Axwɛwɛwa 20:31 - ONUGBÙ NYƐNYÃ VUVƆ

³¹ Kɛlɛ so nɔ za nɛ awɔ̃! Nɔ baka sɛ agɔ tata naa ɛka zukɔlɔ wɔnɔ mayɛ kanyaka tsre elishi anɛ kemuze anɛ iyuyo.

Axwɛwɛwa 20:31 ပူးပေါင်းရင်းမြစ်များ

Mateo 13:25

Pɔ kibe lɛ gɛ anɔnyanɔ avɛnɔ tra, agɛ adɛ ɖɔ yɛ na vɛ ada hwɛ tɛwaeyi akpɛ amɔ nɛshi, klɛ ashɛ̃.

Mateo 3:7

Pɔ gɛ amɔ Farisianɛ anɛ Sarusianɛ gɛ baa ba ɔkɛlɛ gɛ aakpɛ buni, etsre alɛ asɛ, “Wɔnɔ atagblashã yam banɔ! Anee ye tsre nɔ sɛ no si ɔlɔ butɔ nɛ gɛɛ ba?

Luka 21:36

Nɔ di ishu abha kibenyɛbe, klɛ tɛ nɔ klukpaya sɛ tɛ nɔ bɔna koeyi nɛ alɛ petee gɛ la pɛɛ sɛ tɛ la ba mɛ, klɛ tɛ nɔ bɔna kititilɛlɔ nɛ Anɔdzyrame Eyi nɛ amɛ.”

Axwɛwɛwa 19:10

Kɛdɔ kɛkasɛ nɛ vɛ klɛa bha agɔ tabha nyɔɔ, sɛ tɛ Yuɖanɛ anɛ Grikanɛ nɛ gɛ balɛ Asia kɛdɔ nɛ mɛ tsyɛ be nu Apalete nɛ kibui.

Axwɛwɛwa 19:8

Paolo ebe tsoku oxogokɔvu nɛ mɛ klɛ aɖɔ kaɖɔ nɛ bugɛganɛ mɛ nɛ ɔkɛlɛ wele tɛata, atsya ebui mɛ ebu nɛ Kpaya bukusiɔŋakɔ nɛ shu.

Axwɛwɛwa 20:11

Kɛlɛ etsodzi ewu avɛ kabhavu nɛm klɛ ada ya gbɛgbɛvu klɛ atã. Aza kaɖɔ ɖuɖɔa bha ɔdɔ nanɔ kazɛza, klɛ ashɛ̃.

Axwɛwɛwa 20:19

Ɛwa kɛxwɛ kɔ Apalete nɛ ishu madimadi mɛ piim nɛ iyuyo, ɛnya za tɛfifekedim gɛganɛɛ nɛ Yuɖanɛ tɛnyɛnya nɛ shu pɔ.

Axwɛwɛwa 20:7

Nɛ ɔgɔnɛ nɛ kiwi tutɔpu nɛa bha bu ba xogo ŋa Ɔfufɔɛ mɛ dɔ. Paolo aɖɔ kaɖɔ etsre banɔ klɛ, alasɛ atrɔ sɛ aba shɛ nɛ keli tɛzɛzam so, aza kaɖɔ ɖuɖɔa bha ɔdɔnanɔ elishishitibha.

Axwɛwɛwa 24:17

“Nɛ mɛ maza maza agɔ gelee de, ɛba ba Yerusalɛm sɛ tɛ ɛmɛna manɔa lɛ nɛ kɛdɔkukɔ, kɔ betsyutsyuni tɛ ɛbhɛtɛ ɔfufɔɛ mɛ kɛdɔkukɔ tsyɛ.

1 Kɔrintioanɛ 4:14

Ɛtɛɛ ŋlɔmɛ kɛ dɔɛnɛ tɛ ɛyɛkɔ kpɛ nɔɛwɔɛ nɔ, pɔ tɛ ɛyɛkɔ tsrenɛ nɔ anasɛ me yialɛ.

Filipianɛ 3:18

Alasɛ, anasɛ gɛ ɛganɔ tsre nɔ bafla klɛ ɔtsɔ̃ nɛɛ ɛkaa tsre nɔ nɛ ɛwɔ̃mɛ sɛ, be gelee ba lɛ anasɛ balɔ kititi nɛ Kristo butsiosi nɛ shu.

Koloseanɛ 1:28

Bu ɖɔ yɛ kibui kana, butsrenɔ klɛ bukasɛ anɔnyanɔ kɛdɔ nɛ kibuinyinyi petee mɛ, sɛ tɛ bu ba kɔ anɔnyanɔ tɛ edzi adzyɔgo nɛ Kristo mɛ.

1 Tɛsolonianɛ 5:14

Klɛ bu tsre nɔ, badzya mɔ, bagɛ baa kpɛ aye be dii mɔ, nɔ kpɛ bagɛ be sifu nɛ kemi, nɔ plɛnɔ bagɛ ba dɛ gɛganɛ, nɔ dɔfɔɔ̃ nɛ anɔnyanɔ.

2 Tɛsolonianɛ 2:5

Nɔ dɛ baka sɛ gɛ ɛza wɔnɔ bha itsre nɔ ebuia nɛ petee?

2 Tɛsolonianɛ 3:8

ɔdɔgɔsɛ bu ŋa anɔ teli dɔ gɛ bu dɛ buya kɛlɛ bhɛ. Nɛ ɔtɔgɛga mɛɛ, bu wa kɛxwɛ elishi anɛ kemuze, bu za kɛxwɛwɛwa bha klɛ butɔ sɛ tɛ bu tɛ dzi kituku kɔ wɔnɔ mɛayɛ kanyaka.

2 Timotio 4:5

Pɔ wɔ, nyɛna ishu nɛ ebuinyɛbui di mɛ, za gɛganɛɛ nɛ butɔ́ mɛ, wa kɛxwɛ ansɛ anɔ gɛ akaka kibui, wa wɔ axwɛ nɛ petee gɛ ba kɔ wɔ nɛ Kpayɛxwɛ nɛ mɛ.

Hebriuanɛ 13:17

Nɔ ta tɔ nɛ bagɛ alɛ nɔ nu tɛ nɔ zhinɔ shu kɔ alɛ kabhaŋɛŋa. Be di nɔabha anasɛ banɔ gɛ ba bebhui nɔ nu. Nɔ ta lɛ batɔ sɛ tɛ same eku balɛ axwɛwuwa, ganɛ tɛ kɛdzi kituku kɔ alɛ, alasɛ kɛtɛ baplɛnɛ nɔ.

Tɛbubukasɛ 16:15

“Di, ɛba ansɛ ezi! Bayula agɛ yɛa lɛ nɛ awɔ̃ klɛ anyɛna yɛ apɔtɛ nɛ ebunɔ shu, sɛ atɛ ba vɛ eti bu ishu elu nɛ kɛwɔɛ̃ mɛ.”