Axwɛwɛwa 20:21 - ONUGBÙ NYƐNYÃ VUVƆ

²¹ Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

Axwɛwɛwa 20:21 ပူးပေါင်းရင်းမြစ်များ

Mateo 3:2

klɛ aaɖɔ asɛ, “Tsyinaɛtem, alasɛ owũsise bukusiɔŋakɔ nɛ otsobunɔ.”

Mateo 4:17

Denɔ kibe lɛ nɛ mɛ ɔvɛnɔ klɛ Yesu etenɔ Kpayɛbui nɛ ɖɔ, “Tsyinɛtem, alasɛ owũsise bukusiɔŋakɔ nɛ tɛ tsu ba.”

Marko 1:15

Aɖɔ asɛ, “Kibe nɛ tɛ na,” “Kpaya bukusi nɛ tɛ tso bunɔ lɔ. So no tsyina kitem tɛ nɔ yɛkɛ kibui dzyɔgo nɛa bha ɔŋa!”

Marko 6:12

Ba vɛ ada kasɛ kɛdɔ sɛ tɛ banɔ nɛ be tsyina kite mɛ.

Luka 13:3

Itsre nɔ sɛ, ao! Pɔ odunu sɛ nɔ tsyinɛtemɛ, wunɔ petee tsyɛ nɔ bɔ tsi.”

Luka 13:5

Itsre nɔ sɛ, ao! Pɔ odunu sɛ nɔ tsyinaɛtemɛ wunɔ petee tsyɛ nɔ bɔ tsi.”

Luka 15:10

Nɛ kidzo lɛlɛ nɛabha, itsre nɔ sɛ, samemumɔ aba za Kpaya axwɛdɛ amɛ nɛ ezizi terikpo gɛ etsyina temɛ.”

Luka 15:7

Itsre nɔ sɛ kana ke samemumɔ gelee aba za owũsise nɛ́ ezizi terikpo gɛ etsyina temɛ shu dɛ banɔ dzyɔgo afɛtezhita nɛ-tiezhita gɛ kitemɛ tsyitsyina va ma balɛ shu.

Luka 16:28

alasɛ badzya tieti ba lɛ mɛ ahwɛ. Kɔ yɛ akpɛ balɛ ɔshã, sɛ tɛ balɛ tsyɛ batɛ ba ba butɔ ɔzakɔ nɛ.’

Luka 24:47

klɛ kitemɛ tsyitsyina nɛ ebuizizi tsyitsye, ba baɖɔ nɛ yɛ nyimɛ kɔ amadi nɛ petee, kesikpɛkpɛ nɛ Yerusalɛm.

Yohanɛsɛ 20:31

Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Axwɛwɛwa 10:43

Batɔnu nɛ petee aɖɔ edenɔ yɛ shu sɛ anɔnyanɔ gɛ anya yɛkɛ yɛa bha aŋa ko amɔ buzizi tɛyɛyɛkɔ tsye ganɔ yɛ kinyim.”

Axwɛwɛwa 11:18

Gɛ be nua na nɛ, kibuinyɛbui daa za balɛ ahwɛ ɔyɛkɔ dɛ sɛ tɛ ba kpɛ Kpaya nɛa bha, nɛ tɛ ɖuɖɔ sɛ, “Klɛ so, Kpaya atrɔ ahwɛ bagɛ be di nu Yuɖanɛ nɛ tsyɛ kitem tsyitsyina nɛa bha nɛ kanɔa nɛ mɛ.”

Axwɛwɛwa 16:31

Be bu klɛ nu etsre yɛ asɛ, “Yɛkɛ Apalete Yesua bha ɔŋa, klɛm ɔbɔ mɔ ɛkpã—wɔnɔ nɛ wɔ pa nɛ wɔeyia lɛ nɛ petee.”

