efesoanɛ 2:15

ayɛkɔ yɛ ishuidzya ebu ɛshã ɛlɛ tɛkpɛkpɛ anɛ ɛlɛabha bhɛbhɛtɛ. Yɛ tɛtɛtrɔ kɛlɛ dzi sɛ tɛ abhɛtɛ nɛ yɛnahwɛ mɛ anɔ vuvɔ terikpo denɔ balɛ tɛabha mɛ, sɛ abhɛtɛ ishuyuyɔ,

Efesoanɛ 2:2

nɛ gɛ nɔ za kanɔ mɛ ebui nɛede klɛ agɛ aŋa bukusi nɛ kɛlɛmɛ, ɔfufɔɛ nɛ gɛ lɔ waɛxwɛ ɔtsɔ̃nɛ nɛ́ bagɛ ba ta ta tɔ nɛ mɛ.

Efesoanɛ 2:6

Klɛ Kpaya efeke lɔ nɛ Kristo klɛ ayɛkɔ lɔ edzu yɛ ɔbha nɛ owũsiseanɔ nɛ mɛ nɛ Kristo Yesu mɛ,

Efesoanɛ 4:1

Anasɛ evuza kɔ Apalete, ɔkɛlɛ, ɛpɛɛ denɔ wɔnɔ kɔ sɛ tɛ nɔ za nɛ ɛkpã gɛ sɔnɔ tɛkuklu nɛ gɛ nɔ tɛ yɛkɛ.

Efesoanɛ 4:24

klɛ tɛ nɔ kpɛ ɛkpã vuvɔ, gɛ ba bhɛtɛ tɛ kiyi Kpaya nɛ kɛgbɛagba anɛ ɛkpãdzyɔgo zɛza anɛ ishubhubhui.

Filipianɛ 1:6

idzyigɛganɛ alɛ mɛ ahwɛ sɛ, agɛ yakpɛ kɛxwɛ dzyɔgoe nɛesi nɛ wɔnɔ mɛ aba vɛ kɛlɛa bha ɔdɔtɔnɔ kɛlɛ obekekɔ nɛ Kristo Yesu kiwi nɛabha.

Filipianɛ 2:13

alasɛ Kpaya yɛ awaɛxwɛ nɛ wɔnɔ mɛ nɛ tɛpɛpɛɛ anɛ̀ tɛbhɛbhɛtɛ nɛ tɛtɛtrɔ dzyɔgo nɛ nu.

Koloseanɛ 1:10

Klɛ bu klukpaya sɛ tɛ nɔ za nɛ ɛkpã nɛ Apalete tɛpɛpɛɛ klɛ tɛ kiku yɛ awɔ̃ nɛ́ kidzonyɛdzo abha, tɛ kɛmɛna tɛyuyu anɛ kɛxwɛwɛwa dzyɔgo, tɛ bu zɛ she nɛ́ Kpaya kibui titi mɛ,

Koloseanɛ 3:10

klɛ nɔ kpɛ bu vuvɔ pi, gɛ nɔ tsrakɛ nɛ kibuititi mɛ nɛ Adɔbhɛtɛ nɛ tɛ zɛza mɛ.

2 Tɛsolonianɛ 2:17

akpɛ wɔnɔ idzyi nɛ kemi klɛ tɛ akɔ nɔ gɛganɛ nɛ nɔ kibui dzyɔgo bhɛbhɛtɛ kanyaka mɛ anɛ kaɖɔɖuɖɔ.

1 Timotio 2:10

pɔ nɛ ebui dzyɔgo bhɛbhɛtɛ, gɛ aba kɔ badzɛ gɛ ba yɛkɔ shu asɛ ba ba kpɛ kɛtɔkpuesi kɔ Kpaya.

1 Timotio 5:10

klɛ be nyi yɛ mɔmɔ nɛ yɛ ebui dzyɔgo shu, ansɛ beyi nyunyunɔ, anɔkɔdidi, butsrukpɔ puplu kɔ banɔnɛna, tɛpɛplɛnɔ kukɔ bagɛ be ku butɔ mɛ klɛ ayɛkɔ yɛ shu akpɛ ebui dzyɔgo kanyaka tɛbhɛbhɛtɛ mɛ.

1 Timotio 5:25

Kana mɛ dzoe lɛ nɛa bha ke, ebui dzyɔgo nɛ tsyɛ awɛ̃ wee, klɛ agɛ ala taa wɛ̃ nɛ tsyɛ ba tɛ ba na alɛ kpu.

1 Timotio 6:18

Bu otsre alɛ sɛ ba bhɛtɛ kɛdzyɔgo, tɛ kibui dzyɔgo ehoeyi aza balɛ ahwɛ, tɛ ba pɛ̃ ɛyam tɛ ba dɛmɛ akɔ kɛdɔ.

