Axwɛwɛwa 6:14 - ONUGBÙ NYƐNYÃ VUVƆ

¹⁴ Alasɛ bunu gɛ aɖɔ sɛ Yesu Nazarɛtɛ eyia nɛ aba yɛ ɔkɛ̃ klɛ ebe tsyina Mose begu nɛ petee gɛ ashɛ̃nahwɛ elu kɔ lɔ.”

Axwɛwɛwa 6:14 ပူးပေါင်းရင်းမြစ်များ

Mateo 26:61

klɛ be bu aɖɔ asɛ, “Anyɛa nɛ yɛ aɖɔ asɛ, ‘Ɛba na busɔlɛvu nɛ bu yɛɛ klɛ ɛba tsodzini bulɛ ɛbhɔ nɛ ewi tata mɛ.’ ”

Marko 14:58

“Bunu gɛ aɖɔ asɛ, ‘Ɛba yɛ busɔlɛvu gɛ nɔ bhɔ nɛ ahwɛ, klɛ nɛ ewi tata mɛ, ɛba bhɔ bubhlatɔ, gɛ budɛ nu anɔdzyrame yɛ bhubhɔ.’ ”

Luka 21:24

Ba be yi alɛ nɛ kɛpamɛ klɛ ba ba yɛkɔ alɛ anasɛ bevuza kɔ ɛma petee. Bagɛ be dinu Yuɖanɛ ba be tu ɔtsɛrɛ nɛ Yerusalɛm abha ɔdɔnanɔ kibɛ na kɔ ba gɛ bedinu Yuɖanɛ nɛ be na.

Luka 21:6

“Anasɛ kɛdɔ nɛ gɛ nɔ mɔ nɛ́ ɔkɛ nɛ, kibe ba ba gɛ kɛklãgbu tirikpo tɛ ba wɔ kɛlɛ ɔhaglɔ abha, kɛkanyaka ba be bui lɛ atɛ̃ lu kesi.”

Yohanɛsɛ 2:19

Yesu ebuilɛnu akɔ alɛ sɛ, “Nɔ yɛ kpayavu, klɛ ɛba tsodzi feke lɛ dzu kititi nɛ ewui tata mɛ.”

Yohanɛsɛ 4:21

Yesu ebuaɖɔ asɛ, “Yɛkɛ mɛabha ŋa, adzɛ, kibe tili ba gɛ ɔbɔ kpɛ kɛtɔkpuesi kɔ Aka ganɛ butu nɛabha ɔdɔgɔsɛ Yerusalɛm.

Axwɛwɛwa 15:1

Banyɛ teli alɔ ede Yuɖia ede ku Antiɔkɛ klɛ la kasɛ baga yɛkɛ aŋa nɛ dɔ sɛ: “Dzaa sɛ be bhui bunyɛnyɛakɔ wɔ ansɛ gɛ Mose akasɛ nɛɛ ɔtɛ bɔ mɔ tɛyɛyɛkɛ.”

Axwɛwɛwa 21:21

Bakɔ le ti sɛ nɔ kasɛ Yuɖanɛ nɛ petee gɛ ba kpasɛ bagɛ di nu Yuɖanɛ nɛ shi nɛ dɔ sɛ be tsodzi nɛ Mose ede, no zo tsre alɛ ɔsɛ be ti bhu bunyɛnyɛ kɔ balɛ yialɛ ɔdɔgɔsɛ ba za nɛ ɛkpã nɛ bulɔ begu nɛ nu.

Axwɛwɛwa 25:8

Ɛklɛ Paolo ebu shu nu asɛ: “Ɛdɛ bhɛtɛ buzizi kanyaka gɛ kɛ lɔ kititi nɛ Yuɖanɛ ɔshã shu ɔdɔgɔsɛ busɔlɛvu anɛ Kaɛzaro shu.”

Axwɛwɛwa 26:3

nɛ kɛlɛ nɛ gɛ kɛlɛ nɛ mɛ alasɛ wɔ Yuɖanɛ begu nɛ petee ba sã wɔ anɛ balɛ eblebui. Kɛlɛso, ɛkɔ wɔɛ tɔkpu sɛ tɛ ɔdɔfɔ̃ɔ̃ tɛ ɔtatɔ nɛm.

Axwɛwɛwa 28:17

Nɛ ewi tata kede nɛɛ eklu Yuɖanɛ otugba banɔ nɛ petee exogo. Gɛ be xogo beke, Paolo etsrea lɛ asɛ: “Madzya Izraɛlanɛ mɔ, kɛ lɛ klɛm sɛ ɛdɛ bhɛtɛ buzizi kanyaka vɛnɔ anɔnyanɔ kɔ ɔdɔgɔsɛ ɛda trɔ bulɔa kalɛ nɛ begu kanyakaɛ bha, tsyɛ be vum nɛ Yerusalɛm klɛ la da yɛkɔ mɛ ada kpɛ ahwɛ kɔ Romanɛ.

Galatianɛ 3:19

Kɛlalɛ, kide so gɛ ɔshã nɔ lɛ? Bayɛkɔ ɔlɛ aplɛnɔ alasɛ ebuikpã bhɛbhɛtɛ ɔdɔtɔnɔ Eshui nɛ gɛ yɛ tɛtɛtrɔlu bui baɖɔ aba. Ba kpɛ ɔshã nɛesi aganɔ baxwɛdɛ nɛabha nɛ agɛ alɛ kishi.

Galatianɛ 3:23

Flogo gɛ tɛyɛyɛkɛŋa nɛ ba ba, be tivu lɔ akpɛ buvu nɛ ɔshã nɛ nu, ba davu akpɛ lɔ ɔdɔtɔnɔ kibe gɛ be bu tɛyɛyɛkɛŋa akasɛ.