Efesoanɛ 1:13 - ONUGBÙ NYƐNYÃ VUVƆ

¹³ Klɛ wɔnɔ tsyɛ be klu nɔ akpɛ Kristo mɛ kibe lɛlɛ nɛ gɛ nɔ nu kibui gbɛagba, kibui dzyɔgo kɔ nɔ tɛbhubhuiyɛkɛ. Tɛyɛyɛkɛŋa kede, bakpɛ nɔ susu nɛ yɛ mɛ nɛ̀ kɛklãgbu tɛtɛtrɔ, tɛ nɔ yɛkɛ Ɔfufɔɛ Dzyɔgo ɖuɖɔlu,

Efesoanɛ 1:13 ပူးပေါင်းရင်းမြစ်များ

Luka 11:13

Kɛlɛalɛ Onugɛ wɔ nɛlɛmɛ, onu anɔ kpã, tii kɛkɔ nɛ gɛ ɔbɔ kɔ wɔeyia lɛ kɛdɔ dzyɔgo, kɛlɛ wɔ Aka nɛ owũsise aba kɔ Ɔfufɔɛ Dzyɔgo bagɛ be bisi yɛ!”

Luka 24:49

Ɛba tɛsɛsɛ nɔ kɛgɛ mɛ Aka na ɖɔlu, pɔ nɔ za ɔma gbɛgbla nɛ mɛ, ɔdɔtɔnɔ kibenɔ gɛ ba bayɛkɔ kemi edenɔ owũsise enyumu kɔ nɔ.”

Yohanɛsɛ 1:17

Alasɛ ba kɔ ɔshã ganɔ Mose abha, ɛyɛmɛyuyɔ anɛ̀ kɛgba nɛ ba ganɔ Yesu Kristoa bha.

Yohanɛsɛ 14:26

Pɔ Apɛplɛnɔ, Ɔfufɔɛ Dzyɔgo, gɛ Aka na ba sɛsɛ nɔ nɛ mɛ nyimɛ, lɔ bɔ kasɛ nɔ ebui nɛ petee klɛ lɔ bɔ baka nɔ kibuinyɛbui gɛ ɛtsre nɔ.

Yohanɛsɛ 15:26

“Kɛbenɔ nɛ gɛ Apɛplɛnɔ aba ba, agɛ yɛ ɛba kpɛ nɛ wunɔ kɔ denɔ Aka nɔ kɔ, kɛgbɛagba Ɔfufɔɛ gɛ lɔ ga koeyi denɔ Kpaya ɔkɔ, aba ɖɔaɖɔ denɔ mɛ shu.

Yohanɛsɛ 3:33

Anɔ gɛ ayɛkɛ lɛ akasɛ asɛ Kpaya enu kɛgbɛagba.

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

Axwɛwɛwa 1:4

Nɛ kiwi tilia bha, gɛ edzi aŋa kɛdɔ nɛ balɛ, akɔa lɛ ɔshãa na sɛ: “Nɔ tɛ shɛ nɛ Yerusalɛm, pɔ nɔ dzrɔ opo kɛdɔ nɛ gɛ mɛ Aka na ɖɔa sɛ aba kɔnɔ, gɛ klɛ shuibui nɔ tɛ nu denɔ mɛ ɔkɔ gɛ ɛɖɔ.

Axwɛwɛwa 13:26

“Badzya mɔ, Abraham yɛeyia lɛ mɔ, ganɛ wɔnɔa gɛ odinu Yuɖanɛ pɛ no si Kpaya kifu, blɔ so pɛ ba sɛsɛ anɔbubu kibui.

Axwɛwɛwa 2:33

Be feke yɛ ada kpɛ Kpaya kɛŋahwɛ mɛ, klɛ ayɛkɛ Ɔfufɔɛ Dzyɔgo nɛ edenɔ Yaka ɔkɔ ansɛ gɛ aɖɔelu klɛ atɛ balɛ kɛ gɛ nɔɔ mɔ pɛ noo nu nɛ elu.

Romanɛ 1:16

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

Romanɛ 4:11

Klɛ ayɛkɛ kɛdɔmumɔ bunyɛnyɛ bhubhui shu, tɛnɛna adɛda gɛ ayɛkɛ ganɔ tɛyɛyɛkɛŋam nɛ kibe lɛ gɛ eke bhui bunyɛnyɛ. So nɛɛ, yɛ enu aka kɔ bagɛ ba yɛkɛ aŋa nɛ petee pɔ pɛ be ke bhui bunyɛnyɛ, sɛ tɛ ba ba yɛkɔ tɛnɛna kɔa lɛ.

Romanɛ 6:17

Pɔ ahwɛhuhu kɔ Kpaya sɛ, kɛ nya lɛ kɛlɛm sɛ tsã no dzi banɔdzidzi kɔ buzizi, nɔ yɛkɔ wɔnɔ idzyi petee ɔtatɔ nɛ kɛdɔkɛkasɛ nɛ di gɛ ba yɛkɔ kpɛ ahwɛ kɔ nɔ.

2 Kɔrintioanɛ 1:22

atsa yɛ kɛna kɔ lɔ sɛ bu nu yɛ ayɛ, klɛ akpɛ yɛ Ɔfufɔɛ Dzyɔgo nɛ bulɔ idzyi mɛ anasɛ kɛdɔ bɛbala, kedezɛza kɔ kɛgɛ ba ba.