2 Timotio 2:21

Onu gɛ anɔ teli eŋuse yɛ shu ebu nɛ kɛgɔgɔɛ nɛ mɛ, ebe dzi kɛxwɛwadɔ kɔ kibui gbɛgbla tɛbhɛbhɛtɛ, gɛ ba bhɛtɛ lɛ pɛ kɛlɛ shu bhui, gɛ kɛlɛ kɛxwɛwa mɛ kɔ Apalete klɛ ba bala kɛlɛ elu kɔ kɛxwɛ dzyɔgo kanyaka wɛwa nɔ.

2 Timotio 3:17

sɛ tɛ Kpayanɔ kɛxwɛwadɔ kanyaka za yɛahwɛ kɔ kɛxwɛ dzyɔgo kanyaka.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Titusɛ 2:7

Nɛ kibuinyɛbui mɛ, bhɛtɛ kibui dzyɔgo gɛ be be di abhɛtɛ. Nɛ wɔ kɛdɔkɛkasɛ mɛ, kasɛ ɔsɛ onu anɔ gɛ otoo hu otro, klɛ ɔtɔɔ wɔ buwɔfu

Titusɛ 3:1

Baka banɔ nɛ sɛ ba kpɛ kɛtɔkpuesi kɔ bagɛ aŋaɛbha nɛ kabhaŋɛŋa, tɛ ba taa tɔ, tɛ ba za tɛbɛbala mɛ kɔ kɛkanyakaɛ di gɛ kɛbɔ nɛ tɛbhɛbhɛtɛ,

Titusɛ 3:14

Alasɛ tɛ bulɔkɔayɛ nɛ bakpasɛ kana gɛ ba ba yɛkɔ ishu akɔ nɛ kɛdzyɔgo tɛbhɛbhɛtɛ mɛ, sɛ tɛ ba bhɛtɛ kiwinyɛwi kɛdɔ bhɛbhɛtɛ tɛ ba tɛ za nɛ ɛkpã nɛ gɛ kɛdɔnyɛdɔ tɛ ba de kɛlɛ mɛ koeyi.

Titusɛ 3:8

Kibui nɛ nu kibuiɖuɖɔ gɛ ba ba yɛkɛ kɛlɛa bha aŋa. Klɛ ɛpɛɛ sɛ tɛ nɔ trɔ kɛklãgbu nɛ ebuia nɛa bha, sɛ tɛ bagɛ atɛ yɛkɛ Kpayabha aŋa nɛ be luawɔ̃ tɛ ba yɛkɔ ishu etsye nɛ kibui dzyɔgo tɛbhɛbhɛtɛ mɛ. Ebuia nɛ apɛ̃ezi klɛ le be dzi kɛdɔ kɔ anɔnyanɔ.

Hebriuanɛ 10:24

Klɛ nɔ kɔ lɔ di kɛgɛ buba bhɛtɛ kɔ agulɔ kɔ ishudɛdɛmɛ anɛ adzyɔgo bhɛbhɛtɛ.

Hebriuanɛ 13:21

akɔ nɔ kɛdɔ dzyɔgo nyɛdɔdzyɔgo kɔ yɛ tɛpɛpɛɛ, klɛ tɛ awaɛxwɛ nɛ bulɔ mɛ kɛgɛ ku yɛ awɔ̃, ɔganɔ Yesu Kristo abha, kɔ yɛ ishubhubhui mɛ denɔ mabeke ɔvɛnɔ mabeke mɛ. Tɛlɛbɛlɛmɛ.

1 Petro 2:12

Nɔ za ɛkpã dzyɔgoe nɛdi nɛ ibuidielete, sɛ kɛlɛlɛmɛ ba be bu nɔɛ pɔ sɛ nɔ bhɛtɛ kizizi, ba ba ba mɔ ɛnɔ ebui dzyɔgo bhɛbhɛtɛ klɛ ba ba kpɛ Kpaya nɛabha nɛ kiwui nɛ gɛ aba ba bulɔ kɔ.

1 Yohanɛsɛ 1:7

Pɔ onugɛ bu ga nɛ obhubhuikɔ, anasɛ gɛ alɛ nɛ obhubhuikɔ, bu yɛkɛ terikpo bhɛbhɛtɛ nɛ ɔhaglɔ, klɛ ye Yianyɛ Yesu dzyosu, eplu buzizi petee bu nɛ bulɔ shu.

1 Yohanɛsɛ 2:6

Agɛ ayɔkɔ sɛ alɛ Kpaya mɛ, alasɛ tɛ aga anasɛ gɛ Yesu abhɛtɛ.