Axwɛwɛwa 4:34 - ONUGBÙ NYƐNYÃ VUVƆ

³⁴ Anɔnyanɔ adɛ za balɛ shi gɛ kɛdɔnyɛdɔ zhã yɛ. Alasɛ denɔ kibem ɔvɛnɔ kibem nɛɛ bagɛ busukpa ɔdɔgɔsɛ bapa aza balɛ ahwɛ na dɛ alɛ, ba yɛkɔ kɔba

Axwɛwɛwa 4:34 ပူးပေါင်းရင်းမြစ်များ

Mateo 19:21

Yesu asɛ, “Onu gɛ ɔpɛɛ sɛ tɛ ɔna, vɛ dɔ dɛ wɔ kɛnɔmɛdɔ nɛ gɛ lɛ wɔ ahwɛ tɛ ɔyɛkɔ ehoeyi nɛ ɔkɔ betsyutsyuini, klɛ kɛnɔmɛdɔ ba za wɔahwɛ nɛ owũsise. Tɛ otsodzi ɔba tɛ ɔbɔ za mɛe de.”

Marko 10:21

Yesu edi yɛ klɛ yɛ kibui za yɛ buli. Klɛ asɛ, “Kibui tirikpo gɔ kɔ wɔ,” “Vɛ, dɔ dɛ kɛdɔnyɛdɔ gɛ lɛ wɔ ahwɛ tɛ ɔyɛkɔ kɔ betsyutsyuini, klɛ kɛba kɔ sɛ kɛnɔmɛdɔ kɛ ba za wɔ ahwɛ nɛ owũsise. Tɛ otsodzi ɔba tɛ ɔbɔ za mɛe de.”

Luka 12:33

Dɛ wɔ kɛdɔnyɛdɔ tɛ ɔyɛkɔ kɔ betsyutsyuini. Nɔ bala akpɛtɛ gɛ la tɛ ba tsa kɔ ishu, bala wɔ ehoeyi nɛ owũsise gɛ kɛdɔ tɛ ba beke nɛ ɔlɛ mɛ di, ɔkɛlɛ gɛ bezi be ti be tsobunɔ nɛ gɛ bugɔɛ tɛ batã lɛ.

Luka 16:9

Itsre nɔ sɛ nɔ yɛkɔ kanɔɛmɛ ehoeyi tɛ nɔ mɔ ɛbhɛya kɔ shu, sɛ tɛ onugɛ kɛvama, ba ba yɛkɔ nɔ akpɛ ɔzakɔ mabeke.”

Luka 22:35

Klɛ Yesu ebisi alɛ asɛ, “Kibelɛlɛ gɛ ɛkpɛ́ nɔ gɛ ɔkpɛtɛ, kakputɔ nɛ̀ ɔtsrɛklɔ dɛ zɛlɛm, kizi dɔ tili nɛ wunɔ shu?” Be builɛnu sɛ “Kidi zi kɛdɔnyɛdɔ.”

Axwɛwɛwa 2:45

Ba dɛ balɛ ishuidɔ anɛ kɛdɔzɛza anɔahwɛ nɛ petee, klɛ ba ma ehoeyi na kɔ anɔnyanɔ ansɛ gɛ apɛɛ.

Axwɛwɛwa 4:37

adɛ yɛ nahwɛ kesukpa klɛ ayɛkɔ kɔba nɛ aba kpɛ ahwɛ kɔ banɔkpɛkpɛ.

2 Kɔrintioanɛ 8:14

Nɛ kibe nɛ mɛ wunɔ dɔ gelee bana nɔ bɔ kɔ kɛgɛ ba pɛɛ, sɛ nɛ kibe bhlatɔ balɛ dɔ gelee bana ba bakɔ kɛgɛ nɔ pɛɛ. Ɔkɛlɛ kɛ ba dzi sɔsɔɛ,

1 Tɛsolonianɛ 4:12

sɛ tɛ wɔnɔ kiwinyɛwi ɛkpã zɛza nɛ kɔ ɔdzɔgelete nɛ ba mɔ nɔ akpɛ kibui tili mɛ, sɛ tɛ nɔ tɛ dɔ za anɔnyanɔa bha.

1 Timotio 6:19

Ganɔ kidzoe nɛa bha la ba bala kɛdɔ kɔshu ansɛ kesikpɛkpɛ gɛganɛ kɔ kibe nɛ gɛ ba, sɛ tɛ ɛkpã nɛ gɛ nu ɛkpã gbɛagba nɛ ku balɛ ahwɛ.

Yakobo 1:27

Busɔlɛ nɛ gɛ Kpaya bulɔ Aka nɛ adɛmɛ asɛ bɔlɛ shu bhui klɛ kɛpɔ ma bɔlɛ shu, bɔlɛ nu sɛ: tɛ odi batsyavi anɛ bagɛ be tsianyɛ nɛabha nɛ balɛ ebui nɛ gɛ atrɔ balɛa bha nɛm klɛ tɛ ɔnyɛna ishu tɛ kanɔ nɛm kibo nɛ tɛ la wɔ.