Efesoanɛ 1:7 - ONUGBÙ NYƐNYÃ VUVƆ

⁷ Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

Efesoanɛ 1:7 ပူးပေါင်းရင်းမြစ်များ

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Mateo 26:28

Mɛ dzyosu nɛ naa nɛ onugbunyɛnya mɛ nɛ wɔnɔ, gɛ ba yɛkɔ balɛ esi kɔ banɔ gelee kɔ balɛ buzizi tɛyɛyɛkɔ tsye.

Mateo 6:12

Yɛkɔ bulɔ buzizi nɛ otsye lɔ, ansɛ gɛ bulɔ tsyɛ bu yɛkɔ buzizi tsye bagɛ ba bhɛtɛ buzizi amɛna bulɔ kɔ.

Marko 14:24

Etsre alɛ asɛ, “Mɛ onugbu nyɛnya dzyosu nɛ naa, gɛ be bu abalɛ lu kɔ banɔ gelee.”

Luka 1:77

tɛ akɔ yɛ banɔ kibuititi denɔ tɛyɛyɛkɛkɔ shu ganɔ balɛ ebuikpã tɛtsyitsye,

Luka 24:47

klɛ kitemɛ tsyitsyina nɛ ebuizizi tsyitsye, ba baɖɔ nɛ yɛ nyimɛ kɔ amadi nɛ petee, kesikpɛkpɛ nɛ Yerusalɛm.

Yohanɛsɛ 20:23

Onugɛ nɔ yɛ kɔ anɔ teli bui zizi otsye yɛ ba yɛ kɔ etsye yɛ, pɔ onugɛ nɔ dɛ yɛ kɔ tsye alɛ, ba dɛ yɛkɔ etsye alɛ.”

Axwɛwɛwa 10:43

Batɔnu nɛ petee aɖɔ edenɔ yɛ shu sɛ anɔnyanɔ gɛ anya yɛkɛ yɛa bha aŋa ko amɔ buzizi tɛyɛyɛkɔ tsye ganɔ yɛ kinyim.”

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

Axwɛwɛwa 3:19

No tsyina kitem, tɛ no tsyina amɛ ɔtɔnɔ Kpaya, sɛ tɛ be xule wɔnɔ buzizi, tɛ kimuenebe ba kɔnɔ denɔ Apalete nɛ ɔkɔ,

Romanɛ 2:4

Ɔdɔgɔsɛ ɔkasɛ awɔ̃kuku kɔ kikesrɔdɔ nɛ gɛ de yɛ ɛyamyuyɔ nɛ wɔ, amɛkukɔ anɛ tɛdɛdɔfɔ̃ nɛ wɔ, ɔtɔɔ mɔ sɛ Kpaya eyamyuyɔ nɛ gbanɔ wɔ ɔvɛnɔ kitem tsyitsyina shu?

Romanɛ 3:24

klɛ ba tɛ mɔ tɛwũwũse ganɔ yɛ eshutukubui didi mɛ ganɔ Yesu Kristo anɔ bhubhuiyɛkɛ mɛ.

Romanɛ 3:25

Kpaya ayɛkɔ yɛ akɔ anasɛ kɛtɔkpu tsɛtsrakɛ, ganɔ tɛyɛyɛkɛŋa nɛ yɛ dzyosu mɛ. Abhɛtɛ kibui nɛ asɛ tɛ ayɛkɔ ebu yɛ tɛnɛna nɛ akasɛ, alasɛ nɛ yɛ tɛdudɔfɔ̃ɔ mɛ atɛ shɛ̃nahwɛ ebuizizi nɛ gɛ ba bhɛtɛ eputɔnɔ nɛ shu butɔ matɛtamatɛta—

Romanɛ 9:23

Kide lɛ nu, onu gɛ abhɛtɛ ana sɛ tɛ be ti yɛ ishubhubhui mɛ kesrɔdɔ kɔ yɛ eshutukubuididi, nɛ gɛ be putɔ abala lu kɔ ishubhubhui—

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

2 Kɔrintioanɛ 8:9

Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.

Efesoanɛ 1:14

gɛ lɔ nu ahwɛ tɛtrɔ tɛbɛbala kededɔŋɛŋa kɔ lɔ ɔdɔtɔnɔ tɛbhubhuiyɛkɛ kɔ bagɛ balɛ nu Kpaya ayɛ—tɛ ba kpɛ yɛ kabhaŋɛŋa nɛ kabha.

Efesoanɛ 1:18

Ɛka klukpaya tsyɛ sɛ wɔnɔ idzyi aŋɔhu la danɛ sɛ tɛ nɔ tii kidzoenudidi kɔ kɛ gɛ lɛ so gɛ eklu nɔ, yɛ kededɔŋɛŋa nɛ shu bhubhui nɛ kpayabanɔ nɛ mɛ,

Efesoanɛ 1:6

tɛ bu kpɛ yɛ ishubhubhui ɛyɛmɛyuyɔ, gɛ ashɛnahwɛ akɔ lɔ bububɔɛ nɛ yɛ Yi gɛ adɛmɛ yɛ bui.

