Axwɛwɛwa 21:11 - ONUGBÙ NYƐNYÃ VUVƆ

¹¹ Gɛ ebe ku blɔ bha, ayɛkɔ Paolo ɔdzadi, klɛ ayɛkɔ anya yɛnɛahwɛ ɛtsrɛ nɛ ɛhwɛ klɛ aɖɔ asɛ, “Ɔfufɔɛ Dzyɔgo nɔ ɖɔ sɛ, ‘Kana Yuɖanɛ nɛ Yerusalɛm aba nya ɔdzadi elete klɛ la ba yɛkɔ akpɛ ahwɛ kɔ bagɛ be di nu Yuɖanɛ.’ ”

Axwɛwɛwa 21:11 ပူးပေါင်းရင်းမြစ်များ

Yohanɛsɛ 18:1

Kɛbelɛlɛ gɛ eklukpaya beke, Yesu nɛ yɛ badɔkpasɛ ba shɛ̃ klɛ ba da tsyɔkɛ Kidrɔnɛ Bukana. Nɛ kapɛ bhla olivɛ buya tuli za ɔkɛlɛ, klɛ yɛ nɛ yɛ badɔkpasɛ betsoku bulɛ mɛ.

Axwɛwɛwa 13:2

Nɛ kibe lɛ nɛm gɛ ba nya onugbu pɛ ba kpɛ kɛtɔkpuesi kɔ Kpaya nɛɛ, Ɔfufɔɛ Dzyɔgo nɛ ɔɖɔ sɛ, “No bu Banabasɛ anɛ Saolo olu kɔ kɛxwɛ nɛ so pɛ ɛklua lɛ.”

Axwɛwɛwa 16:6

Paolo anɛ yɛshopoalɛ na nyɔa ganɔ Frigia anɛ Galatia kɛdɔ nɛm pete, gɛ Ɔfufɔɛ Dzyɔgo nɛ ɔdɛ kɔa lɛ kidzo sɛ baɖɔ kibui nɛ Eshia kɛdɔ nɛm.

Axwɛwɛwa 20:23

Inyi ko sɛ nɛ ɔmagbla kanyaka mɛ Ɔfufɔɛ Dzyɔgo nɔ ɔɔkɔ mɛ iti sɛ buvuzɛza anɛ butɔ gɛganɛɛ lɛ kɔm.

Axwɛwɛwa 21:33

Behudugbani aka nɛ ekoeyi aba klɛ ebe vu Paolo klɛ akɔ sɛ tɛ banya yɛ nɛ buɖɛ tubha. Klɛ ebisi Paolo anɔ nɛ gɛ enu nɛ kɛdɔnɔ nɛ gɛ abhɛtɛ.

Axwɛwɛwa 21:4

Gɛ bu da mɔ badɔkpasɛ nɛ ɔklɛ nɛɛ, bu za plɛnɔa lɛ ewi tegene. Ganɔ Ɔfufɔɛ Dzyɔgo nɛa bha ba kpɛ ɔshã kɔ Paolo sɛ atɛ vɛ Yerusalɛm.

Axwɛwɛwa 22:25

Kibe lɛ gɛ ba dzyɔ Paolo elu kɔ tɛtutu nɛ, ebisi behudugbani aka nɛ teli gɛ eli kititi nɛ yɛ ɔbha na sɛ, “Kɛ lɛ ɔshãm kɔ wɔ sɛ tɛ otu Romaeyi gɛ be ke bu kɛpɔ tsyɛ nɛ dza?”

Axwɛwɛwa 24:27

Gɛ agɔ tabha aba fla, Pɔsiɔs Festusɛ aba yɛkɛ Felikisi ɔzakɔ, pɔ gɛ Felikisi apɛa sɛ tɛ atrɔ ahwɛ nɛ Paolo eshutukubui so, ashɛ̃nahwɛ yɛ shu akpɛ buvu.

Axwɛwɛwa 26:29

Paolo ehunu etsrea sɛ, “Kibe bhlio, kibe dzidzeo—ɛklu Kpaya sɛ ganɛ wɔ tite ko wo bo tsyina, banɔ nɛ petee gɛ nu kibui nɛ obo nɛ be dzi anasɛ mɛ, ganɛ sɛ tɛ balɛ tsyɛa za bɔɖɛm.”

