Axwɛwɛwa 24:24 - ONUGBÙ NYƐNYÃ VUVƆ

²⁴ Ewi gelee de nɛɛ Felikisi aba ba nɛ yɛedzini Drusilla, gɛ edzi Yuɖadzi. Akɔ le klu Paolo klɛ atatɔ nɛ yɛ kaɖɔ ɖuɖɔ denɔ tɛyɛyɛkɛŋa nɛ Yesu Kristoa bha shu.

Axwɛwɛwa 24:24 ပူးပေါင်းရင်းမြစ်များ

Marko 6:20

alasɛ Heroɖesɛ eesi Yohanɛsɛ kifu, so nɛ akpɛ buka akpɛ yɛ, gɛ enyi yɛ asɛ anɔnɛna klɛ yɛshu bhui. Onu gɛ Heroɖesɛ enu Yohanɛsɛ ebuiɖuɖɔ nɛ eshuku, tsyɛ apɛ asɛ tɛ ezee nu yɛ ebui.

Luka 19:3

Apɛɛ asɛ tɛ amɔ Yesu anɔ nɛ gɛ enu, pɔ gɛ edzi anɔ gɛ adɛ ɖama so adɛ mɔ yɛ alasɛ banɔ nɛ kpe.

Luka 23:8

Gɛ Heroɖesɛ amɔ Yesu, same ku yɛ alasɛ kibe dzidze nɛ gɛ apɛɛ yɛ asɛ tɛ amɔ. Denɔ ebui gɛ enu nɛ yɛ shu, edi kɛdzoenu sɛ tɛ amɔ yɛ abhɛtɛ ebuiyinɔanɔ teli.

Axwɛwɛwa 16:31

Be bu klɛ nu etsre yɛ asɛ, “Yɛkɛ Apalete Yesua bha ɔŋa, klɛm ɔbɔ mɔ ɛkpã—wɔnɔ nɛ wɔ pa nɛ wɔeyia lɛ nɛ petee.”

Axwɛwɛwa 20:21

Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

Axwɛwɛwa 24:25

Gɛ Paolo aɖɔ kaɖɔ denɔ tɛzɛzam dzyɔgo, ishua bhaŋɛŋa anɛ kebhui kuklu nɛ ga ba ba, Felikisi esi kifu klɛ aɖɔ asɛ, “Agɛ ɔɖɔa na bɔ gbɔ! Ɔbɔ shɛ faã. Kɛɛ ba dɔ kɔm tsyɛ, ɛba kpɛ anɔ nɛ wɔesi.”

Axwɛwɛwa 26:22

Pɔ nɛ ɛtɛ mɔ Kpaya tɛpɛplɛnɔ ɔbɔ nanɔ obo kiwi, klɛ so nɛ ili ɔkɛ̃ klɛ mɛ danɛ be bhliyi anɛ ba gbɛgbla petee shu. Ɛtɛ ɖɔ kibui ɔkɔ dɛ kɛgɛ batɔnu anɛ Mose ba ɖɔ sɛ la ba ba klɛ mɛ—

Galatianɛ 2:16

nɔ ti sɛ be te bu anɔ butsya nɛ ɔshã abha abhɛbhɛtɛ, pɔ nɛ Yesu Kristo tɛyɛyɛkɛŋa abha. So bulɔ, tsyɛ, bu kpɛ bulɔ tɛyɛyɛkɛŋa nɛ Kristo Yesu mɛ tɛ bu ba ŋa butsya nɛ Kristo mɛ klɛ anɛ ɔshã nɛabha bhɛbhɛtɛ, alasɛ nɛ ɔshã nɛabha bhɛbhɛtɛ anɔnyanɔ atɛ ba ŋa butsya.

Galatianɛ 2:20

Bulɔ anɛ́ Kristo la kplasɔ klɛ ɛva ma nɛ kpã, pɔ Kristo alɛ nɛ ɛkpã nɛ mɛ mɛ. Ɛkpã nɛ gɛ ɛlɛ nɛ ishuidzya mɛ, ɛlɛ nɛ ɛkpã nɛ Kpaya yɛ Eyi tɛyɛyɛkɛŋa abha gɛ adɛmɛ mɛ klɛ ayɛkɔ yɛnahwɛ akɔ nɛ mɛ tɔkpu.

Galatianɛ 3:2

Ɛpɛɛ sɛ tɛ ɛkpasɛ kibui tirikpo ko denɔ wɔnɔ kɔ: Nɔ yɛkɛ Ɔfufɔɛ ganɔ ɔshã abha bhɛbhɛtɛ, pɛnɔ kibui yɛyɛkɛŋa gɛ nɔ nu?

1 Yohanɛsɛ 5:1

Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.

Yuɖa 1:3

Ɛbhɛyalɛ dzyɔgo mɔ, kɛnyalɛ kɛlɛ mɛ sɛ ɛtrɔ gɛganɛɛ sɛ tɛ ɛŋlɔmɛ kɔ nɔ denɔ tɛyɛyɛkɛkɔ nɛ gɛ bu mɔ nɛ shu, ɛmɔ nɛ mɛ ishum sɛ alasɛ tɛ ɛŋlɔmɛ tɛ ɛyɛkɔ tsre nɔ sɛ tɛ nɔ wɛlãnkɛ kɔ tɛyɛyɛkɛŋa nɛ gɛ ba yɛkɔ nɛ kibe tirikpo mɛ petee akpɛ kpayabanɔ nɛ ahwɛ.

Tɛbubukasɛ 14:12

Kɛɛ nɛ kɛ kulu tɛdudɔfɔ̃ tɛzɛza gɛganɛ anɛ banɔnɛna nɛ kapɛ mɛ gɛ ba ta batɔ nɛ Kpaya ɛshã klɛ ba wɔ tɛyɛyɛkɛŋa mɛ kɔ Yesu.