Axwɛwɛwa 9:22 - ONUGBÙ NYƐNYÃ VUVƆ

²² Tsyɛ Saolo bushe ko eshe nɛ kemim klɛ yɛ tɛbhɛbhɛtɛ nɛ bhɛtɛ Yuɖanɛ nɛ gɛ ba lɛ Damaskosɛ nɛ kibi sɛ edzi bu akasɛ asɛ Yesu yɛ enu Kristo.

Axwɛwɛwa 9:22 ပူးပေါင်းရင်းမြစ်များ

Luka 21:15

Alasɛ ɛba kɔ wɔ ebuiɖɛɖɔ nɛ kibuinyinyi sɛ ba gɛ bata pɛɛ wɔɛbui ba tɛ bana kibui nɛ shu shɛ̃nahwɛ pɛnɔ betsyinɛ la ɖɔ.

Axwɛwɛwa 17:3

klɛ eebu kibuiesi aatrɔ kɛlɛa bha asɛ Kristo nɛɛ alasɛ tɛ aba mɔ butɔ tɛ anyɛmɛ edenɔ betsitsi nɛ kishi. Ɛklɛ Paolo aɖɔ sɛ, “Yesua nɛ gɛ yɛ kibui mɛ ɖɔ nɛ yɛenu Kristo.”

Axwɛwɛwa 18:5

Gɛ Silas anɛ Timotio ede Makedonia aba, Paolo ayɛkɔ kibuinɛ tɛɖuɖɔ atrɔ shu, klɛ ebu akasɛ Yuɖanɛ na sɛ Yesu yɛ enu Kristo.

Axwɛwɛwa 28:23

Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Axwɛwɛwa 9:20

Tsɛɔ̃ ko Saolo agbla kpa Kpayɛbui nɛ ɖɔ nɛ oxogokɔ bevugbla nɛm asɛ Yesu yɛenu Kpaya yɛ Eyi.

Axwɛwɛwa 9:21

Banɔ nɛ petee gɛ be nu yɛ Kpaya kibui ɖuɖɔ nɛ kɛbhɛtɛa lɛ kibi klɛ be bisi asɛ, “Ganɛ anya nɛ ya kpatɔnɔ banɔ nɛ ge klu kinyii nɛ Yerusalɛm nɛ naa? Ganɛ yɛ atɛ ba ɛkɛ nɛ ebe vu banɔ na vɛnɔ kpayanɔgbla nɛ akɔ buvu kpɛkpɛ?”

Axwɛwɛwa 9:23

Nɛ ewi gelee de, Yuɖanɛ na da nya nɛ yɛ shu sɛ tɛ be yi,

Axwɛwɛwa 9:27

Pɔ Banabasɛ agbanɛ yɛ klɛ ayɛkɔ vɛnɔ banɔkpɛkpɛ nɛ ɔkɔ. Etsre alɛ kana gɛ Saolo aaga kidzo nɛ pɛ amɔ Apalete klɛ Apalete nɛ aɖɔ kaɖɔ etsre yɛ, nɛ kana gɛ ada ɖɔ Kpaya kibui nɛ Damaskosɛ nɛ kifu masimasim nɛ Yesu kinyim

1 Kɔrintioanɛ 1:27

Pɔ Kpaya ebu ebuikpã nɛ kanɔmɛ tɛ la kpɛ kibuititi nɛ wɔ̃ɛ nɔ, Kpaya abhɛtɛ ebui nɛgɛ la dɛ gɛganɛ nɛ kanɔnɛ mɛ tɛ la kpɛ ebui gɛganɛ nɛ wɔɛ nɔ.

Galatianɛ 1:18

Kɛlɛ nɛ agɔ tata ede, ɛwu vɛ Yerusalɛm sɛ tɛ bulɔ nɛ Petro da ti aglɔ klɛ ɛza yɛ ɔbha ewui lɔfɔnɛteti.

Filipianɛ 4:13

Ɛbana kɛdɔnyɛdɔ bhɛtɛ ganɔ yɛ abha agɛ akɔmɛ bugɛganɛ.

1 Timotio 1:12

Ihu bulɔ Apalete Kristo Yesu ahwɛ, gɛ akɔ mɛ bugɛganɛ, gɛ edi mɛ asɛ anɔ gɛ tɛyɛyɛkɛŋa lɛ mɛahwɛ, klɛ eebu mɛ akɔ yɛ kɛxwɛ.