Axwɛwɛwa 6:9 - ONUGBÙ NYƐNYÃ VUVƆ

⁹ Kititi lulɔ ba ba, pɔ, denɔ banɔ nɛ gɛ be nu ishuahwɛ zɛzanɔ oxogokɔvu nɛm ɔkɔ (ansɛ gɛ beklua lɛ) Yuɖanɛ ge de Sirene anɛ Alɛksandrɛa ɔkɔ plɛnɔ Silisia anɛ Asia amadi nɛm. Banɔa na ba kpa ebui wɛlãkɛ nɛ Stefano,

Axwɛwɛwa 6:9 ပူးပေါင်းရင်းမြစ်များ

Mateo 10:17

“Nɔ lu awɔ̃ nɛ banɔdzyrame, be be vu nɔ ayɛkɔ akpɛ ahwɛ kɔ bamani klɛ ba ba mɛna nɔɛ dɔ nɛ balɛ ixogokɔevu nɛ mɛ.

Mateo 23:34

Kɛlɛ so ɛsɛsɛ nɔ batɔnu anɛ bebuinyi anɛ badɔkasɛ. Balɛmɛayɛ teli no bo yia lɛ klɛ nɔ bɔ kplalɛɔsɔ; be teli nɔ bɔ tua lɛ nɛ wɔnɔ ixogokɔevu nɛ mɛ klɛ nɔ bɔ kpatɔnɔ alɛ denɔ ɔmam ɔvɛnɔ ɔmam.

Mateo 27:32

Gɛ ba vɛ yɛ ɔkplasɔ kɔ, ba tsyanɔ anyɛ teli gɛ ede Sirene, gɛ be kulu asɛ Simɔnɛ nɛ kidzo nɛ mɛ, klɛ ba trɔ anyɛ nɛa bha sɛ tɛ ayɛkɛ butsiosi nɛ etuku akɔ yɛ.

Marko 13:9

“No di wɔnɔ shua bha. Baa yɛkɔ wɔnɔ akpɛ ahwɛ kɔ bamani klɛ le be tu wɔnɔ nɛ ixogokɔvu nɛm. Mɛ so, nɔ bɔ wɛ̃ nɛ bekusi anɛ ɛshãletegbla nɛ amɛ, klɛ no bo dzi ansɛ bebuimɔɖɔ kɔ balɛ.

Luka 21:12

“Pɔ flogo gɛ anɛ nɛ petee aba ba, ba be vu nɔ klɛ ba ba yɛkɔ nɔ akpɛ ahwɛ. Ba ba yɛkɔ nɔ akɔ bebhuiklu nɛ oxogokɔvu nɛ mɛ klɛ la ba kpɛ nɔ vu, klɛ la ba gbanɛ nɔ vɛnɔ bekusi nɛ̀ ba mani nɛ ɔkɔ nɛ mɛ nyi nɛ tɔkpu.

Axwɛwɛwa 11:20

Pɔ nɛ banɔ nɛ teli gɛ bede Siprɔsɛ Sirene, na shɛ vɛ Antiɔk klɛ bada kpa kaɖɔ ɖɔ tsre Grikianɛ nɛ tsyɛ, edenɔ Apalete Yesu kibui dzyɔgo nɛ shu.

Axwɛwɛwa 13:1

Nɛ Antiɔkɛ busɔlɛ mɛha nɛ mɛ batɔnu anɛ badɔkasɛ aza: Banabasɛ, Simeɔnɛ gɛ be klua yɛ sɛ Anɔtutu, Lusiusɛ gɛ ede Sirene, nɛ Manaɛn (edzi anɔ gɛ be he aplɛnɔ Heroɖesɛ gɛ edzi ekusi) nɛ Saolo.

Axwɛwɛwa 13:45

Gɛ Yuɖanɛ na mɔ banɔɛza nɛɛ, be yuku nɛ kawɔ̃kpɛ klɛ ba kpa anɔ kukula ebui ɖɔ nɛ ebui nɛ gɛ Paolo aaɖɔ shu.

Axwɛwɛwa 15:23

Ɔyɛkɔ plɛnɔa lɛ ba sɛsɛ keplukpa sɛ: Bulɔ, banɔkpɛkpɛ anɛ beshishe nɛ, anɛ wɔnɔa dzyalɛ nɛ ɔkɔ, bu sɛnɛ nɔ bulɔ badzya nɛ petee gɛ be di nu Yuɖanɛ gɛ ba lɛ Antiɔkɛ, Siria anɛ Silisia.

Axwɛwɛwa 15:41

Aga Siria anɛ Silisia ekoeyi, klɛ akpɛ busɔlɛha nɛ bugɛganɛ.

Axwɛwɛwa 16:6

Paolo anɛ yɛshopoalɛ na nyɔa ganɔ Frigia anɛ Galatia kɛdɔ nɛm pete, gɛ Ɔfufɔɛ Dzyɔgo nɛ ɔdɛ kɔa lɛ kidzo sɛ baɖɔ kibui nɛ Eshia kɛdɔ nɛm.

