Axwɛwɛwa 23:11 - ONUGBÙ NYƐNYÃ VUVƆ

¹¹ Nɛ kɛlɛ elishi nɛ mɛ Apalete nɛ aza plɛnɔ Paolo klɛ etsrea sɛ, “Kpɛ kite! Anasɛ gɛ ɔtɛ ɖɔ denɔ mɛshu nɛ Yerusalɛm nɛ, kana ko alasɛ tɛ ɔɖɔ nɛ Rom tsyɛ.”

Axwɛwɛwa 23:11 ပူးပေါင်းရင်းမြစ်များ

Mateo 14:27

Pɔ Yesu etsre balɛ zia asɛ, “Nɔ kpɛ te! Mɛ nɔɔ mɔ. No ti si fu.”

Mateo 28:20

klɛ tɛ nɔ kasɛ dɔ sɛ anɔnyanɔ abhɛtɛ ansɛ gɛ ɛtrɔ kɔ nɔ. Klɛ kɛlɛ kɛlɛm sɛ ɛlɛ plɛnɔ nɔ kibenyɛbe, ɔkɔ dɔ nanɔ kanɔ nɛ tibibeke.”

Mateo 9:2

Banɔ teli be tuku anɔgbɛgba nɛ oputsoa bha ebe lu. Gɛ Yesu amɔ bagɛ ba mɛna anɔ nɛ tɛyɛyɛkɛŋa, etsre anɔgbɛgba nɛ asɛ, “Kpɛɛ te, meyi; ba yɛkɔ wɔ buzizi nɛ etsye wɔ.”

Luka 16:28

alasɛ badzya tieti ba lɛ mɛ ahwɛ. Kɔ yɛ akpɛ balɛ ɔshã, sɛ tɛ balɛ tsyɛ batɛ ba ba butɔ ɔzakɔ nɛ.’

Yohanɛsɛ 14:18

Ɛtɛ ba ashɛ̃nahwɛ wɔnɔshu anasɛ banɔ nɛ gɛ anɔnyanɔ ama balɛ shu. Ɛba ba nɔ bha.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Axwɛwɛwa 18:9

Nɛ elishi teli mɛ nɛ Apalete nɛ aɖɔ kaɖɔ etsre Paolo anɛ kɛdɔmumɔ mɛ asɛ: “Ti si kifu; za wɔ kibui ɖuɖɔ nɛa bha, tɛ zukɔ yɛlɔ.

Axwɛwɛwa 19:21

Nɛ anɛ nɛ petee tɛbɛba kede nɛɛ, Paolo aba trɔa sɛ aba shɛ avɛ Yerusalɛm aganɔ Makedonia anɛ Atsyaia. Klɛ aɖɔ sɛ, “Onu gɛ ɛda ku ɔklɛ nɛɛ, alasɛ tɛ ɛvɛ Roma tsyɛ.”

Axwɛwɛwa 2:25

Daviti aɖɔ edenɔ yɛ shu asɛ: “ ‘Ɛmɔ Apalete nɛ kibenyɛbe nɛ mɛ amɛ. Alasɛ alɛ mɛ kɛŋa ahwɛmɛ, Ɛtɛ ba hwa.

Axwɛwɛwa 20:22

“Klɛ nɛ ɔtsɔ̃ nɛɛ, ansɛ gɛ Ɔfufɔɛ Dzyɔgo nɛ ɔtrɔ kɔ mɛ, ɛɛvɛ Yerusalɛm, klɛ ɛtɛ nyi kɛdɔnɔ nɛ gɛ ba tɛ ba mɛa bha nɛ ɔkɛlɛ.

Axwɛwɛwa 22:15

Obo dzi yɛ ebuimɔɖɔ kɔ banɔ nyanɔ denɔ kɛgɛ ɔmɔ klɛ onu nɛ shu.

Axwɛwɛwa 22:18

klɛ mɛ mɔ Apalete gɛa ɖɔ kaɖɔ. Etsre mɛ asɛ, ‘Kɔatsɔ!’ ‘Shɛ nɛ Yerusalɛm ɔtsɔ̃tsiɔ̃, alasɛ batɛ ba yɛkɛ wɔ kibuimumɔɖɔ kanyaka bha ŋa denɔ mɛ shu.’

1 Kɔrintioanɛ 9:1

Ganɛ anɔ gɛ alɛ ishuahwɛ mɛ nu? Ganɛ anɔkpɛkpɛ mɛ nu? Ɛdɛmɔ Yesu bulɔ Apalete? Ganɛ wunɔ nu mɛ kɛxwɛwɛwa bubukasɛ nɛ Apalete nɛ mɛ?

Filipianɛ 1:13

Nɛ kɛlɛ mɛ nɛɛ, kɛlɛ mɛ ba bhui ɔganɔ bukusiupa bepupo petee abha klɛ kɔ anɔnyanɔ gɛ alɛ sɛ tɛ bá kpɛ mɛ buɖɛ nɛ Kristo kɛtɔkpu.

2 Timotio 4:17

Pɔ Apalete nɛ aza plɛnɔ mɛ, klɛ akpɛ mɛ bugɛganɛ, sɛ tɛ ganɛ mɛa bha tɛ kibui nɛ kibu kasɛ petee klɛ bagɛ ba dɛ yɛkɛaŋa nɛ petee be nui lɛ. Klɛ be bu mɛ nɛ adzyata onugbu mɛ.