Axwɛwɛwa 26:18 - ONUGBÙ NYƐNYÃ VUVƆ

¹⁸ sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

Axwɛwɛwa 26:18 ပူးပေါင်းရင်းမြစ်များ

Mateo 4:10

Yesu etsre yɛ asɛ, “Tsuɔvɛ nɛ mɛ ɔbha, Satana! Alasɛ kɛ ŋlɔmɛ li sɛ, ‘Kpɛ kɛtɔkpuesi kɔ Apalete wɔ Kpaya, tɛ ɔdɛ yɛ tite koe xwɛ.’ ”

Mateo 4:16

banɔ nɛ ga kpasɛ otumu mɛ ba mɔ kifu piim; nɛ baga lɛ butsi buyi kesukpa nɛ mɛ kifu deke.”

Luka 1:77

tɛ akɔ yɛ banɔ kibuititi denɔ tɛyɛyɛkɛkɔ shu ganɔ balɛ ebuikpã tɛtsyitsye,

Luka 1:79

tɛ kɛtã kɔ bagɛ ba kpasɛ otumui mɛ nɛ bagɛ ba kpasɛ butsi tɔwui mɛ, tɛ agbanɛ bulɔ butsrukpɔ akpɛ ishuyɛyɔ kidzoɛ mɛ.”

Luka 2:32

kifu kɔ kibui bubukasɛ kɔ ba gɛ dinu Yuɖanɛ klɛ kɔ kinyi kpɛkpɛabha kɔ wunɔ Izraɛl banɔ.”

Luka 24:45

Ɔkɛlɛ adanɛ balɛ kɛtɔkpu mɛ sɛ tɛ be nu Kpayɛbui nɛesi.

Luka 24:47

klɛ kitemɛ tsyitsyina nɛ ebuizizi tsyitsye, ba baɖɔ nɛ yɛ nyimɛ kɔ amadi nɛ petee, kesikpɛkpɛ nɛ Yerusalɛm.

Luka 4:18

“Apalete nɛ Ɔfufɔɛ tsri mɛ abha, alasɛ abalɛ bubɔ nɛ mɛ abha tɛ aɖɔ ebui dzyɔgo kɔ betsutsukpɛ̃. Akpɛ mɛ asɛ ɛbaɖɔ ishu ahwɛzɛza bui kɔ bagɛ ba kpɛ buvu nɛ tɛ adanɛ awɔ̃hu kɔ awɔ̃hu pupu elete, tɛ ebu butɔ nɛ banɔ shu,

Yohanɛsɛ 17:17

Danɛ alɛ shu ganɔ kibui gbɛagba, wɔɛ bui nɛ nu kɛgbɛagba.

Yohanɛsɛ 3:19

Kɛnɛ kɛlɛnu kibuimɛ bhubhui sɛ: Kifu ba kanɔ nɛ mɛ, pɔ banɔ ba dɛmɛ nɛ otumu bui ɔdɛ sɛ kifu bui alasɛ balɛ ebui bhɛbhɛtɛ nɛ nu ezizi.

Yohanɛsɛ 4:10

Yesu ebuilɛnu kɔ adze nɛ asɛ. “Ɔtɔsɛ onyi Kpaya dɔ kukɔ klɛ agɛ yɛ bisi wɔ buni wuwɔɛ, wɔ ɔtɔ bisi yɛ klɛ ata kɔ wɔ ɛkpa buni.”

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 8:12

Gɛ Yesu aza ɖɔaɖɔ etsre banɔ nɛ, aɖɔsɛ, “Mɛ nu kifu kɔ kanɔ. Anɔ gɛ aza mɛede atɛ ba ga otumui mɛ, pɔ kifu ɛkpã ba za yɛ ahwɛ.”

Yohanɛsɛ 9:39

Yesu aɖɔ sɛ, “Alasɛ kebhui kuklu so gɛ ɛba kanɔa nɛ mɛ, sɛ tɛ awɔ̃hupupu elete ba mɔɛ dɔ klɛ bagɛ baa mɔ be be dzi awɔ̃hupupu elete.”

Yohanɛsɛ 9:5

Gɛ ɛlɛ kanɔ nɛ mɛ, inu kanɔ nɛ kifu.”

Axwɛwɛwa 10:43

Batɔnu nɛ petee aɖɔ edenɔ yɛ shu sɛ anɔnyanɔ gɛ anya yɛkɛ yɛa bha aŋa ko amɔ buzizi tɛyɛyɛkɔ tsye ganɔ yɛ kinyim.”

