Axwɛwɛwa 3:13 - ONUGBÙ NYƐNYÃ VUVƆ

¹³ Abraham Kpaya, Isaka anɛ Yakɔpu, bulɔa ka lɛ Kpaya, nɛ atɛ danɛ yɛ axwɛdɛ Yesu shu. Nɔ yɛkɔ yɛ ɔkpɛ ahwɛ kɔ sɛ tɛ be yi, klɛ nɔ shɛ̃nahwɛ yɛ shu nɛ Pilato amɛ, nɛ kibe lɛ gɛ yɛ apɛa sɛ tɛ akɔ yɛ kidzo tɛ aga vɛ flogo.

Axwɛwɛwa 3:13 ပူးပေါင်းရင်းမြစ်များ

Mateo 11:27

“Ebui nɛ petee mɛ Aka nɛ atɛ yɛkɔ akpɛ mɛ ahwɛ. Anɔnyanɔ etinyi Eyi gɛ odinu sɛ Aka, klɛ anɔ nyanɔ etinyi Aka gɛ odinu sɛ Eyi nɛ banɔ nɛ gɛ Eyi nɛ apɛa sɛ tɛ ebu yɛ akasɛ.

Mateo 20:19

klɛ ba ba yɛkɔ yɛ akpɛ bagɛ be di nu Yuɖanɛ nahwɛ gɛ la ba kpɛ butsɔ klɛ be be tu yɛ klɛ la ba kplayɛasɔ butsiosi shu. Nɛ kiwi tramɛ nɛa bha be be tsodzini yɛ anyɛmɛ amɛna ɛkpã mɛ!”

Mateo 22:32

‘Mɛ nu Abraham Kpaya, Isaka Kpaya, anɛ Yakɔpu Kpaya’? Edi nu betsitsi nɛ Kpaya, Belulu na yɛ enu.”

Mateo 27:2

Klɛ so ba ba nya yɛ klɛ la gbanɔ yɛ avɛnɔ ada kpɛ ahwɛ akɔ Pilatio, gɛ enu anɔ nɛ gɛ aŋa kɛmadi nɛa bha.

Mateo 28:18

Ɔkɛlɛ Yesu aba balɛ ɔbha klɛ asɛ, “Kabhaŋɛŋa petee anɛ owũsise anɛ kesukpa, ba tɛ yɛkɔ akpɛ mɛ ahwɛ.

Marko 15:11

Pɔ kpayaɛzakɔanɔ nɛ ba kpɛahwanɔ banɔɛza nɛ asɛ tɛ be tui lɛ akpɛ tɛ Pilato ashɛ̃nahwɛ Barabasɛ shu.

Luka 22:57

Pɔ adɛ lɛ. Aɖɔ sɛ “Adzɛ, ɛtɛ nyi yɛ.”

Luka 23:4

Ɔkɛlɛ Pilato etsre kpayazakɛanɔ bekusi nɛ̀ banɔɛza asɛ, “Ɛdɛ mɔ kizizi gɛ ɛba yɛkɔ nɛ yɛ shu.”

Luka 6:37

“Tɛ kluebhui, klɛ be ti be kluebhui nɛ wɔ. Nɔ tɛ bu anɔ kɛpɔ tɛ Kpaya tsyɛ ebebu wunɔɛ pɔ. Nɔ yɛkɔtsye, klɛ ba ba yɛkɔ etsyé nɔ.

Yohanɛsɛ 12:16

Nɛ kesikpɛkpɛ yɛ badɔkpasɛ be di nu ebuianɛ petee esi. Ba kpɛ Yesu nyi nɛbha kɛlɛede flogo gɛ be ti sɛ ebuinɛ gɛ ba ŋlɔmɛ nɛ yɛ shu klɛ agɛ ba bhɛtɛ ebuianɛ nɛ yɛ shu.

Yohanɛsɛ 18:40

Ba kpɛ ogugu asɛ, “Oo anɛ yɛ! Yɛkɔ Barabas kɔ lɔ!” Barabas enu anɔ gɛ akpɛ onugbu nɛ ɔma yɛyɛ bui mɛ.

Yohanɛsɛ 19:11

Yesu ebushunu asɛ, “Kemi tɛ ba za wɔ ahwɛ nɛ mɛabha onugɛ ba dɛ kɔ wɔ denɔ kabha. Kɛlɛso agɛ yɛ ayɛkɔ mɛ akpahwɛ kɔ wɔ be bu yɛ buzizi pɔ gbɛgbladɛ.”

Yohanɛsɛ 19:12

Denɔ kɛlɛ nɛabha ɔvɛnɔ, Pilatio awlãkɛ sɛ tɛ ashɛ̃nahwɛ Yesu shu, pɔ Yuɖanɛ ba zɛ lɛabha kpɛ ogugu asɛ, “Onugɛ ɔkɔ anyɛa nɛ ashɛ̃ ɔtio dzi Kaizaro ɔbhɛya. Anɔnyanɔ gɛ ayɛ kɔ shu asɛ enu ekusi alɔɛtiti nɛ Kaizaro shu.”