Axwɛwɛwa 28:17

Nɛ ewi tata kede nɛɛ eklu Yuɖanɛ otugba banɔ nɛ petee exogo. Gɛ be xogo beke, Paolo etsrea lɛ asɛ: “Madzya Izraɛlanɛ mɔ, kɛ lɛ klɛm sɛ ɛdɛ bhɛtɛ buzizi kanyaka vɛnɔ anɔnyanɔ kɔ ɔdɔgɔsɛ ɛda trɔ bulɔa kalɛ nɛ begu kanyakaɛ bha, tsyɛ be vum nɛ Yerusalɛm klɛ la da yɛkɔ mɛ ada kpɛ ahwɛ kɔ Romanɛ.

Axwɛwɛwa 28:20

Kibui nɛ shu so pɛ ɛpɛ sɛ tɛ ɛmɔ nɔ tɛ ɛɖɔ kaɖɔ nɛ wɔnɔ. Alasɛ Izraɛl kidzoenu didi nɛ tɔkpu la nyam akpɛ buɖɛ nɛ mɛ.”

Axwɛwɛwa 28:25

Ba taa ba yɛkɛ aglɔ abha aŋa nɛ kibui nɛm klɛ la ba kpaa shɛ nɛ Paolo kibui ɖuɖɔ gɔgɔɛ nɛe de sɛ: “Ɔfufɔɛ Dzyɔgo nɛ ɔɖɔ kɛgba nɛ otsre wɔnɔ bakakuku ganɔ atɔnu Yezaya bha sɛ:

Axwɛwɛwa 8:29

Ɔfufɔɛ nɛ otsre Flipo sɛ, “Vɛ sɔopupuɔ lɛ nɛ ɔbha tɛ ɔza bunɔ ɔlɛ.”

Axwɛwɛwa 9:16

Ɛba kasɛ yɛ kana gɛ kɛ lɛ sɛ tɛ atɔ ebunɔ nɛ mɛ kinyi nɛ tɔkpu.”

Efesoanɛ 3:1

Kibui nɛ so Mɛ, Paulo, anɔ gɛ bakpɛ buvu nɛ Kristo Yesu kɛtɔkpu kɔ wɔnɔa gɛ no di nu Yuɖanɛ.

Efesoanɛ 4:1

Anasɛ evuza kɔ Apalete, ɔkɛlɛ, ɛpɛɛ denɔ wɔnɔ kɔ sɛ tɛ nɔ za nɛ ɛkpã gɛ sɔnɔ tɛkuklu nɛ gɛ nɔ tɛ yɛkɛ.

Efesoanɛ 6:20

alasɛ gɛ inu Kristo ɔzakɔanɔ nɛ buɖɛ mɛ. Klukpaya tɛ kifu tɛ ku mɛ anasɛ gɛ kɛba ku mɛ.

1 Timotio 4:1

Ɔfufɔɛ nɛ ɔdanɛ kɛlɛ mɛ ɔɖɔ sɛ nɛ kibe gɔgɔɛ nɛ mɛ banɔ teli aba shɛnahwɛ tɛyɛyɛkɛŋa nɛ shu klɛ ba tɛ za ɛfufɔɛ nɛ gɛ wɛɛ anɔ anɛ ɛfufɔɛkpã kɛdɔkɛkasɛ nɛe de.

2 Timotio 2:9

gɛ kɛlɛ shu so pɛ ɛɛtɔ ɔdɔnanɔ ɔkɛlɛ gɛ ba ba kpaka mɛ nɛ buɖɛ mɛ ansɛ anɔ gɛ ezi buzikpã. Pɔ ba dɛ kpaka Kpaya kibui.

Hebriuanɛ 10:34

Eshutukubui kunɔ nɛ bagɛ bakpɛvu klɛ onugɛ ba yɛkɛ kɛdɔ gɛ kɛlɛ wɔnɔahwɛ nɔ yɛkɛ lɛ nɛ same, alasɛ wɔnɔ nahwɛ nɔ nyi sɛ kɛdɔ gɛ kɛbaza ɔvɛnɔ fãã lɛ wɔnɔahwɛ.

Hebriuanɛ 3:7

So anasɛ gɛ Ɔfufɔɛ Dzyɔgo nɔ ɖɔ: “Obo nɛ, onugɛ onu yɛ olimɛ,

1 Petro 1:12

Bebu akasɛ alɛ sɛ anɛ balɛ nahwɛ ba dɛ axwɛ kɔ pɔ wũnɔ, kibelɛlɛ gɛ ba ɖɔ ebuianɛ gɛ ɔtsɔnɛ be tsre nɔ bagɛ balɛ ɖɔ Kibui Dzyɔgo kɔ nɔ nɛ Ɔfufɔɛ Dzyɔgo ba sɛsɛ denɔ owũsise. Baxwɛdɛ kuratsyɛ ba pɛɛ kukuku sɛ tɛ be di ebuia nɛ mɛ.