Axwɛwɛwa 4:29 - ONUGBÙ NYƐNYÃ VUVƆ

²⁹ Ɔtsɔ̃ nɛɛ, Apalete, di balɛ kifu nɛ gɛ baa kpɛ alɛ tɛ ɔkɔ sɛ wɔ baxwɛdɛ nɛ ba ɖɔ wɔɛ bui nɛ kitekpɛkpɛ gbla.

Axwɛwɛwa 4:29 ပူးပေါင်းရင်းမြစ်များ

Axwɛwɛwa 13:46

Ɔkɛlɛ Paolo anɛ Banabasɛ ebu etsrea lɛ nɛ kifu masimasim asɛ: “Alasɛ tɛ bu ɖɔ Kpaya kibui nɛ tsre nɔ putɔnɔ. Gɛ no ti gbe lɛ klɛ nɔ dɛ mɔ nɔ shu sɛ nɔ na kɔ ɛkpã mabeke mabeke nɛɛ, ɔtsɔ̃ nɛɛ bu tsyina tɔ bagɛ edi nu Yuɖanɛ.

Axwɛwɛwa 14:3

So Paolo anɛ Banabas be zi kibe gelee nɛ ɔkɛlɛ, klɛ ba ɖɔ kaɖɔ nɛ kitekpɛkpɛ kɔ Apalete, gɛ atrɔ kɛklãgbu nɛ yɛ ɛyamyuyɔ kibui nɛa bha ganɔ balɛ kɛdɔmumɔ anɛ ebuiyiyinɔ anɔ kɛdɔmumɔ nɛ gɛ ba bhɛtɛ nɛm.

Axwɛwɛwa 19:8

Paolo ebe tsoku oxogokɔvu nɛ mɛ klɛ aɖɔ kaɖɔ nɛ bugɛganɛ mɛ nɛ ɔkɛlɛ wele tɛata, atsya ebui mɛ ebu nɛ Kpaya bukusiɔŋakɔ nɛ shu.

Axwɛwɛwa 26:26

Ekusigbla nɛ enyi ebuia nɛ di mɔɔ mɔ, klɛ ɛba na kaɖɔ ɖɔ tsre yɛ bɔbɔɛ bɔɛ. Ɛyɛkɛŋa sɛ kɛkanyaka dɛ gba yɛ kide sɛ adɛ mɔ klɛ, alasɛ ganɛ okpukpukɔ la bhɛtɛ alɛ.

Axwɛwɛwa 28:31

Ganɔ kitekpɛkpɛ anɛ kide madimadi mɛ aɖɔ kaɖɔ edenɔ Kpaya bukusi ɔŋakɔ nɛ shu klɛ akasɛ kɛdɔ denɔ Apalete Yesu Kristo shu.

Axwɛwɛwa 4:13

Gɛ banɔ na mɔ kemi nɛ di ga kpasɛ Petro anɛ Yohanɛsɛ mɛ klɛ be vu awɔ̃hũ sɛ ba dɛ dɛ́ adɛdɛ kanyaka tsyɛ, benu banɔ tite ko nɛɛ kɛbhɛtɛ balɛ bi klɛ ba kpɛ balɛ kɛxawũ sɛ benu banɔ gɛ ba za nɛ Yesu.

Axwɛwɛwa 4:21

Nɛ kifu kpɛkpa lɛ vɛnɔ otugbae de ba shɛnahwɛ balɛ shu sɛ ba ga vɛ. Ba dɛ na tɛtɛtrɔ kanyaka bhɛtɛ asɛ ba tɛta lɛ atɔ, alasɛ banɔ nɛ petee za kpɛ Kpaya nɛa bha nɛ kɛgɛ ba kɛlɛm nɛ shu so.

Axwɛwɛwa 4:31

Gɛ be klu Kpaya beke, ɔkɛlɛ gɛ be xogo nɛ ɔhwa. Klɛ balɛ petee yuku nɛ Ɔfufɔɛ Dzyɔgo klɛ be bu Kpaya kibui nɛ aɖɔ nɛ kifu masimasi.

Axwɛwɛwa 9:27

Pɔ Banabasɛ agbanɛ yɛ klɛ ayɛkɔ vɛnɔ banɔkpɛkpɛ nɛ ɔkɔ. Etsre alɛ kana gɛ Saolo aaga kidzo nɛ pɛ amɔ Apalete klɛ Apalete nɛ aɖɔ kaɖɔ etsre yɛ, nɛ kana gɛ ada ɖɔ Kpaya kibui nɛ Damaskosɛ nɛ kifu masimasim nɛ Yesu kinyim

Axwɛwɛwa 9:28

Klɛ so Saolo aza plɛnɔ balɛ klɛ aaga nɛ kifu masimasim nɛ Yerusalɛm, aaɖɔ kaɖɔ nɛ kite nɛ Apalete nɛ kinyim.

1 Kɔrintioanɛ 14:13

Alasɛ kibui nɛ so anɔnyanɔ gɛ aɖɔ ɔfufɔɛmɛaɖɔ akpla ekuisitɔkpu sɛ tɛ ebe bu kibui nɛesi gɛ aɖɔ.

2 Kɔrintioanɛ 3:12

Kɛlɛso, gɛ kidzoe nɛ di lɛ bulɔ ahwɛ, bu lɛ nɛ̀ amɛgɛganɛ.

Filipianɛ 1:14

Alasɛ mɛ buɖɛ gɛ ba kpɛ mɛ, badzya gelee anɛ Apalete nɛ mɛ ba kpɛ balɛemi sɛ tɛ baɖɔ Kpaya bui anɛ kemi kpɛkpɛdɛ anɛ̀ kifu masimasi.

1 Tɛsolonianɛ 2:2

Bu tɛ tɔ bafla klɛ ba tɛ kula lɔ nɛ Filipi, ansɛ gɛ no nyi, pɔ nɛ bulɔ Kpaya nɛ tɛpɛplɛnɔ so bu dzu amɛ nɛ yɛ kibuidzyɔgo sɛ tɛ bu ɖɔɛ lɛ tsre nɔ nɛ kititilulɔ gɛganɛ mɛ tysɛ.

2 Timotio 4:17

Pɔ Apalete nɛ aza plɛnɔ mɛ, klɛ akpɛ mɛ bugɛganɛ, sɛ tɛ ganɛ mɛa bha tɛ kibui nɛ kibu kasɛ petee klɛ bagɛ ba dɛ yɛkɛaŋa nɛ petee be nui lɛ. Klɛ be bu mɛ nɛ adzyata onugbu mɛ.