Axwɛwɛwa 18:24

Nɛ kibe lɛlɛ nɛ mɛ nɛ Yuɖaeyi teli gɛ be klu asɛ Apollosɛ, gɛ ede Alɛxandria, nɛ ebe ku Efesos. Edzi anɔ gɛ akpasɛdɔ, nɛ kibuititi denɔ Kpayɛbui ŋuŋlɔmɛ nɛ shu mɔɔ mɔ.

Axwɛwɛwa 19:10

Kɛdɔ kɛkasɛ nɛ vɛ klɛa bha agɔ tabha nyɔɔ, sɛ tɛ Yuɖanɛ anɛ Grikanɛ nɛ gɛ balɛ Asia kɛdɔ nɛ mɛ tsyɛ be nu Apalete nɛ kibui.

Axwɛwɛwa 19:26

Klɛ nɔ mɔ no nu kana gɛ anɔa nɛ gɛ enu Paolo atɛ wɛɛ klɛ etsyina banɔ gelee kɛtɔkpum nɛ ɔkɛ̃ nɛ Efesos ɔma nɛm ɔyɛkɔ kana Asia kɛdɔ nɛm petee. Aɖɔa sɛ nɛ bakpaya nɛ gɛ banɔ abhɔ nɛ ahwɛ be di nu bakpaya dzyɔgo nɛ kapɛnyapɛ mɛ.

Axwɛwɛwa 21:27

Kibe lɛ nɛ gɛ ewi tegene na vɛ obeke kɔ nɛɛ, Yuɖanɛ nɛ teli gɛ ede Asia kibe na mɔ Paolo nɛ busɔlɛvu nɛm. Banɔa lɛ na kɔ sɛ banɔɛza nɛ vu alɔ klɛ be vu yɛ,

Axwɛwɛwa 21:39

Paolo ebui lɛ nu asɛ, “Mɛ nɛɛ Yuɖayi mɛ inu, gɛ ide Tasus nɛ Silika, gɛ ɛdɛ nu ɔmagbla bhli mɛ eyi. Idzu kɛtɔkpuesi kɔ wɔ kɔ mɛ kidzo tɛ ɛɖɔ kaɖɔ tsre banɔ.”

Axwɛwɛwa 22:19

Ibui lɛ nu sɛ, “ ‘Apalete,’ ‘banɔa nɛ be nyim asɛ ɛlɔ denɔ oxogokɔ nɛ vɛ oxogokɔ klɛ mɛ da kpɛ banɔ bevu klɛ mɛ vu bagɛ ba yɛkɛ wɔa bha ŋa nɛ etu.

Axwɛwɛwa 22:3

“Mɛ inu Yuɖa eyi, gɛ bamɔ nɛ Tarsusɛ nɛ Silika, pɔ ba nyunɔ mɛ nɛ ɔmagbla nɛ mɛ. Gɛ ɛza Gamaliɛl esi ba nyunɔ mɛ mɔmɔ nɛ blɔa kalɛ ɛshã nɛm klɛ mɛ ɛlɛ kemi nɛ Kpaya kibui nɛm ansɛ gɛ wɔnɔmɛayɛ kanyaka alɛ nɛ obo nɛ mɛ.

Axwɛwɛwa 23:34

Amaŋagbla na danɛ keplukpa nɛ akla klɛ ebisi asɛ Roma kapɛ ɖueɖum anɔ nɛ ede. Gɛ ebe ti sɛ ede Silisia nɛɛ,

Axwɛwɛwa 24:18

Ɛza ishu bhubhui mɛ onu gɛ ba mɔm nɛ busɔlɛvu nɛ be mɛ bhɛtɛ ana. Banɔɛza kanyaka dɛ za plɛnɔ mɛ, ɔdɔgɔ sɛ ɛda kpɛ onugbu nɛ hunyahunya kanyaka mɛ.

Axwɛwɛwa 26:11

Ebem nɛɛ ɛlɔ nɛ oxogokɔvu nɛm ɛvɛ bunɛ nɛm sɛ tɛ ɛda di lɛ ɔkɔ sɛ be he butɔ kɔa lɛ, klɛ ɛtrɔa lɛa bha sɛ tɛ ba ɖɔ ebusobui. Nɛ mɛ kititi lulɔ nɛ balɛ shu mɛ nɛ, ɛyɛkɔ trɔ shu ga kidzo vɛ busukpa bhlatɔ ɛmagblam ɛda kpatɔnɔa lɛ.

Axwɛwɛwa 6:10

pɔ ba dɛ na kititi lɔ nɛ yɛ kibuititi nɛ shu ɔdɔgɔsɛ yɛ Ɔfufɔɛ nɛ gɛ ɔlɛa bha aga pɛ aɖɔ kaɖɔ.

1 Kɔrintioanɛ 1:20

Fakɔ ebuiti nɛ alɛ? Fakɔ keplukpalete na lɛ? Fakɔ banɔ nɛ gɛ benyi denɔ kanɔ nɛ shu alɛ? Anɛ Kpaya yɛ abhɛtɛ agã edzi ebuiti nɛ kanɔ nɛ mɛ?

Galatianɛ 1:21

Kɛlɛede ɛvɛ Siria anɛ̀ Silisia.