Efesoanɛ 1:8

sɛ akɔ lɔ kibuinyinyi nɛ kibuiesinunu gelee dɛ.

Efesoanɛ 2:4

Pɔ nɛ yɛ tɛdɛdɛmɛnɔ gbla kɔ lɔ so, Kpaya, gɛ eyuku nɛ eshutukubui didi so,

Efesoanɛ 2:7

sɛ tɛ nɛ agɔ nɛ gɛ la ba nɛ mɛ tɛ ebe bu kɛsɔnɔ nɛ gɛ adɛsɔnɔ anɔnyanɔ akasɛ asɛ tɛmumɔ gɛ kɛ baa aba kasɛ kedziŋɛŋa gɛ kadɛ sɔnɔ yɛ dɔkukɔ, ebukasɛ nɛ yɛ ɛyɛmɛyɛyɔ kɔ lɔ nɛ Kristo Yesu mɛ.

Efesoanɛ 3:16

Iklukpaya sɛ nɛ yɛ kedziŋɛŋa ishubhubhui nɛ mɛ akɔ wɔ bugɛganɛ plɛnɔ kemi ganɔ yɛ ɔfufɔɛ nɛ mɛ nɛ kɛmɛ,

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

Filipianɛ 4:19

Klɛ mɛ Kpaya aba kɔ nɔ wɔnɔɛ dɔ petee gɛ nɔ pɛɛ, nɛ yɛ ishubhubhui ehoeyi aganɔ Kristo Yesu abha.

Koloseanɛ 1:14

yɛ mɛ bu mɔ tɛbhubhuiyɛkɛ, ebuikpã tsyitsye.

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

Koloseanɛ 2:13

Kibenɔ gɛ nɔ tsi nɛ wɔnɔ ebuizizi mɛ klɛ nɛ́ bunyɛnyɛ mabhuimabhui nɛ́ wɔnɔ ebuizizi bhɛbhɛtɛ, Kpaya abhɛtɛ nɔ lɛ nɛ ɛkpã anɛ̀ Kristo. Yɛ ya yɛkɔ bulɔ ebuizizi petee etsye,

Koloseanɛ 2:2

Mɛ tɛbhɛtɛ kɛ lɛ nu sɛ tɛ ba kpɛ balɛ idzyi kemi nɛ̀ tɛ ba kpɛ alɛ ketsu nɛ́ tɛdɛdɛmɛ mɛ, sɛ tɛ ba yɛkɛ ehueyi mumɔ gelee nɛ kibuiesi nunu nɛna, nɛ kɛlɛmɛ tɛ ba beti Kpaya ebukpukpu, be klu sɛ Kristo,

1 Timotio 2:6

gɛ ayɛkɔ yɛshu etsye ansɛ kɛbhɛ bubuya nɛ banɔdzyrame nɛ petee tɔkpu—gɛ ki dzi kibuimɔɖɔ nɛ kɛlɛ be dzyɔgo mɛ.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Titusɛ 3:6

gɛ ebu abalɛ bulɔa bha anɛ eyemyuyɔ ganɔ Yesu Kristo bulɔ Anɔ nɛ gɛ ebu lɔ,

Hebriuanɛ 9:22

Kɛgbɛagba nɛ, ɔshã ɔlɛ nu sɛ kɛdɔnyɛdɔ kule bayɛkɔ dzyosu epluɛ lɛ nɔ, klɛ onugɛ ba dɛ balɛ dzyosu nɛesi tɛtsyitsye tɛ ba za.

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Yohanɛsɛ 2:12

Ɛŋlɔmɛ kɔ nɔ, banɛvɔ mumɔa, alasɛ ba yɛkɔ wũnɔ buzizi etsye nɛ yɛ nyi nɛ so.

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

1 Yohanɛsɛ 4:10

Kɛnɛ kɛlɛ nu tɛdɛdɛmɛnɔ, ganɛ sɛ bulɔ tɛdɛdɛmɛnɔ nɛ Kpaya, pɔ sɛ adɛmɛ bulɔɛ bui klɛ asɛsɛ yɛ Eyianyɛ anasɛ ishu kukɔ kɔ bulɔ buzizi tsyitsye.

Tɛbubukasɛ 14:4

Balɛ enu banɔ nɛ gɛ be di zi ishu nɛ badzɛ, alɛasɛ balɛ ba nyɛna shu klɛ balɛ shu bhui. Ba za Obhoshieyi nɛede nɛ ɔkɔnyɔkɔ gɛ lɔ vɛ. Be dzi balɛ ebu denɔ banɔ mɛ klɛ ba yɛkɔa lɛ akɔ ansɛ isieyuyu tutɔpu kɔ Kpaya anɛ Obhoshieyi.

Tɛbubukasɛ 5:9

Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.