Efesoanɛ 1:18 - ONUGBÙ NYƐNYÃ VUVƆ

¹⁸ Ɛka klukpaya tsyɛ sɛ wɔnɔ idzyi aŋɔhu la danɛ sɛ tɛ nɔ tii kidzoenudidi kɔ kɛ gɛ lɛ so gɛ eklu nɔ, yɛ kededɔŋɛŋa nɛ shu bhubhui nɛ kpayabanɔ nɛ mɛ,

Efesoanɛ 1:18 ပူးပေါင်းရင်းမြစ်များ

Mateo 13:15

Alasɛ banɔa nɛ idzyi mɛ aba agɛganɛ; agɛganɛ kɔa lɛ sɛ tɛ benu nɛ balɛ batɔ, klɛ ba da balɛ awɔ̃hũ. Otɔ sɛ anɛ kana bata za mɔ nɛ balɛ awɔ̃hũ, be nu nɛ balɛ batɔ, be nu kibuiesi nɛ balɛ idzyi, klɛ tɛ betsyina, klɛ mɛ ba beke balɛ banya.’

Marko 10:17

Gɛ Yesu agaa vɛ, anyɛ teli aba tɔnɔ yɛ klɛ ezhiakpla nɛ yɛ otugba. Ebisi asɛ, “Adɔkasɛ Dzyɔgo,” “kidee mɛ ɛba bhɛtɛ pɛ ɛba mɔ ɛkpã gɛ tɛ ba beke?”

Luka 24:45

Ɔkɛlɛ adanɛ balɛ kɛtɔkpu mɛ sɛ tɛ be nu Kpayɛbui nɛesi.

Axwɛwɛwa 16:14

Bagɛ bala ta tɔ nɛ bulɔ nɛ teli enu adzɛ gɛ beklua sɛ Liɖia, gɛ aga apɔtɛ ŋɛŋaedzi kedzi alasɛ ehoeyi aza yɛahwɛ, klɛ ede Taɛtira ɔmagbla nɛm, klɛ enu anɔ gɛ akpɛ kɛtɔkpue si kɔ Kpaya. Apalete na danɛ yɛ idzyi akɔ sɛ tɛ evu Paolo kibui nɛ asɔlɛ.

Axwɛwɛwa 26:18

sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

Romanɛ 11:29

Alasɛ Kpaya kɛdɔkukɔ anɔ anɛ yɛ anɔkuklu nɛ ama gɛ ɔbɔ tsrakɛ.

Romanɛ 2:4

Ɔdɔgɔsɛ ɔkasɛ awɔ̃kuku kɔ kikesrɔdɔ nɛ gɛ de yɛ ɛyamyuyɔ nɛ wɔ, amɛkukɔ anɛ tɛdɛdɔfɔ̃ nɛ wɔ, ɔtɔɔ mɔ sɛ Kpaya eyamyuyɔ nɛ gbanɔ wɔ ɔvɛnɔ kitem tsyitsyina shu?

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Galatianɛ 5:5

Pɔ nɛ tɛyɛyɛkɛŋa abha bupo ganɔ Ɔfufɔɛ kɛdzyɔgo bhɛbhɛtɛ kɛlɛ bu didzoenu kɔ.

Efesoanɛ 1:11

Nɛ yɛ mɛ be klu lɔ tsyɛ, be klu lɔ nɛ ebui bhɛbhɛtɛ nɛ nu gɛ kɛwaɛxwɛ nɛ kɛkanyaka mɛ nɛ yɛ tɛtɛtrɔ nɛabha,

Efesoanɛ 1:7

Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

Efesoanɛ 2:12

bakasɛ kibelɛlɛ nɔza ɔtɔ nɛ Kristo shu, ba dɛ kla nɔ kpɛ Izraɛlanɛ nɛ shi anɛ befu kɔ onugbu nyɛnya kibuiɖɔlu, nɛ kidzoenudidi mazamaza, anɛ Kpaya kanɔa nɛ mɛ mazamaza.

Efesoanɛ 3:16

Iklukpaya sɛ nɛ yɛ kedziŋɛŋa ishubhubhui nɛ mɛ akɔ wɔ bugɛganɛ plɛnɔ kemi ganɔ yɛ ɔfufɔɛ nɛ mɛ nɛ kɛmɛ,

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

Efesoanɛ 4:1

Anasɛ evuza kɔ Apalete, ɔkɛlɛ, ɛpɛɛ denɔ wɔnɔ kɔ sɛ tɛ nɔ za nɛ ɛkpã gɛ sɔnɔ tɛkuklu nɛ gɛ nɔ tɛ yɛkɛ.

Efesoanɛ 4:4

Ishuidzya tirikpo anɛ Ɔfufɔɛ torikpo—anasɛ gɛ beklu nɔ kɔ kidzoenudidi tirikpo gɛ be klu nɔ—

Efesoanɛ 5:8

Alasɛ kibe tili nɔ tɛ dzi otumu, pɔ ɔtsɔnɛ nɔ tã anasɛ kifu nɛ Apalete nɛ mɛ. Nɔ za anasɛ kifu mɛ beyi

Filipianɛ 3:14

Ɛwlãkɛ vɛnɔ sɛ tɛ ɛŋɛabha sɛ tɛ ɛyɛkɛ kabhaŋɛŋa kɛdɔ gɛ Kpaya eklu mɛ aganɔ owũsise mɛ nɛ Kristo Yesu mɛ.

