Axwɛwɛwa 21:20 - ONUGBÙ NYƐNYÃ VUVƆ

²⁰ Gɛ be nua na nɛɛ, ba kpɛ Kpaya nɛa bha. Kɛlɛ ba ɖɔ tsre Paolo asɛ: “Ɔmɔ nɛɛ, madzya, Yuɖanɛ akpã tashɛ̃ gɛ atɛ yɛkɛ aŋa, klɛ balɛ petee balɛ gɛganɛɛ kɔ ɔshã.

Axwɛwɛwa 21:20 ပူးပေါင်းရင်းမြစ်များ

Mateo 9:8

Gɛ banɔɛza nɛ ba mɔ ebuia nɛɛ, kɛ bhɛtɛ balɛ bi, klɛ ba kpɛ Kpaya nɛa bha, agɛ yɛ akɔ banɔ kabhaŋɛŋɛa nɛɛ di.

Luka 12:1

Nɛlɛbe, gɛ banɔɛza anasɛ akpã bexogo, so ba ga aglɔ abha, Yesu akpɛ kaɖɔɖuɖɔ oputɔnɔ kɔ yɛ badɔkpasɛ sɛ: “No di shuabha mɔmɔ nɛ Farisianɛ nɛ gɛ be bunɛyekedɔ, gɛ kinu otroebui bhɛbhɛtɛ shu.

Luka 15:32

Pɔ kɛ lɛ kɔ lɔ sɛ tɛ bumɔ same te buŋa kɛdɔ alasɛ wɔ adzya ne etsi pɔ akalɛ nɛ ɛkpã alɛla klɛ bumunɔ yɛ.’ ”

Yohanɛsɛ 12:24

Ɛtsre nɔ gbɛagba, ɔdɛsɛ kɛmɔɛyi wɔlɛ dɔ kesukpa klɛ kɛ tsi kɛ nu kiyi tirikpo ko. Pɔ onugɛ kɛ tsi kɛ ba yi klɛ kɛ ba yu gelee.

Axwɛwɛwa 11:18

Gɛ be nua na nɛ, kibuinyɛbui daa za balɛ ahwɛ ɔyɛkɔ dɛ sɛ tɛ ba kpɛ Kpaya nɛa bha, nɛ tɛ ɖuɖɔ sɛ, “Klɛ so, Kpaya atrɔ ahwɛ bagɛ be di nu Yuɖanɛ nɛ tsyɛ kitem tsyitsyina nɛa bha nɛ kanɔa nɛ mɛ.”

Axwɛwɛwa 15:1

Banyɛ teli alɔ ede Yuɖia ede ku Antiɔkɛ klɛ la kasɛ baga yɛkɛ aŋa nɛ dɔ sɛ: “Dzaa sɛ be bhui bunyɛnyɛakɔ wɔ ansɛ gɛ Mose akasɛ nɛɛ ɔtɛ bɔ mɔ tɛyɛyɛkɛ.”

Axwɛwɛwa 15:24

Bunu sɛ banɔ teli be koeyi nɛ bulɔ mɛ nɛ bulɔ kidzo makɔ makɔa lɛm klɛ ba kpɛ wɔnɔ bunuhu, ba kpɛ wɔnɔ atɔkpum bunuhu nɛ balɛ ebui nɛ gɛ ba ɖɔ.

Axwɛwɛwa 15:5

Ɔkɛlɛ bagɛ bayɛkɛaŋa nɛ teli gɛ be nu Farisianɛ ɔha mɛ elete nɛ vu alɔ klɛ la ɖɔ asɛ, “Alasɛ tɛ be bhui bunyɛnyɛ akɔ bagɛ edi nu Yuɖanɛ tɛ ba bhɛtɛ atrɔ Mose ɛshã nɛa bha.”

Axwɛwɛwa 2:41

Banɔ nɛ gɛ ba yɛkɛ kibui ba kpɛ buni akɔa lɛ, klɛ banɔ ansɛ akpãtata balɛ la za yɛkɔ ata tɛkpikpe nɛm kiwi lɛlɛ.

Axwɛwɛwa 22:3

“Mɛ inu Yuɖa eyi, gɛ bamɔ nɛ Tarsusɛ nɛ Silika, pɔ ba nyunɔ mɛ nɛ ɔmagbla nɛ mɛ. Gɛ ɛza Gamaliɛl esi ba nyunɔ mɛ mɔmɔ nɛ blɔa kalɛ ɛshã nɛm klɛ mɛ ɛlɛ kemi nɛ Kpaya kibui nɛm ansɛ gɛ wɔnɔmɛayɛ kanyaka alɛ nɛ obo nɛ mɛ.

Axwɛwɛwa 4:21

Nɛ kifu kpɛkpa lɛ vɛnɔ otugbae de ba shɛnahwɛ balɛ shu sɛ ba ga vɛ. Ba dɛ na tɛtɛtrɔ kanyaka bhɛtɛ asɛ ba tɛta lɛ atɔ, alasɛ banɔ nɛ petee za kpɛ Kpaya nɛa bha nɛ kɛgɛ ba kɛlɛm nɛ shu so.

Axwɛwɛwa 4:4

Pɔ banɔ gelee gɛ be nu kibui nɛɛ ba yɛkɛ aŋa, klɛ banɔ nɛ tɛkpikpem ba vɛ otugba dananɔ ansɛ akpã teti.

Axwɛwɛwa 6:7

So nɛɛ Kpayɛbui nɛ ba nɛ. Badɔkpasɛ nɛ tikpikpe nɛ mɛ ba wu kabha nɛ Yerusalɛm zia zia, klɛ kpayanɔ gelee aba ta tɔ nɛ tɛyɛyɛkɛŋa.

Romanɛ 10:2

Alasɛ ɛba naa ɖɔ denɔ balɛ shu sɛ ba lɛ Kpaya tɛpɛpɛa bha gɛganɛɛ, pɔ balɛ tɛpɛpɛ nɛ de bhɔ trɔ kibuititia bha.

Galatianɛ 1:14

Ɛvɛ otugba nɛ Yuɖasɔlɛ dɛ Yuɖanɛ gelee gɛ bulɔ nɛ balɛ lɛ agɔ terikpo mɛ klɛ ɛza kemi gɛganɛ nɛ makalɛ begu nɛabha.

Galatianɛ 1:24

Klɛ bakpɛ Kpaya nɛabha alasɛ mɛ so.

2 Tɛsolonianɛ 1:10

nɛ kiwi nɛa bha gɛ aba ba sɛ tɛ ba kpɛ yɛ same nɛ yɛ banɔ dzyɔgo nɛ mɛ klɛ aba bhɛtɛ kibi nɛ bagɛ ba tɛ yɛkɛ aŋa nɛɛ shi. Wɔnɔ tsyɛ ɔbɔ za kɛlɛ mɛ, alasɛ nɔ yɛkɛ bulɔ kibuimɔɖɔ nɛa bha ɔŋa.