Axwɛwɛwa 22:24 - ONUGBÙ NYƐNYÃ VUVƆ

²⁴ balɛ Apalete na kɔ sɛ ba gbanɔ Paolo avɛnɔ balɛ bukagbla nɛm. Akɔsɛ ba mɛna yɛ dɔ tɛ be bisi yɛ kɛdɔnɔ nɛ so pɛ banɔ nɛ dzia kpɛ ozi nɛ yɛa bha na.

Axwɛwɛwa 22:24 ပူးပေါင်းရင်းမြစ်များ

Yohanɛsɛ 19:1

Ɔkɛlɛ Pilato ayɛkɔ Yesu klɛ akɔ lɛ tu yɛ.

Axwɛwɛwa 16:37

Pɔ Paolo aɖɔ tsre baxwɛwa nɛ asɛ: “Be tu lɔ nɛ ɔtɔ kebhui maklumaklu nɛ bulɔ, gɛ kɛlɛ klɛm sɛ bu nu Romanɛ flogo, klɛ ba yɛkɔ lɔ atɛ̃ akpɛ buvu. Klɛ ɔtsɔ̃ nɛɛ kide so pɛ ba pɛɛ sɛ tɛ ba kɛka lɔ ebu kɛdzyɛɛ nɛ ɔma nɛm tɛ anɔ eti nu? Owo! Kɔ balɛ nahwɛ aba tɛ ba ba gbanɔ lɔ ebu eyinɔ.”

Axwɛwɛwa 21:34

Banɔ nɛ teli nɛ banɔɛza nɛ mɛ na kpɛ igugu aɖɔ ebui teli, ba bhlatɔ tsyɛa ɖɔ abhlatɔ, klɛ gɛ behudugbani aka nɛ ete nu kibui nyɛbuim akpɛ banɔɛza nɛ igugu nɛ so nɛɛ akɔ sɛ ba yɛkɔ Paolo avɛnɔ bukagbla nɛ mɛ.

Axwɛwɛwa 21:37

Kibe lɛ nɛ gɛ behudugbani nɛ be tsoku bukagbla nɛ mɛ nɛ Paolo nɛɛ, ebisi balɛ Apalete nɛa sɛ, “Ɛmɔ kidzo ba ɖɔ kibui tili tsre wɔ fãa dza?” Apalete nɛ ehunu ebisia sɛ, “Oohu Griki bunuhu dza?”

Axwɛwɛwa 23:10

Ozikpɛkpɛ nɛ ebe dzi ebla gɛganɛ gɛ akɔsɛ Kifu ba kpa Apalete nɛ ku sɛ ba ba tsywɛ Paolo akpɛ bɔpɛ pɛɛ pɛm. Apalete na kɔsɛ yɛ ovulo nɛ lɔ vɛ tɛ lɔ dɔ yɛkɛ Paolo nɛ banɔ nɛ ahwɛmɛ tɛgbɛgba tɛ ba yɛkɔɛ amɛna balɛ behudugbani bukagbla nɛm.

Axwɛwɛwa 23:27

Anyɛa nɛɛ, Yuɖanɛ nɛ balɛ vu yɛ klɛ ba pɛa sɛ tɛ beyi yɛ, pɔ nɛɛ ɛba nɛ blɔ nɛ mɛ behudugbani klɛ lɔ ba yɛkɛ yɛ nɛ balɛ ahwɛ, alasɛ ɛba nu sɛ Roma eyie nu.

Axwɛwɛwa 28:18

Ba nyɔ mɛ shu klɛ ba pɛa sɛ tɛ ba shɛnahwɛ mɛ shu, alasɛ ɛdɛ ŋa kɛpɔ nɛ buzizi kanyaka bhɛbhɛtɛ shu gɛ ki bisi sɛ be yim.

Hebriuanɛ 11:35

Badzɛ bayɛkɛ balɛ betsitsi, gɛ baza ba nyɛmɛ alɛ amɛna kanɔ mɛ. Beteli ba kpalɛ butɔ klɛ ba dɛ dɛmɛ sɛ tɛ ba shɛ̃nahwɛ balɛ shu sɛ tɛ ba bamɔ tɛnyɛnyɛmɛ.