Koloseanɛ 1:12

ahwɛhuhu kɔ Aka, gɛ abhɛtɛ nɔ nɔna tɛ nɔ yɛkɛ kpayabanɔ kededɔ nɛ́ kifu tɛtã bukusiŋakɔ.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

Koloseanɛ 1:5

tɛyɛyɛkɛŋa anɛ̀ tɛdɛdɛmɛnɔ gɛ ki koeyi denɔ kidzoenudidi gɛ ba bala lu kɔ nɔ nɛ owũsise klɛ kɛ lɛ sɛ wɔnɔ no ti nu kibuigba nɛ dɔ, gɛ nu kibui dzyɔgo

Koloseanɛ 2:2

Mɛ tɛbhɛtɛ kɛ lɛ nu sɛ tɛ ba kpɛ balɛ idzyi kemi nɛ̀ tɛ ba kpɛ alɛ ketsu nɛ́ tɛdɛdɛmɛ mɛ, sɛ tɛ ba yɛkɛ ehueyi mumɔ gelee nɛ kibuiesi nunu nɛna, nɛ kɛlɛmɛ tɛ ba beti Kpaya ebukpukpu, be klu sɛ Kristo,

Koloseanɛ 3:15

Nɔ kɔ Kristo ishuyuyɔ ŋa kabha nɛ wɔnɔ idzyi mɛ, nɛ kibelɛlɛ alasɛ gɛ nɔ nu ɔha nɛ ishuidzya tirikpo, be klu nɔ kɔ ishuyuyɔ. Klɛ nɔ dzi ahwɛhuhu elete.

1 Tɛsolonianɛ 2:12

balɛ kemikpɛkpɛ, ishumyuyɔ klɛ etsre nɔ asɛ tɛ nɔ za nɛ ɛkpã gɛ ku Kpaya awɔ̃, gɛ eekulu nɔ akpɛ yɛ bukusiɔŋakɔ nɛ ishubhubhui nɛ mɛ.

1 Tɛsolonianɛ 5:8

Pɔ gɛ bulɔ bu nu kelizɛza mɛ banɔ, nɔ kɔ lɔ ŋa ishuabha, tɛ bu yɛkɔ tɛyɛyɛkɛŋa anɛ tɛɖuɖɔ kpla ansɛ kitemɛnyadɔ, anɛ tɛbubu kidzoenu didi ansɛ ɔɖa kikutu.

2 Tɛsolonianɛ 1:11

Nɛ kibui nɛɛ di nɛ kɛtɔkpu mɛɛ, bu tsri lɛa bha bu kulukpaya nɛ wɔnɔɛ tɔkpu, sɛ tɛ bulɔ Kpaya nɛ aba kla nɔ sɛ nɔ na kɔ yɛ tɛkuklu, klɛ tɛ ganɔ yɛ kemi nɛ mɛ aba bhɛtɛ kɛkanyaka gɛ nu kɛdzyɔgo kɔ nɔ anɛ kɛkanyaka gɛ wɔnɔ tɛyɛyɛkɛŋa nɛ ba bisi.

2 Tɛsolonianɛ 2:16

Kɔ bulɔ Apalete Yesu Kristo nahwɛ anɛ bulɔ Aka Kpaya, gɛ aɖɔ lɔ klɛ ganɔ yɛ eshutukubui didi mɛ pɛ akɔ lɔ ɔfufɔɛ mɛ kemikpɛkpɛ anɛ kidzoenudidi dzyɔgo,

1 Timotio 6:12

Gɔnɛ tɛyɛyɛkɛŋa tɛgugɔnɛ dzyɔgo. Nyɛna ɛkpã gɛ tɛ ba beke nɛm ovunɔ, ɛgɛ ɛlɛ mɛ le kulu wɔa kɔ, nɛ kibe lɛ gɛ ɔbhɛtɛ wɔ ishu mɛ dɛdanɛ dzyɔgo nɛ bebuimɔɖɔ gelee amɛ.

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Titusɛ 3:7

sɛ tɛ, yɛ ɛyamyuyɔ nɛ tɛ dzyɔ lɔ, bu ba dzi beyi gɛ kidzoenudidi lɛ bulɔ ahwɛ anɛ ɛkpã mabeke mabeke mɛ.

Hebriuanɛ 10:32

Nɔ baka ewui nɛ gɛ la ba fla gɛ nɔ yɛkɛ Kpaya yɛ bui nɛ beke, gɛ nɔ za wɔnɔ ɔzakɔ nɛ tɛwɛ̃wlãnkɛ gɛganɛ anɛ ebuiamɛ mumɔ mɛ.

Hebriuanɛ 6:4

Kɛtɛ ba bɛlɛmɛ kɔ bagɛ ba tɛ danɛ balɛ amɛ nɛ kibe tili, gɛ be ti mini owũsise kɛdɔkukɔ, pɛ ba tɛ mɔ balɛ yɛ ayɛkɛ nɛ Ɔfufɔɛ Dzyɔgo nɛ mɛ,

1 Petro 1:3

Kabhakpɛkpɛ kɔ Kpaya anɛ Aka bulɔ Apalete Yesu Kristo! Nɛ yɛ eshutukubuididi gbɛgbla mɛ akɔ lɔ tɛmumɔ vuvɔ akpɛ nɛ ɛkpã kɛdzoenudidi mɛ ganɔ Yesu Kristo tɛnyɛnyɛmɛ denɔ bekpui mɛ,

1 Petro 3:9

Nɔ tɛ yɛkɔ kibui kpã ɔbuya kɛbhɛ kɔ kibui kpã bhɛbhɛtɛ pɛnɔ tɛkukla kɔ tɛkukla, pɔ nɛ̀ tɛ yuyula, alasɛ kɔ kɛnɛ be klu nɔ sɛ tɛ nɔ bɔ yɛkɛ tɛyuyula kededɔ.

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.