Axwɛwɛwa 26:22 - ONUGBÙ NYƐNYÃ VUVƆ

²² Pɔ nɛ ɛtɛ mɔ Kpaya tɛpɛplɛnɔ ɔbɔ nanɔ obo kiwi, klɛ so nɛ ili ɔkɛ̃ klɛ mɛ danɛ be bhliyi anɛ ba gbɛgbla petee shu. Ɛtɛ ɖɔ kibui ɔkɔ dɛ kɛgɛ batɔnu anɛ Mose ba ɖɔ sɛ la ba ba klɛ mɛ—

Axwɛwɛwa 26:22 ပူးပေါင်းရင်းမြစ်များ

Mateo 26:24

Anɔdzyrame yɛ Eyi nɛ aba shɛ ansɛ gɛ ba ŋlɔmɛ elu nɛ yɛ shu. Pɔ butɔ kɔ anɔɔ nɛ gɛ yɛ aba ga Anɔdzyrame yɛ Eyi nɛe si! Anɔa lɛlɛ ba dɛ mɔ yɛ tsyɛ ata pɛ̃ kɔ yɛ adɛ.”

Luka 16:28

alasɛ badzya tieti ba lɛ mɛ ahwɛ. Kɔ yɛ akpɛ balɛ ɔshã, sɛ tɛ balɛ tsyɛ batɛ ba ba butɔ ɔzakɔ nɛ.’

Luka 24:27

Klɛ kesikpɛkpɛ nɛ Mose anɛ̀ batɔnu petee, ebu alesi kɔ alɛ kɛ gɛ ba ɖɔ nɛ Kpayaeplukpa nɛ mɛ denɔ yɛnahwɛ shu.

Luka 24:44

Etsre alɛ sɛ, “Kibui nɛ mɛ tsre nɔ kɛlɛbe nɛ gɛ ɛza wunɔ bha: Kɛkanyaka gɛ ba ŋlɔmɛ elu denɔ mɛ shu alasɛtɛ kɛbɛlɛmɛ nɛ Mose Ɛshã, Batɔnu anɛ Ɛdzɛeplukpa.”

Luka 24:46

Etsre alɛ sɛ, “Kibui nɛ la ŋlɔmɛ elu: Kristo aba mɔ butɔ klɛ aba nyɛmɛ denɔ betsitsi nɛ shi nɛ́ kiwui tramɛ nɛabha,

Yohanɛsɛ 1:17

Alasɛ ba kɔ ɔshã ganɔ Mose abha, ɛyɛmɛyuyɔ anɛ̀ kɛgba nɛ ba ganɔ Yesu Kristoa bha.

Yohanɛsɛ 1:45

Filipo amɔ Nataniɛl klɛ etsre yɛ asɛ, “Bu mɔ anɔ gɛ yɛ shu Mose aŋlɔmɛ dɔ nɛ Ɛshã keplukpa nɛ mɛ, klɛ yɛ shu batɔnu tsyɛ aŋlɔmɛ—Yesu ede Nazarɛtɛ, Yosɛfu ye yi anyɛ.”

Yohanɛsɛ 5:39

Nɔ kpasɛ kpayaplukpa mɛ ebui mɔmɔ alasɛ nɔ yɛ kɔ sɛ ɛlɛmɛ nɔ bɔ ga gɛ nɔ bɔ mɔ ɛkpã mabekemabeke. Kpayaplukpa mɛ ebui alɛ aɖɔaɖɔ denɔ mɛ shu,

Yohanɛsɛ 5:46

Onugɛ nɔ yɛkɛ Mose abhaŋa, nɔ yɛkɛ mɛabhaŋa, alasɛ aŋlɔmɛ ebui denɔ mɛ shu.

Axwɛwɛwa 10:43

Batɔnu nɛ petee aɖɔ edenɔ yɛ shu sɛ anɔnyanɔ gɛ anya yɛkɛ yɛa bha aŋa ko amɔ buzizi tɛyɛyɛkɔ tsye ganɔ yɛ kinyim.”

Axwɛwɛwa 13:29

Gɛ ba bhɛtɛ yɛ ebui nɛ petee gɛ ba ŋulɔmɛ elu nɛ yɛ shu beke, be zhinɔ yɛ edenɔ osi nɛ shu klɛ ba yɛkɔ yɛ ede lu odzrem.

