Axwɛwɛwa 20:17 - ONUGBÙ NYƐNYÃ VUVƆ

¹⁷ Denɔ Miletus nɛɛ, Paolo akla ɔsɔ asɛsɛ Efesos sɛ be kulu busɔlɛɔha beshishe nɛ amɛna.

Axwɛwɛwa 20:17 ပူးပေါင်းရင်းမြစ်များ

Axwɛwɛwa 11:30

Ba bhɛtɛ lɛ ana, klɛ baa sɛsɛ beshishe nɛ kɛdɔkukɔ ganɔ Banabasɛ anɛ Saolo abha.

Axwɛwɛwa 14:23

Paolo anɛ Banabasɛ edzu beshishe nɛ busɔlɛɔha ɔkanyaka nu klɛ, ɔyɛkɔ plɛnɔ onugbunyɛnya anɛ kpayakuklum, ayɛkɔa lɛ akpɛ ahwɛ kɔ Apalete, gɛ yɛabha la yɛkɛ aŋa.

Axwɛwɛwa 15:23

Ɔyɛkɔ plɛnɔa lɛ ba sɛsɛ keplukpa sɛ: Bulɔ, banɔkpɛkpɛ anɛ beshishe nɛ, anɛ wɔnɔa dzyalɛ nɛ ɔkɔ, bu sɛnɛ nɔ bulɔ badzya nɛ petee gɛ be di nu Yuɖanɛ gɛ ba lɛ Antiɔkɛ, Siria anɛ Silisia.

Axwɛwɛwa 15:4

Gɛ be be ku Yerusalɛm, busɔlɛɔha nɛ banɔkpɛkpɛ nɛ beshishe na yɛkɛalɛ mɔɔ mɔ. Ba ɖɔ kibuinyɛbui gɛ Kpaya abhɛtɛ aganɔ balɛa bha nɛ etsre alɛ.

Axwɛwɛwa 15:6

Banɔkpɛkpɛ anɛ beshishe nɛ ba tsya sɛ tɛ banyɛna tɛbibisi nɛ edi.

Axwɛwɛwa 16:4

Nɛ balɛ tɛnyunyɔ denɔ ɔma nɛm ɔvɛ ɔma nɛ mɛ nɛ, be bu ɛshã nɛ gɛ banɔkpɛkpɛ anɛ beshishe na bhɛtɛ nɛ Yerusalɛm sɛ tɛ ɛlɛa bha la bhɛtɛ na kasɛ banɔ.

Axwɛwɛwa 18:19

Be de ku Efesos, ɛklɛ Paolo yɛ ashɛ̃ ayɛlɔ Prisilla anɛ Akuila. Yɛ nahwɛ nɛ ede tsoku oxogokɔvu nɛm klɛ ada nyɛna ebui teli edi nɛ Yuɖanɛ.

Axwɛwɛwa 20:15

Kiwi bhla nɛɛ bu za kenia bha denɔ ɔkɛlɛ klɛ bu da ku Kiosɛ. Kiwi nɛ gɛ ba nɛ kɛlɛede bu tsɔkɛ fla da ku Samosɛ, klɛ nɛ kiwi nɛ gɛ ba nɛ kɛlɛede nɛɛ bu da ku Miletus.

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

1 Timotio 5:17

Ɔha Mɛ banɔshishe nɛ ga gbanɔ ɔha nɛ mɔmɔ ba na sɛ tɛ ba trɔ balɛ ɔkɔ didi nɛa bha, ɔyɛkɔdɛ bagɛ balɛ kɛxwɛ nɛ nu kaɖɔ ɖuɖɔ anɛ kɛdɔkɛkasɛ.

Titusɛ 1:5

Kɛdɔnɔ nɛ so pɛ ɛshɛ lɔ wɔ nɛ Krete kɛlɛ nu sɛ tɛ ɔna ebui nɛ gɛ agɔ pɛ ɛdɛ bhɛtɛ nɛ dzyɔ tɛ odzu kpayanɔ nɛ ɔma kanyaka mɛ, ansɛ gɛ ɛɖɔ sɛ ɔbhɛtɛ.

Yakobo 5:14

Wɔnɔ ɔmayɛ teli anya xãa? Eklu busɔlɛɔha mɛ banɔ shishe tɛ be klukpaya nɛ yɛ tɔkpu tɛ ba sra bubɔ akɔ yɛ nɛ Apalete nɛ kinyim.

1 Petro 5:1

Kɔ beshishe gɛ balɛ wũnɔɛ mɛ ibisi denɔ wũnɔ kɔ sɛ, anasɛ wɔnɔ mayɛ eshishe, kibuimɔɖɔ anɛ́ Kristo butɔ nɛ̀ agɛ yɛ tsyɛ aba mɔ tɛbhubhui gɛ ba be bukasɛ:

2 Yohanɛsɛ 1:1

Kibui nɛ de Eshishe nɔ kɔ, Kɔ Adzɛ kuklu anɛ̀ yɛ beyi, gɛ ɛdɛmɛnɔ nɛ́ kɛgbɛagba mɛ—klɛ ganɛ mɛ tite, pɔ bulɔ petee gɛ bu nyi kɛgbɛagba—

3 Yohanɛsɛ 1:1

Denɔ Eshishe nɔ ɔkɔ, Kɔ mɛ ɔbhɛya mumɔa Gaius, gɛ yɛ mɛ dɛmɛnɔ nɛ kɛgbɛ mɛ.