Axwɛwɛwa 17:30

Nɛ atiti mɛ Kpaya ada awɔ̃hũ akpɛ kibui mati mati lɛlɛ nɛ di, pɔ ɔtsɔ̃ nɛɛ akɔ ɔshã sɛ banɔ nyanɔ nɛ ɔkɔnyɔkɔ be tsyinɛtem.

Axwɛwɛwa 19:17

Gɛ Yuɖanɛ anɛ Grikanɛ nɛ ga lɛ Efesos nɛ be nu kibui nɛɛ, kifu kua lɛ, so nɛ Apalete Yesu kinyi ba ba kpɛ lɛ nɛ kabha.

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Axwɛwɛwa 2:40

Nɛ ebui gelee mɛ Petro akpɛa lɛ ɔshã, klɛ ebisi denɔ balɛ ahwɛ mɛ sɛ, “No bu wɔnɔ ishu odenɔ tɛmumɔ tsutsɔmɔɛ nɛm.”

Axwɛwɛwa 20:23

Inyi ko sɛ nɛ ɔmagbla kanyaka mɛ Ɔfufɔɛ Dzyɔgo nɔ ɔɔkɔ mɛ iti sɛ buvuzɛza anɛ butɔ gɛganɛɛ lɛ kɔm.

Axwɛwɛwa 20:24

Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

Axwɛwɛwa 24:24

Ewi gelee de nɛɛ Felikisi aba ba nɛ yɛedzini Drusilla, gɛ edzi Yuɖadzi. Akɔ le klu Paolo klɛ atatɔ nɛ yɛ kaɖɔ ɖuɖɔ denɔ tɛyɛyɛkɛŋa nɛ Yesu Kristoa bha shu.

Axwɛwɛwa 26:18

sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

Axwɛwɛwa 26:20

Putɔnɔ kɔ baga lɛ Damaskosɛ, ka kɔ baga lɛ Yerusalɛm nɛ Yuɖia petee, anɛ kɔ bagɛ be di nu Yuɖanɛ nɛ tsyɛ, ɛkasɛ kɛdɔ sɛ tɛ be tsyina kitem tɛ be tsyina tɔ Kpaya tɛ be bu balɛ tɛtsyitsyina nɛ akasɛ anɛ ganɔ balɛ ebui bhɛbhɛtɛm.

Axwɛwɛwa 28:23

Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Axwɛwɛwa 3:19

No tsyina kitem, tɛ no tsyina amɛ ɔtɔnɔ Kpaya, sɛ tɛ be xule wɔnɔ buzizi, tɛ kimuenebe ba kɔnɔ denɔ Apalete nɛ ɔkɔ,

Axwɛwɛwa 8:25

Kibe lɛ nɛ gɛ ba mɔaɖɔ pɛ be bu Apalete nɛ bui na ɖɔ, Petro anɛ Yohanɛsɛ be tsodzi avɛ Yerusalɛm, klɛ baa ɖɔ kibui dzyɔgo nɛ Samarianɛ ɛmabhli nɛ mɛ.

Romanɛ 1:14

Ɛlɛ kɔ Grikanɛ anɛ bagɛ be di nu Grikanɛ, kɔ bebuinyi anɛ bagã.

Romanɛ 1:16

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

Romanɛ 10:9

Onu gɛ ɔdanɛ wɔ shum nɛ wɔ onugbu sɛ, “Yesu yɛ nu Apalete,” klɛ ɔyɛkɛŋa nɛ wɔ idzyim ɔsɛ Kpaya yɛ anyɛmɛ yɛ edenɔ bekpu mɛ, be be bu wɔ.

Romanɛ 2:4

Ɔdɔgɔsɛ ɔkasɛ awɔ̃kuku kɔ kikesrɔdɔ nɛ gɛ de yɛ ɛyamyuyɔ nɛ wɔ, amɛkukɔ anɛ tɛdɛdɔfɔ̃ nɛ wɔ, ɔtɔɔ mɔ sɛ Kpaya eyamyuyɔ nɛ gbanɔ wɔ ɔvɛnɔ kitem tsyitsyina shu?