2 Kɔrintioanɛ 6:7

nɛ́ kɛgba kaɖɔɖuɖɔ anɛ̀ Kpaya kemi; nɛ̀ tɛzɛzamnɛna keyutɛtadɔ nɛ́ kɛŋa ɔhwɛ mɛ anɛ̀ nɛ kɛbhɛtɛkpɛ mɛ,

Galatianɛ 3:14

Ebu lɔ nɛ kɛlɛmɛ sɛ tɛ tɛyuyula gɛ akɔ Abraham bu ba ba bagɛ bedinu Yuɖanɛ nɛ abha ɔganɔ Kristo Yesu abha, sɛ tɛ nɛ tɛyɛyɛkɛŋa mɛ bu ba yɛkɛ Ɔfufɔɛ mɛ dɔ gɛ baɖɔ lu kɔ lɔ.

Efesoanɛ 4:21

Kɛgbɛagba nɔ nu yɛ bui klɛ bakasɛ nɔ kibui gbɛagba nɛ gɛ kɛlɛ Yesu mɛ.

Efesoanɛ 4:30

Nɔtɛ bhɛtɛ kɛdɔ gɛ kɛba puɛ Kpaya Ɔfufɔɛ dzyɔgo, ɔlɛ laba kɔ kpɛ nɔ susu nɛ kiwui nɛabha gɛ ba bebhui nɔ yɛkɛ.

1 Tɛsolonianɛ 2:13

Klɛ bu tsri lɛa bha tsyɛ hu Kpaya ahwɛ alasɛ, onu gɛ nɔ yɛkɛ Kpaya kibui, gɛ no nu denɔ bulɔ kɔ, nɔ yɛkɛ lɛ ganɛ ansɛ banɔdzyrame kibui ɖuɖɔ, pɔ ansɛ gɛ kɛ lɛ, pɛ ki nu Kpaya bui, nɛ gɛ kɛwa kɛxwɛ nɛ wɔnɔa gɛ ɔyɛkɛ ɔŋa nɛ mɛ.

2 Timotio 2:15

Bhɛtɛ mɔmɔ tɛ ɔyɛkɔ wɔ shu ɔkɔ Kpaya ansɛ anɔ gɛ ba trɔ ahwɛ yɛabha, axwɛwa gɛ ama sɛ tɛ kɛwɛ̃ ku yɛ klɛ aanyɛna kibuigba nɛ mɔmɔ.

2 Timotio 2:19

Pɔ, Kpaya kesikpɛkpɛ nɛna nɛ keli gɛganɛɛ, gɛ ba da kɛlɛ adɛda nɛ gɛ ba ŋlɔmɛ atrɔ yɛabha sɛ: “Apalete nɛ enyi bagɛ be nu yayɛalɛ,” klɛ, “Anɔnyanɔ gɛ ebu Apalete nɛ nyi aɖɔ, alasɛ tɛ etsodzi nɛ kɛtɔkpu mɛ gɛganɛe de.”

2 Timotio 3:15

klɛ ansɛ kana gɛ denɔ wɔ kɛnuvɔbe pɛ onyi Kpayɛbui buplukpa mɛ ebui gɛ alɛ shu bhui, gɛ ana wɔ bhɛtɛ pɛ onyibui kɔ tɛbubu ganɔ tɛyɛyɛkɛŋa nɛ Kristo Yesu mɛ.

Titusɛ 2:11

Alasɛ Kpaya ɛyamyuyɔ nɛ gɛ ɔmɛna tɛbhubhuiyɛkɛ nɔ tɛ wɛ̃ kɔ banɔ petee.

Hebriuanɛ 2:3

kɛlɛ bu ba koeyi nɛ lɛ mɛ onugɛ bugbe tɛbhubhɔyɛkɛ gbɛgblaɛ nɛ? Tɛbhubhɔyɛkɛ nɛ, gɛ Apalete eputɔ aɖɔ, bagɛ benu yɛ bui batrɔ ahwɛ nɛ lɛabha kɔ lɔ

Yakobo 1:18

Ayɛkɔ sɛ aba mɔ lɔ ganɔ kɛgba kibui nɛm, sɛ tɛ bu ba dzi eyuyu tutɔpu teli di nɛ kɛdɔ nɛ petee gɛ abhɛtɛ nɛ shi.

Yakobo 1:21

Klɛso, nɔ shɛnahwɛ ɛkpã dudɔɛbo nɛ petee shu anɛ butsutsɔmɔ nɛ gɛ gbla yuku nɛ kanɔ mɛ tɛ nɛ ishuzhizhinɔesi mɛ ɔyɛkɛ kibui nɛ gɛ ba ɖa kpɛ wɔ mɛ, gɛ kɛ ba bu wɔ.

1 Petro 2:10

Kibe tili bafla nɔ di dzi anɔ, pɔ ɔtsɔnɛ nɔ nu Kpaya banɔ, kibe bafla nɔ dɛ yɛkɛ eshutukubuididi, pɔ ɔtsɔnɛ nɔ yɛkɛ eshutukubuididi.

Tɛbubukasɛ 7:2

Ɔkɛlɛ mɛ ɛmɔ kpayaxwɛdɛ bhlatɔ gɛ ede kiwiɔyɛkɔ nɛ aaba, gɛ evunɔ ɛkpã Kpaya nɛ adɛda. Ekulu nɛ oli mɛ gɛganɛ kpayaxwɛdɛ tɛalɛ̃ nɛ gɛ ba tɛ kɔa lɛ kemi sɛ tɛ be zi kɛdɔ nɛ kesukpa anɛ aƒu nɛa bha asɛ: