Axwɛwɛwa 28:28 - ONUGBÙ NYƐNYÃ VUVƆ

²⁸ “Kɛlɛ shu so nɛɛ ɛpɛ sɛ tɛ no ti sɛ Kpaya anɔbubu nɛ atɛ vɛ kɔ bagɛ be di nu Yuɖanɛ, klɛ balɛ ba ba ta atɔ!”

Axwɛwɛwa 28:28 ပူးပေါင်းရင်းမြစ်များ

Luka 3:6

Klɛ banɔdzrame petee ba ba mɔ Kpaya tɛyɛyɛkɛ.’ ”

Axwɛwɛwa 11:18

Gɛ be nua na nɛ, kibuinyɛbui daa za balɛ ahwɛ ɔyɛkɔ dɛ sɛ tɛ ba kpɛ Kpaya nɛa bha, nɛ tɛ ɖuɖɔ sɛ, “Klɛ so, Kpaya atrɔ ahwɛ bagɛ be di nu Yuɖanɛ nɛ tsyɛ kitem tsyitsyina nɛa bha nɛ kanɔa nɛ mɛ.”

Axwɛwɛwa 13:26

“Badzya mɔ, Abraham yɛeyia lɛ mɔ, ganɛ wɔnɔa gɛ odinu Yuɖanɛ pɛ no si Kpaya kifu, blɔ so pɛ ba sɛsɛ anɔbubu kibui.

Axwɛwɛwa 13:38

“Kɛlɛso nɛɛ, madzyalɛ mɔ, ɛpɛ sɛ tɛ no ti sɛ ganɔ Yesua bha la ɖɔ buzizi tɛyɛyɛkɔ tsye bui etsre nɔ.

Axwɛwɛwa 14:27

Nɛ balɛ ɔkɛlɛ tɛkuku mɛ, be klu basɔlɛha nɛ exogo klɛ ba ɖɔ etsrea lɛ ebui nɛ petee gɛ Kpaya abhɛtɛ ganɔ balɛa bha nɛ kana gɛ adanɛ tɛyɛyɛkɛŋa kidzo akɔ bagɛ be di nu Yuɖanɛ.

Axwɛwɛwa 15:14

Simɔn atɛ shrɔ lɔ kana gɛ Kpaya eti putɔ akasɛ kana gɛ ayɛkɔ tili nɛ bagɛ di nu Yuɖanɛ ganɔ anɔ bubu nɛ balɛm akɔa yɛnahwɛ.

Axwɛwɛwa 15:17

sɛ tɛ banɔ gugɔɛ nɛ ba pɛɛ Apalete, klɛ bagɛ be di nu Yuɖanɛ gɛ ba yɛkɔ mɛ kinyi, Apalete nɛ aaɖɔ sɛ, gɛ ba bhɛtɛ ebuianɛ’

Axwɛwɛwa 18:6

Pɔ gɛ Yuɖanɛ na ba lɔ kititi nɛ Paolo shu pɛ ba kula yɛ nɛɛ, eshuku yɛ bawi nɛ akasɛ alɛ gɛ kɛ kasɛ sɛ adɛ dɛmɛ kɔa lɛ ana klɛ etsre alɛ asɛ, “Wɔnɔ nahwɛ dzyosu nɛ aba balɛ wɔnɔ adam! Mɛ ɛtɛ bhɛtɛ mɔkɔ beke. Denɔ ɔtsɔ̃ nɛ ɔyɛkɔ vɛnɔ ɛba shɛ vɛ bagɛ di nu Yuɖanɛ nɛ ɔbha.”

Axwɛwɛwa 2:14

Ɔkɛlɛ Petro alɔ kititi nɛ banɔ Lɔfɔntoli, klɛ adanɛ yɛ olim klɛ aɖɔ kaɖɔ kɔ banɔɛza na sɛ: “Mɛɔhayɛalɛ Yuɖanɛ nɛ wɔnɔ petee gɛ nɔ lɛ Yerusalɛm, kɔ mɛ bu kibuii nɛesi kɔ nɔ, nɔ ta batɔ mɔɔ mɔ nɛ kibui nɛ gɛ ɛba ɖɔ.

Axwɛwɛwa 22:21

“Ɔkɛlɛ Apalete nɛ etsrem asɛ, ‘Vɛ; Ɛba kpɛ wɔ nɛ odzidzekɔ nɛ bagɛ di nu Yuɖanɛ nɛ ɔkɔ.’ ”

Axwɛwɛwa 28:29

Gɛ aɖɔ kibui nɛ kana beke nɛɛ, Yuɖanɛ na shɛ, nɛ ebui wɛ̃wlankɛ gɛganɛɛ nɛ aglɔm.

Axwɛwɛwa 4:10

klɛalɛ no ti kibui, wɔnɔ nɛ Izraɛlanɛ nɛ petee ɔsɛ, Yesu Kristo Nazarɛtɛ eyi, gɛ nɔ kplasɔ flogo pɛ Kpaya aba nyɛmɛ yɛ edenɔ betsitsi nɛ shi, yɛ kinyim anyɛa nɛ gɛ eli wɔnɔ amɛ nɛ aga pɛ eebeke banya.

Axwɛwɛwa 9:15

Pɔ Apalete nɛ etsre Ananiasɛ asɛ, “Vɛ! anya nɛɛ enu mɛ kɛɖaŋudɔ gɛ eklu sɛ tɛ aba yɛkɔ mɛ kinyi nɛ avɛnɔ bagɛ ede nu Yuɖanɛ anɛ balɛ bekusi anɛ Izraɛlanɛ.

Romanɛ 11:11

Ɛkaa bisi sɛ: ba kpatanɔ kɛdɔ adɔ oboe gɛ ba tɛa naa lɔ? Kɛma ana! Akpɛa sɛ, balɛ buzizi nɛ so, tɛbubu ba kɔ Baga dɛ nu Izraɛlanɛ tɛ kɛbhɛtɛ Izraɛlanɛ sɛ ba kpɛalɛ awɔ̃.

Romanɛ 4:11

Klɛ ayɛkɛ kɛdɔmumɔ bunyɛnyɛ bhubhui shu, tɛnɛna adɛda gɛ ayɛkɛ ganɔ tɛyɛyɛkɛŋam nɛ kibe lɛ gɛ eke bhui bunyɛnyɛ. So nɛɛ, yɛ enu aka kɔ bagɛ ba yɛkɛ aŋa nɛ petee pɔ pɛ be ke bhui bunyɛnyɛ, sɛ tɛ ba ba yɛkɔ tɛnɛna kɔa lɛ.