Axwɛwɛwa 13:47

Alasɛ kana Apalete nɛ atrɔ kɔ lɔ sɛ bu bhɛtɛ: “ ‘Ɛtɛ bhɛtɛ nɔ kanɛgbɛ kɔ bagɛ edi nu Yuɖanɛ, sɛ tɛ nɔ bɔ mɛna tɛyɛyɛkɔ ɔdɔ nanɔ kesukpa nɛ ibekekɔ.’

Axwɛwɛwa 15:9

Adɛ kpɛ ɔtɔgɛga nɛ bulɔ nɛ balɛ kishi, alasɛ eplu balɛ idzyi nɛm nɛ tɛyɛyɛkɛŋa.

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Axwɛwɛwa 20:21

Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

Axwɛwɛwa 20:32

“Ɔtsɔ̃ nɛɛ ɛyɛkɔ nɔ kpɛ Kpaya nɛ yɛ ɛyamyuyɔ bui nɛ ahwɛ, gɛ kɛ ba bhɔ nɔ trɔ, klɛ kɛ ba kɔ nɔ ɔŋakɔ nɛ bagɛ balɛ shu la danɛ nɛ shi.

Axwɛwɛwa 26:19

“So nɛɛ, Ekusigbla Agrippa, ɛdɛ nu anɔ gɛ adɛ ta tɔ nɛ kɛdɔmumɔ nɛ gɛ de owũsise.

Axwɛwɛwa 26:23

sɛ agɛ nu Kristo na ba mɔ butɔ, nɛ ansɛ anɔ tutɔpu gɛ anyɛmɛ edenɔ butsi mɛ, klɛ aba ɖɔ kadɔ edenɔ tɛtɛtã shu etsre yɛnahwɛ yeletea lɛ anɛ baga dɛ yɛkɛ aŋa.”

Axwɛwɛwa 3:19

No tsyina kitem, tɛ no tsyina amɛ ɔtɔnɔ Kpaya, sɛ tɛ be xule wɔnɔ buzizi, tɛ kimuenebe ba kɔnɔ denɔ Apalete nɛ ɔkɔ,

Axwɛwɛwa 5:31

Kpaya eti bu yɛ ede dzu yɛ kɛŋam ansɛ Ekusieyi anɛ Ayɛyɛkɛkɔanɔ gɛ aba kɔ kitem tsyitsyina anɛ buzizi tɛyɛyɛkɔ tsye Izraɛlanɛ.

Romanɛ 8:17

Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

1 Kɔrintioanɛ 1:2

Kɔ Kpaya busɔlɛɔha nɛ Kɔrint, kɔ bagɛ balɛ petee ba bhɛtɛ alɛ shu bhui nɛ Kristo Yesu mɛ klɛ be klu tɛ balɛ shu bhui, ɔyɛkɔ plɛnɔ nɛ balɛ petee nɛ ɔkɔnyɔkɔ gɛ be klu aganɔ bulɔ Apalete Yesu Kristo yɛ nyi nɛabha—balɛ Apalete nɛ bulɔ ayɛ nɛ shu bhubhui gɛ be nu yɛ ayɛ anɛ Kristo Yesu, ɔplɛnɔ bagɛ be de ɔkɔnyɔkɔ gɛ be klu Apalete Yesu Kristo yɛ nyi mɛ— balɛ Apalete nɛ bulɔ ayɛ:

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

2 Kɔrintioanɛ 6:14

Nɔ tɛ bhɛtɛ terikpo nɛ bagɛ ba dɛ yɛkɛaŋa. Alasɛ kide tirikpo kɛlɛ lɛ tɛnɛnamzɛza anɛ kɛtɔkpu mɛ gɛganɛ ahwɛ? Ɔdɔgɔsɛ ketsukpɛkpɛ kalɛ aba za kifu nɛ̀ otumui shi?

Galatianɛ 2:20

Bulɔ anɛ́ Kristo la kplasɔ klɛ ɛva ma nɛ kpã, pɔ Kristo alɛ nɛ ɛkpã nɛ mɛ mɛ. Ɛkpã nɛ gɛ ɛlɛ nɛ ishuidzya mɛ, ɛlɛ nɛ ɛkpã nɛ Kpaya yɛ Eyi tɛyɛyɛkɛŋa abha gɛ adɛmɛ mɛ klɛ ayɛkɔ yɛnahwɛ akɔ nɛ mɛ tɔkpu.

