Axwɛwɛwa 22:25 - ONUGBÙ NYƐNYÃ VUVƆ

²⁵ Kibe lɛ gɛ ba dzyɔ Paolo elu kɔ tɛtutu nɛ, ebisi behudugbani aka nɛ teli gɛ eli kititi nɛ yɛ ɔbha na sɛ, “Kɛ lɛ ɔshãm kɔ wɔ sɛ tɛ otu Romaeyi gɛ be ke bu kɛpɔ tsyɛ nɛ dza?”

Axwɛwɛwa 22:25 ပူးပေါင်းရင်းမြစ်များ

Mateo 10:17

“Nɔ lu awɔ̃ nɛ banɔdzyrame, be be vu nɔ ayɛkɔ akpɛ ahwɛ kɔ bamani klɛ ba ba mɛna nɔɛ dɔ nɛ balɛ ixogokɔevu nɛ mɛ.

Mateo 27:54

Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Mateo 8:8

Keyutugbani nɛ ebu kɛlɛ nu asɛ, “Apalete, ɛdɛ dzyenɔ sɛ tɛ ɔba mɛ ovutɔe si. Pɔ ɖɔ kibui nɛ ko, tɛ mɛ axwɛdɛ nɛ bunya nɛ bubeke.

Axwɛwɛwa 10:1

Nɛ Sizeria nɛɛ anyɛ teli aza gɛ be klua sɛ Kɔnelusɛ, gɛ edzi keyutugbani kɛfɔɛfɔ aka nɛ Italia keyu ovulo toli nu.

Axwɛwɛwa 16:37

Pɔ Paolo aɖɔ tsre baxwɛwa nɛ asɛ: “Be tu lɔ nɛ ɔtɔ kebhui maklumaklu nɛ bulɔ, gɛ kɛlɛ klɛm sɛ bu nu Romanɛ flogo, klɛ ba yɛkɔ lɔ atɛ̃ akpɛ buvu. Klɛ ɔtsɔ̃ nɛɛ kide so pɛ ba pɛɛ sɛ tɛ ba kɛka lɔ ebu kɛdzyɛɛ nɛ ɔma nɛm tɛ anɔ eti nu? Owo! Kɔ balɛ nahwɛ aba tɛ ba ba gbanɔ lɔ ebu eyinɔ.”

Axwɛwɛwa 22:26

Gɛ behudugbani aka nɛ enu Paolo kibui nɛ gɛ ebisi nɛ, atɔnɔ Apalete nɛ avɛ ede tsrea sɛ kana aɖɔ. Klɛe bisi yɛa sɛ, “Kide wɔ ɔbɔ bhɛtɛ?” “Anya nɛ enu Romaeyi.”

Axwɛwɛwa 23:17

Ɛklɛ Paolo eklu behudugbani aka nɛ teli klɛ etsrea sɛ, “Gbanɔ anyɛnuvɔɛa nɛ ɔvɛnɔ wɔnɔ Apalete; evunɔ kibui tili asɛ etsre yɛ.”

Axwɛwɛwa 23:27

Anyɛa nɛɛ, Yuɖanɛ nɛ balɛ vu yɛ klɛ ba pɛa sɛ tɛ beyi yɛ, pɔ nɛɛ ɛba nɛ blɔ nɛ mɛ behudugbani klɛ lɔ ba yɛkɛ yɛ nɛ balɛ ahwɛ, alasɛ ɛba nu sɛ Roma eyie nu.

Axwɛwɛwa 25:16

“Itsrea lɛ sɛ kɛdɛ nu Romanɛ bugu sɛ ɔyɛkɔ anɔnyanɔ ɔkpɛ ahwɛ flogo tɛ aba tsyanɔ bagɛ ayɛkɔ kibui nɛ yɛ pɛ ba kɔ yɛ kidzo sɛ ebu ishunu nɛ agɛ ba yɛkɔ nɛ shu.

Axwɛwɛwa 27:1

Kibe lɛ gɛ ba trɔa sɛ bɔba za kenia bha vɛ Italia, Paolo nɛ bevuza nɛ teli ba yɛkɔa lɛ akpɛ ahwɛ kɔ behudugbani aka teli gɛ be klua sɛ Yuliusɛ, gɛ edi behudugbani nɛ gɛ epo Romanɛ Ekusigbla nɛ ɔmayɛ teli.

Axwɛwɛwa 27:3

Keli zɛzam nɛɛ bu da dzrɔ nɛ Sidɔnɛ; klɛ Yuliɔsɛ, nɛ yɛ ɛyamyuyɔ mɛ kɔ Paolo, akɔ yɛ kidzo sɛ avɛ tɛ ada mɔ yɛ ɛbhia lɛ tɛ kɛgɛ kɛlɛ apɛɛ tɛ ba bhɛtɛ akɔ yɛ.

Axwɛwɛwa 27:43

Pɔ balɛ akagbla nɛ apɛa sɛ tɛ ebu Paolo ɛkpã so nɛɛ adɛ dɛmɛ atrɔ tɛtutrɔɛ lɛ niabha kɔa lɛ. Akɔ sɛ tɛ balɛ aga ba na de nɛ betsoku keni nɛm eputɔnɔ tɛ be de ku obgigbe nɛa bha.