Axwɛwɛwa 2:47 - ONUGBÙ NYƐNYÃ VUVƆ

⁴⁷ nɛ Kpaya kabhakpɛkpɛ anɛ samɛ mumɔ nɛ ɔhayɛ eshutukubui didi mɛ denɔ banɔ nɛ petee ɔkɔ. Klɛ Apalete nɛ abhɔ tikpikpe nɛm atrɔ kiwinyɛwi ɔplɛnɔ bagɛ be ti bu.

Axwɛwɛwa 2:47 ပူးပေါင်းရင်းမြစ်များ

Luka 19:48

Pɔ ba dɛ mɔ kidzonyɛdzo abha gɛ ba baga abhɛtɛ lɛ, alasɛ banɔ nɛ petee ba ta tɔ nɛ yɛ buɖɔ nɛ gɛ aɖɔ.

Luka 2:52

Klɛ Yesu eshe nɛ kibunyinyi mɛ anɛ̀ tɛzɛza dzyɔgo mɛ klɛ amɔ tɛpɛplɛnɔ denɔ Kpaya nɛ banɔ kɔ.

Axwɛwɛwa 11:21

Apalete nɛ ɔhwɛ ɔza plɛnɔa lɛ, klɛ banɔ nɛ tikpikpe gblam ayɛkɛ aŋa klɛ be tsyina tɔ Apalete.

Axwɛwɛwa 11:24

Edzi anɔ dzyɔgo, gɛ eyuku nɛ Ɔfufɔɛ Dzyɔgo nɛ tɛyɛyɛkɛŋa, klɛ ba gbanɔ banɔ nɛ tikpikpe gbla tilim amɛna Apalete.

Axwɛwɛwa 13:48

Gɛ bagɛ edi nu Yuɖanɛ ne nu kibui nɛɛ, ba mɔ same klɛ ba yɛkɛ Apalete nɛ bui, klɛ bagɛ balɛ petee be klua kɔ ɛkpã mabeke mabeke na yɛkɛaŋa.

Axwɛwɛwa 14:1

Nɛ Ikonio nɛɛ anasɛ gɛ kɛɛ za nɛɛ Paolo nɛ Banabas eze de tsoku Yuɖanɛ oxogokɔvu nɛm. Ɔkɛlɛ ba ɖɔ kaɖɔ klɛ bakasɛ kɛdɔ mɔɔ mɔ gɛ kɛ kɔ sɛ banɔ tɛkɛklam kpi gɛ be nu Yuɖanɛ anɛ bagɛ be di nu Yuɖanɛ ba yɛkɛ aŋa.

Axwɛwɛwa 14:21

Baɖɔ kibui dzyɔgo nɛ ɔmagbla lɛ nɛm klɛ badɔkpasɛ nɛ tɛkpikpem gelee. Ɔkɛlɛ be tsodzi avɛ Listra, Ikonio nɛ Antiɔkɛ,

Axwɛwɛwa 16:5

Klɛso nɛ busɔlɛha nɛ ba gɛganɛ nɛ kabha yɛyɛkɛŋam klɛ lɛ she trɔ nɛ tikpikpem kiwi nyɛ wi.

Axwɛwɛwa 17:12

Yuɖanɛ gelee ba yɛkɛ kibui nɛa bha ŋa, ansɛ gɛ Grikanɛ badzɛenigbla teli anɛ balɛ banyɛ gelee tsyɛ ayɛkɛ aŋa.

Axwɛwɛwa 2:39

Tɛtutrɔɛ nɛ lɛ kɔ wɔnɔ nɛ wɔnɔeyia lɛ nɛ bagɛ ba lɛ odzidzekɔ, nɛ kɔ bagɛ balɛ bulɔ Apalete Kpaya nɛ ebe klu.”

Axwɛwɛwa 2:41

Banɔ nɛ gɛ ba yɛkɛ kibui ba kpɛ buni akɔa lɛ, klɛ banɔ ansɛ akpãtata balɛ la za yɛkɔ ata tɛkpikpe nɛm kiwi lɛlɛ.

Axwɛwɛwa 4:21

Nɛ kifu kpɛkpa lɛ vɛnɔ otugbae de ba shɛnahwɛ balɛ shu sɛ ba ga vɛ. Ba dɛ na tɛtɛtrɔ kanyaka bhɛtɛ asɛ ba tɛta lɛ atɔ, alasɛ banɔ nɛ petee za kpɛ Kpaya nɛa bha nɛ kɛgɛ ba kɛlɛm nɛ shu so.

Axwɛwɛwa 4:33

Nɛ kemi kpɛkpɛ gbla nɛɛ banɔkpɛkpɛ nɛ avɛ Apalete Yesu tɛnyɛnyɛmɛ tɛbubuɖɔa bha, klɛ ɛyamyuyɔ gelee ɔza balɛ peteea bha.

Axwɛwɛwa 4:4

Pɔ banɔ gelee gɛ be nu kibui nɛɛ ba yɛkɛ aŋa, klɛ banɔ nɛ tɛkpikpem ba vɛ otugba dananɔ ansɛ akpã teti.

Axwɛwɛwa 6:1

Nɛ kibe lɛ nɛm gɛ badɔkpasɛ ne be kpe, Griki Yuɖanɛ gɛ ba kpasɛ balɛ shi nɛ bhui Hebriu Yuɖanɛ nɛ nu alasɛ balɛ bagɛ betsianyɛ nɛɛ ba shɛ̃nahwɛ balɛ kiwinyɛwi kɛdɔŋɛŋa kukɔ shu.

Axwɛwɛwa 6:7

So nɛɛ Kpayɛbui nɛ ba nɛ. Badɔkpasɛ nɛ tikpikpe nɛ mɛ ba wu kabha nɛ Yerusalɛm zia zia, klɛ kpayanɔ gelee aba ta tɔ nɛ tɛyɛyɛkɛŋa.

Axwɛwɛwa 9:31

Klɛ busɔlɛha nɛ Yuɖia, Galelia anɛ Samaria petee ba za ishu yuyɔm. Busɔlɛɔha nɛ ɔgɛganɛ ɔtrɔ; klɛ Ɔfufɔɛ Dzyɔgo nɛ lɔ kpɛ alɛ kemi, lo she nɛ tikpikpem, ba za nɛ kifusisim kɔ Apalete.

Axwɛwɛwa 9:35

Banɔ nɛ petee ga lɛ Lidda anɛ Sharonɛ na mɔ yɛ klɛ be tsyina amɛ atɔnɔ Apalete.

Romanɛ 14:18

alasɛ anɔnyanɔ gɛ akpɛ kɛtɔkpuesi kɔ Kristo nɛ kidzoe nɛa bha, kɛ ku Kpaya awɔ̃ klɛ banɔa trɔ ahwɛ kɛlɛa bha.

Romanɛ 8:30

Klɛ bagɛ atɛ bala elu, balɛ tsyɛ ekulu; bagɛ ekulu, adanɛ balɛ shu tsyɛ; bagɛ balɛ shu adanɛ, ebhuialɛ shu tsyɛ.

Romanɛ 9:27

Yezaya akpɛ ogugu aɖɔ tsre Izraɛlanɛ na sɛ: “Kɛlɛ lɛ mɛ sɛ Izraɛlanɛ nɛ tɛkpikpem nya lɛ ansɛ aƒu anyɛsɛ̃, bagɔgɔɛ nɛ ko le be bu.

1 Kɔrintioanɛ 1:18

Butsiosi shuibui nɛ nu kɛgãbui kɔ bagɛ baa wɔlɛeku, pɔ kɔ bulɔagɛ be bu ki nu Kpaya Kemi.