Galatianɛ 3:14

Ebu lɔ nɛ kɛlɛmɛ sɛ tɛ tɛyuyula gɛ akɔ Abraham bu ba ba bagɛ bedinu Yuɖanɛ nɛ abha ɔganɔ Kristo Yesu abha, sɛ tɛ nɛ tɛyɛyɛkɛŋa mɛ bu ba yɛkɛ Ɔfufɔɛ mɛ dɔ gɛ baɖɔ lu kɔ lɔ.

Galatianɛ 3:2

Ɛpɛɛ sɛ tɛ ɛkpasɛ kibui tirikpo ko denɔ wɔnɔ kɔ: Nɔ yɛkɛ Ɔfufɔɛ ganɔ ɔshã abha bhɛbhɛtɛ, pɛnɔ kibui yɛyɛkɛŋa gɛ nɔ nu?

Efesoanɛ 1:11

Nɛ yɛ mɛ be klu lɔ tsyɛ, be klu lɔ nɛ ebui bhɛbhɛtɛ nɛ nu gɛ kɛwaɛxwɛ nɛ kɛkanyaka mɛ nɛ yɛ tɛtɛtrɔ nɛabha,

Efesoanɛ 1:14

gɛ lɔ nu ahwɛ tɛtrɔ tɛbɛbala kededɔŋɛŋa kɔ lɔ ɔdɔtɔnɔ tɛbhubhuiyɛkɛ kɔ bagɛ balɛ nu Kpaya ayɛ—tɛ ba kpɛ yɛ kabhaŋɛŋa nɛ kabha.

Efesoanɛ 1:18

Ɛka klukpaya tsyɛ sɛ wɔnɔ idzyi aŋɔhu la danɛ sɛ tɛ nɔ tii kidzoenudidi kɔ kɛ gɛ lɛ so gɛ eklu nɔ, yɛ kededɔŋɛŋa nɛ shu bhubhui nɛ kpayabanɔ nɛ mɛ,

Efesoanɛ 1:7

Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

Efesoanɛ 4:18

Balɛ kibuiesi nunu dɔ otumu klɛ be bu ɔtɔ denɔ Kpaya tɛzɛza shu alasɛ kibui matimati nɛ gɛ kɛlɛ balɛ mɛ gɛ kide balɛ idzyi gɛganɛ shu.

Efesoanɛ 5:11

Nɔ tɛ bhɛtɛ kɛdɔnyɛdɔ nɛ̀ otumu mɛ mayumayu ebui bhɛbhɛtɛ, pɔ nɔ bu alɛ ɔdzyɛra.

Efesoanɛ 5:14

alasɛ kifu kɛlɛ kɔ kɛdɔnyɛdɔ kɛ wɔɛ̃. Kana so gɛ kɛ ɖɔ sɛ: “Nyɛmɛ, O anɔ gɛ adɔ tra, lɔ koeyi nɛ betsitsi nɛ shi, klɛ Kristo aba tã atrɔ wɔa bha.”

Efesoanɛ 5:8

Alasɛ kibe tili nɔ tɛ dzi otumu, pɔ ɔtsɔnɛ nɔ tã anasɛ kifu nɛ Apalete nɛ mɛ. Nɔ za anasɛ kifu mɛ beyi

Efesoanɛ 6:12

Alasɛ bulɔ tɛwuwlãkɛ nɛ ma ishuidzya anɛ dzyosu shu, pɔ bagɛ ba ŋɛabha, ɛshã, kanɔa nɛ mɛ otumu mɛ kemi anɛ ɛfufɔɛ tsutsɔmɔ bugɛganɛ nɛ owũsise kɛdɔ nɛ mɛ be.

2 Timotio 2:26

klɛ sɛ tɛ ba ba kpa kibui ti klɛ le be si ashɛ nɛ ɔufɔɛkpã nɛ kɛgba shu, agɛ eti vua lɛ anya sɛ tɛ ba bhɛtɛ yɛ tɛpɛpɛɛ.

Hebriuanɛ 10:10

Klɛ nɛ kɛtɛtrɔɛ lɛlɛ nɛabha, bakɔ lɔ shu bhui ɔganɔ Yesu Kristo yɛ shu tysitsye trukpo ko abha.