Axwɛwɛwa 24:14

Pɔ nɛɛ, ɛdɛmɛ sɛ ɛklu blɔakalɛ Kpaya anasɛ anɔ gɛ alɛ balɛ kidzo nɛede, gɛ be klua sɛ ɔshɛ. Ɛyɛkɛ kɛbuinyɛbui dia bha ŋa gɛ kɛ lɛ Ɔshã nɛ nu gɛ batɔnu nɛ aŋlɔmɛ,

Axwɛwɛwa 26:17

Ɛba bu wɔ denɔ wɔnɔ kɔayɛ nahwɛ mɛ anɛ bagɛ edi nu Yuɖanɛ nahwɛ mɛ. Ɛɛkpɛ wɔ sɛsɛ alɛ ɔkɔ

Axwɛwɛwa 26:6

Klɛ ɔtsɔ̃ nɛɛ, alasɛ ididzoenu kɔ kɛgɛ Kpaya aɖɔ elu asa ba bhɛtɛ kɔ makalɛ nɛ so ɛkpasɛ kebhuim obo.

Axwɛwɛwa 28:23

Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Romanɛ 3:21

Pɔ ɔtsɔ̃ nɛɛ tɛnɛna denɔ Kpaya ɔkɔ, nɛ ɔshã nɛede, nɛ lɛ tɛtitim, gɛ Ɔshã anɛ Batɔnu nɛ ebu aɖɔ.

1 Kɔrintioanɛ 15:3

Alasɛ kɛgɛ ɛyɛkɛ ɛshɛnahwɛ kɛ lɛ shu kɔ nɔ anasɛ kɛ tɛtɔpu gɛ kɛŋaedzi, sɛ Kristo etsi nɛ bulɔɛ tɔkpu nɛ Kpayaeplukpa nɛ nu,

1 Kɔrintioanɛ 15:4

sɛ ba vubɔ yɛ, sɛ ba nyɛmɛ yɛ nɛ kiwui kɛtramɛ nɛabha nɛ Kpayaeplukpa nɛ nu,

2 Timotio 3:11

tɛkpɛkpatɔnɔ, batɔ—ebui nɛɛ di gɛ aba mɛa bha nɛ Antiɔkɛ, Ikonio anɛ Listra, tɛkpɛkpatɔnɔ nɛ nu gɛ ɛza. Tsyɛ pɛ Apalete nɛ ebu mɛ nɛ alɛ nɛ petee mɛ.

Tɛbubukasɛ 11:18

Amadi nɛ apɔɛshum; klɛ wɔ obulo nɛ ɔtɛ ba. Kibe nɛ na sɛ tɛ be kulu kebhui nɛ betsitsi, klɛ tɛ ba buya kɛbhɛ kɔ wɔ baxwɛwa batɔnu anɛ wɔ banɔnɛna anɛ bagɛ ba kpɛ wɔɛ nyi nɛabha, be bhliyi anɛ bagbɛgbla— ganɛ kɔ bagɛ be zi kesukpa nɛ tɛzizi.”

Tɛbubukasɛ 15:3

klɛ ba zha Mose kpayaxwɛwa nɛ ɔdzɛ anɛ Obhoshieyi nɛ ɔdzɛ na sɛ: “Wɔ ebui nɛ agbɛgbla klɛ la bhɛtɛ bi, Apalete Kpaya gɛ Agbɛgbladɛ. Wɔ edzo nɛ ana klɛ le nu kɛgba, Kibe nɛ Ekusi.

Tɛbubukasɛ 20:12

Klɛ mɛ mɔ betsitsi, bagbɛgbla anɛ bebhliyi, gɛ be li kititi nɛ kegbu nɛ amɛ, klɛ ba danɛ buplukpa. Ba za danɛ keplukpa bhlatɔ, gɛ ke nu ɛkpã keplukpa. Be kulu kebhui nɛ betsitsi nɛ ebui nɛ gɛ ba bhɛtɛ nɛ nu ansɛ gɛ ba ŋlɔmɛ akpɛ buplukpa nɛ mɛ.