Romanɛ 4:24

pɔ kɔ bulɔ tsyɛ, kɔ bagɛ Kpaya aba kɔ tɛnɛna nɛ tsyɛ— kɔ bulɔa gɛ bu yɛkɛ yɛa bha ŋa gɛ bu feke Yesu bulɔ Apalete nɛ ebu denɔ bekpu mɛ.

Romanɛ 5:1

Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

1 Kɔrintioanɛ 1:22

Yuɖanɛ ba pɛɛ ebuiyinɔanɔ kɛdɔmumɔ klɛ Grikianɛ ba pɛɛ kibuinyinyi,

2 Kɔrintioanɛ 7:10

Kpaya obulo mɛna kitemtsyitsyina gɛ kɛkɔ sɛ nɔ mɔ tɛbhubhuiyɛkɛ klɛ kɛ dɛ tɔ anɔ, pɔ kanɔɛmɛ obulo mɛna butsi.

Galatianɛ 2:16

nɔ ti sɛ be te bu anɔ butsya nɛ ɔshã abha abhɛbhɛtɛ, pɔ nɛ Yesu Kristo tɛyɛyɛkɛŋa abha. So bulɔ, tsyɛ, bu kpɛ bulɔ tɛyɛyɛkɛŋa nɛ Kristo Yesu mɛ tɛ bu ba ŋa butsya nɛ Kristo mɛ klɛ anɛ ɔshã nɛabha bhɛbhɛtɛ, alasɛ nɛ ɔshã nɛabha bhɛbhɛtɛ anɔnyanɔ atɛ ba ŋa butsya.

Galatianɛ 2:20

Bulɔ anɛ́ Kristo la kplasɔ klɛ ɛva ma nɛ kpã, pɔ Kristo alɛ nɛ ɛkpã nɛ mɛ mɛ. Ɛkpã nɛ gɛ ɛlɛ nɛ ishuidzya mɛ, ɛlɛ nɛ ɛkpã nɛ Kpaya yɛ Eyi tɛyɛyɛkɛŋa abha gɛ adɛmɛ mɛ klɛ ayɛkɔ yɛnahwɛ akɔ nɛ mɛ tɔkpu.

Galatianɛ 3:22

Pɔ Tɛŋuŋlɔmɛ anɛ buɖɔ sɛ ba kpɛ kanɔ petee nu kizizi evuza, sɛ tɛ kɛ gɛ ba trɔlu, ba yɛkɛ lɛ akɔ aganɔ Yesu Kristo tɛyɛyɛkɛŋa abha, ba bayɛkɛ akɔ bagɛ bayɛkɛŋa.

Efesoanɛ 1:15

Alasɛ kibui nɛ so, denɔ kibelɛlɛ gɛ wɔnu ɛnɔ tɛyɛyɛkɛŋa nɛ Apalete Yesu abha klɛ wɔnɔ tɛtɛdɛdɛmɛnanɔ kɔ kpayabanɔ petee,

Koloseanɛ 2:5

Alasɛ kɛlɛlɛmɛ sɛ ɛma wɔnɔ bha nɛ ishuidzya mɛ, ɛlɛ plɛnɛnɔ nɛ́ ɔfufɔɛ mɛ klɛ ɛpɛɛ sɛ tɛ ɛmɔ kana gɛ nɔ nyɛna shu klɛ nɛ kana gɛ wɔnɔ tɛyɛyɛkɛŋa lɛ gɛganɛ nɛ Kristo mɛ.

Filimɔnɛ 1:5

alasɛ inu wɔ tɛyɛyɛkɛŋa anɛ Apalete Yesu nɛ wɔ tɛɖuɖɔ kɔ kpayabanɔ nɛ petee.

1 Yohanɛsɛ 5:1

Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.

1 Yohanɛsɛ 5:5

Ane yɛ abana kanɔ nɛabha ŋa? Anɔ nɛ ko gɛ ayɛkɛŋa sɛ Yesu enu Kpaya yɛ Eyi.