Hebriuanɛ 10:14

alasɛ nɛ ishuyɛyɛkɔtsye tirikpo mɛ abhɛtɛ lɛ kɛna kɔ bagɛ ba bhɛtɛ sɛ tɛ ba lɛ shu bhui ɔvɛnɔ mabeke mabeke.

Hebriuanɛ 11:6

Klɛ tɛyɛyɛkɛŋa mazɛlɛ mɛ ɔtɛ bɔ na Kpaya awɔ̃ ku, alasɛ anɔnyanɔ gɛ aba ba yɛ ɔkɔ alasɛ tɛ ayɛkɛŋa sɛ alɛ klɛ abuya kɛbhɛ kɔ bagɛ ba pɛɛ yɛ gɛganɛ.

Hebriuanɛ 9:15

Kɛnɛ so gɛ Kristo ayɛkɔ onugbunyɛnya vuvɔ evuboe, sɛ tɛ bagɛ beklu bayɛkɛ ɔfufɔɛ mɛ kɛdɔ nɛ gɛ ba ɖɔ—ɔtsɔnɛ gɛ etsi anasɛ kɛbhɛ bubuya sɛ tɛ ebualɛ nɛ ebuizizi gɛ babhɛtɛ nɛ onugbunyɛnya tɛtɔpu nɛesi.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

1 Petro 1:4

klɛ bu di otugba kɔ kededɔŋɛŋa gɛ kɛtɛ ba tsi, kɛtɛbazi, pɛnɔ kɛbakpã—gɛ babala lu kɔ nɔ nɛ owũsise,

1 Petro 2:25

Alasɛ nɔ dzi anasɛ Ibhoshi gɛ lɛ lɛlaɛdzo, pɔ ɔtsɔ̃nɛ nɔ tsodziɔba Agbɛgbanɛ nɔ kɔ Kpayaɔzakɔanɔ gɛ edi wɔnɔ atɔwui abha,

1 Petro 2:9

Pɔ wũnɔ nu banɔ kuklu, bukusiupa kpayazakɔanɔ, amɛbhubhui madi, anɔ gɛ enu Kpaya ayɛ, gɛ nɔ bɔ buɖɔ yɛ tɛkpɛkpɛ abha gɛ eklu nɔ denɔ otumu mɛ akpɛ yɛ kibui yinanɔ obhubhuikɔ.

1 Yohanɛsɛ 1:9

Onugɛ bu bu bulɔ kizizi nɛ ɖɔ, yɛ nu ayɛyɛkɛŋa anɛ̀ anɛna, klɛ aba yɛkɔ bulɔ kizizi etsye klɛ ebe plu lɔ shu denɔ buzizi bhɛbhɛtɛ petee mɛ.

1 Yohanɛsɛ 2:12

Ɛŋlɔmɛ kɔ nɔ, banɛvɔ mumɔa, alasɛ ba yɛkɔ wũnɔ buzizi etsye nɛ yɛ nyi nɛ so.

1 Yohanɛsɛ 3:8

Anɔ nɛ gɛ abhɛtɛ kibuizizi enu ɔfufɔɛkpã ayɛ, alasɛ ɔfufɔɛkpã nɛ lɔ bhɛtɛ kizizi denɔ kesikpɛkpɛ ke. Kibui nɛ so gɛ Kpaya yɛ Yi aba kɛlɛ nu sɛ tɛ ezi ɔfufɔɛkpã nɛ kɛxwɛwɛwa.

1 Yohanɛsɛ 5:19

Bu nyi sɛ bu nu Kpaya yɛ yialɛ, klɛ sɛ kanɔ nɛ petee kabhaŋɛŋa lɛ ezizi nɛesi.

Yuɖa 1:1

Yuɖa, Yesu Kristo axwɛdɛ anɛ Yakobo yɛadzya, Kɔ bagɛ be kulu, gɛ Kpaya Aka nɛ aɖɔ klɛ Yesu Kristo anyɛna evunɔ:

Tɛbubukasɛ 21:27

Kɛdɔnyɛdɔ gɛ dɔɛbo nɛ tɛ ba tsoku ɔlɛm di, ɔdɔgɔsɛ anɔnyanɔ gɛ abhɛtɛ awɛ̃ɛbui pɛ awɛanɔ, pɔ bagɛ balɛ enyi la ŋlɔmɛ akpɛ Obhoshieyi nɛ ɛkpãeplukpa nɛm ko.