Yohanɛsɛ 19:15

Pɔ ba kpɛ ogugu asɛ, “Yɛkɔɛ ɔshɛ̃ nɔ! Yɛkɔɛ ɔshɛ̃ nɔ! Kplayɛ ɔsɔ!” Pilatio ebisi alɛ sɛ, “Ɛkpla wɔnɔ ekusi nɛ sɔ dza?” Kpayaɔzakɔ banɔkusi nɛ aɖɔ sɛ, “Ekusi kanyaka ama lɔ ahwɛ pɔ Kaizaro.”

Yohanɛsɛ 7:39

Kibui nɛ Ɔfufɔɛ shu bui yɛ aɖɔ, bagɛ balɛ ayɛkɛ yɛ abhaŋa, balɛ tɛ yɛkɛ. Ɔdɔtɔnɔ kɛbelɛlɛ ba ka kɔ yɛ Ɔfufɔɛ, kɛlɛbe ba ka kpɛ Yesu nɛabha.

Axwɛwɛwa 22:14

“Ɔkɛlɛa ɖɔ sɛ: ‘Blɔa kalɛ Kpaya nɛ ebu wɔ sɛ tɛ oti yɛ tɛpɛpɛ, tɛ ɔmɔ Anɔnɛna, tɛ onu kibui odenɔ yɛ onugbu mɛ.

Axwɛwɛwa 24:14

Pɔ nɛɛ, ɛdɛmɛ sɛ ɛklu blɔakalɛ Kpaya anasɛ anɔ gɛ alɛ balɛ kidzo nɛede, gɛ be klua sɛ ɔshɛ. Ɛyɛkɛ kɛbuinyɛbui dia bha ŋa gɛ kɛ lɛ Ɔshã nɛ nu gɛ batɔnu nɛ aŋlɔmɛ,

Axwɛwɛwa 3:12

Gɛ Petro amɔ kibui, etsre balɛ asɛ, “Izraɛlanɛ mɔ, kide so pɛ kibui nɛ bhɛtɛ wɔnɔɛ bi? Kide pɛ noo yele lɔ ansɛ kɛdɔ gɛ bulɔ nahwɛ kemim ɔdɔgɔsɛ ɔfufɔɛ mɛzɛza nu lɔ yɛkɔ bhɛtɛ anyɛ nɛ pɛ aga?

Axwɛwɛwa 3:26

Gɛ Kpaya efeke yɛ axwɛdɛ nɛ, ebhuso yɛ asɛsɛ wɔnɔ sɛ tɛ aba yula nɔ ganɔ wɔnɔ tɛ tsyitsyina anɛ wɔnɔ atɔkpum edzokpã nɛa bha.”

Axwɛwɛwa 4:27

Nɛ kɛlɛ mɛ Heroɖesɛ anɛ Pontio Pilato aba bhɛtɛ terikpo nɛ bagɛ be di nu Yuɖanɛ anɛ Izraɛlanɛ nɛ ɔmagbla nɛm sɛ tɛ ba bhɛtɛ kititilulɔ nɛ wɔ axwɛdɛ Yesu nɛ gɛ yɛshu kebhui, gɛ ɔsrabɔ kɔ.

Axwɛwɛwa 4:30

Bu wɔ ɔhwɛ oyinɔ tɛ obeke banya tɛ ɔbhɛtɛ ebuimumɔ anɛ yiyinɔanɔ nɛ agɛ abhɛtɛbi nɛ ɔganɔ Yesu wɔ axwɛdɛ gɛ yɛshu bhui nɛ kinyim.”

Axwɛwɛwa 7:32

‘Mɛ nu wɔakalɛ Kpaya, Abraham Kpaya, Isaaka anɛ Yakɔp.’ Mose eshuku nɛ kifu klɛ adɛ kpɛ kite sɛ tɛ efle di.

Romanɛ 9:5

Balɛ yɛ kɛlɛ nu banɔshishe, klɛ denɔ balɛ mɛ Kristo ansɛ anɔdzyrame ana la ba mɔ yɛ bakakuku, gɛ enu Kpaya kɔ anɔnyanɔ, gɛ ba kpɛ nɛa bha! Tɛ kɛbɛlɛm.

Hebriuanɛ 2:9

Pɔ bu mɔ Yesu, gɛ be zhinɔɛ akpɛ kesi bɔɛdɛ kpayaxwɛdɛ, ɔtsɔ̃ nɛ bekumui nɛ otugbavɛvɛ anɛ kabhakpɛkpɛ alasɛ amɔ butsi, sɛ tɛ Kpaya kɛdɔ tsyitsyeanɔ aga kɛlɛ mɛ amɔ butsi nɛ banɔ petee tɔkpu.

Tɛbubukasɛ 1:18

Mɛ nu Agɛ alɛ nɛ Ɛkpã, Iti tsi, klɛ no di ɛlɛ nɛ ɛkpã ɔyɛkɔ vɛnɔ! Klɛ ivunɔ butsi anɛ bekpu mɛ kedunuaɖɛ.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,