Axwɛwɛwa 2:40 - ONUGBÙ NYƐNYÃ VUVƆ

⁴⁰ Nɛ ebui gelee mɛ Petro akpɛa lɛ ɔshã, klɛ ebisi denɔ balɛ ahwɛ mɛ sɛ, “No bu wɔnɔ ishu odenɔ tɛmumɔ tsutsɔmɔɛ nɛm.”

Axwɛwɛwa 2:40 ပူးပေါင်းရင်းမြစ်များ

Mateo 12:34

Wɔnɔ atagblashã tɛzɛzam banɔ, kɛlɛ wɔnɔ banɔ nɛ gɛ ɔtsɔmɔ nɔ bɔ ɖɔ kibui dzyɔgo tii li? Alasɛ kibui nɛ kɛɛ dɛ idzyi klɛ onugbu nɛ ɔɔɖɔaɖɔ.

Mateo 16:4

Atɔkpum gɛganɛ anɛ aglɔbui bhɛbhɛtɛ kanɔa nɛ mɛ banɔ naa pɛɛ ebui yiyinɔanɔɛ dɔmumɔ, pɔ ba tɛ ba kɔ akanyaka odu nu sɛ Yona kɛdɔmumɔ.” Ɔkɛlɛ Yesu ashɛ̃ nɛ balɛ ɔbha klɛ ada fla shɛ.

Mateo 17:17

Yesu ebui lɛ nu asɛ, “Ao banɔ gɛ ba dɛ pɛ̃ klɛ tɛyɛyɛkɛŋa ma nɔ ahwɛ,” “kɛlɛ za mɛ ɛba za wɔnɔ bha ɔdɔnanɔ? Kɛlɛ za mɛ ɛba za plɛnɔ wɔnɔ ɔdɔnanɔ? Yɛkɔ anuvɔ nɛ ɔmɛna mɛ nɛ ɔkɛ̃.”

Mateo 23:33

“Wɔnɔ beblidzya! Wɔnɔ atagblashã ɛyamɛeyi! Kɛlɛ nɔ bɔ na sii lɔ kifumani manim zɛza kɛpɔ?

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

Luka 16:28

alasɛ badzya tieti ba lɛ mɛ ahwɛ. Kɔ yɛ akpɛ balɛ ɔshã, sɛ tɛ balɛ tsyɛ batɛ ba ba butɔ ɔzakɔ nɛ.’

Luka 21:36

Nɔ di ishu abha kibenyɛbe, klɛ tɛ nɔ klukpaya sɛ tɛ nɔ bɔna koeyi nɛ alɛ petee gɛ la pɛɛ sɛ tɛ la ba mɛ, klɛ tɛ nɔ bɔna kititilɛlɔ nɛ Anɔdzyrame Eyi nɛ amɛ.”

Yohanɛsɛ 21:25

Yesu abhɛtɛ ebui bhlatɔ gelee aplɛnɔ. Onugɛ ba ŋlɔmɛ alɛ petee lu, ɛyɛkɛŋa sɛ kanɔ petee tsyɛ katɛ ba mɔ buvu kɔ buplukpa gɛ ba ŋlɔmɛ.

Axwɛwɛwa 10:42

Akpɛ blɔ sɛ tɛ buɖɔ yɛ kibui nɛ tsre banɔ tɛ bu bu kasɛa lɛ sɛ yɛ enu anɔ nɛ gɛ Kpaya akɔ sɛ tɛ eklu kebhui nɛ baga lɛ nɛ ɛkpã anɛ be tsitsi.

Axwɛwɛwa 15:32

Yuɖasɛ anɛ Silasɛ gɛ balɛ nahwɛ ne nu batɔnu so nɛɛ, baɖɔ kaɖɔ gelee ayɛkɔ akpɛ badzya nɛ kite anɛ bugɛganɛ nɔ.

Axwɛwɛwa 20:11

Kɛlɛ etsodzi ewu avɛ kabhavu nɛm klɛ ada ya gbɛgbɛvu klɛ atã. Aza kaɖɔ ɖuɖɔa bha ɔdɔ nanɔ kazɛza, klɛ ashɛ̃.

Axwɛwɛwa 20:2

Aga kidzo akana kibe lɛ nɛm petee, nɛ kitekpɛkpɛ kaɖɔ ɖuɖɔ kɔ banɔ, klɛ gɔgɔɛ nɛɛ avɛ ede ku Grisɛ,

Axwɛwɛwa 20:21

Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

Axwɛwɛwa 20:24

Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

Axwɛwɛwa 20:9

Anyɛsɔ̃ teli ezhi aza fɛsɛrɛ nɛm gɛ be kulu asɛ Utitsyiusɛ, gɛ ezhieku tra dzudzu tilim gɛ Paolo aza ɖɔ kaɖɔ nɛ aavɛnɔ. Kibe lɛ nɛ mɛ gɛ ebe tsoku tram mɔɔ mɔ nɛɛ, awɔlɛ edenɔ kabhavu bɔtramɛ nɛm ebe huesi klɛ gɛ befeke yɛ eti dzi anɔtsitsi.

Axwɛwɛwa 28:23

Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Axwɛwɛwa 4:36

Yosɛfu gɛ enu Levaɛtɛ eyi denɔ Siprɔsɛ, gɛ banɔkpɛkpɛ nɛ klua sɛ Banabasɛ (kɛlɛesi nu sɛ Eyi gɛ akɔ Kemi),

2 Kɔrintioanɛ 5:20

Kɛlɛso bu nu Kristo ɔzakɔanɔ kpɛkpɛ, anasɛ kɛlɛlɛmɛ sɛ Kpaya ábhɛtɛ yɛ dɔ bibisi ganɔ bulɔ abha. Bu kpɛ kɛtɔkpuesi kɔ nɔ ganɔ Kristo abha: Kɔlɔ bhɛtɛ terikpo nɛ Kpaya.

2 Kɔrintioanɛ 6:17

“Kɛlɛso nɔ koeyi nɛ balɛ mɛ klɛ tɛ nɔ za ɔtɔ, Apalete nɛ yɛ aɖɔ. Nɔ tɛ hunɔ kɛdɔnyɛdɔ gɛ kɛlɛ shu di bhui, klɛ ɛba yɛkɛ nɔ.”

Galatianɛ 5:3

Ɛka ɖɔ tsre anyɛ nyanyɛ gɛ akɔ sɛ be bhui bunyɛnyɛ kɔ yɛ nahwɛ kɛlɛ kɔ yɛ sɛ tɛ abhɛtɛ atrɔ ɔshã nɛ petee abha.

Efesoanɛ 4:17

So itsre nɔ kibui nɛ, klɛ ɛkatrɔ kɛlɛabha sɛ nɛ Apalete nɛ mɛ, sɛ nɔ tɔ za nɛkpã anasɛ bagɛ bɛdinu Yuɖanɛ na za, nɛ balɛ kibuiesi manumanu.

Filipianɛ 2:15

sɛ tɛ kɛpɔ tɛ za tɛ wɔnɔ shu bhui, no dzi Kpaya yɛ yialɛ gɛ buzizi ma wɔnɔ shu anɛ tsutsɔmɔ nɛ tɛmumɔm gɛ dɛ na, gɛ nɔ tã nɛ balɛ shi ansɛ awɛwɛ̃ nɛ kanɔ nɛ mɛ

1 Tɛsolonianɛ 2:11

Alasɛ no nyi ɔsɛ bu za nɛ wɔnɔmɛayɛ kanyaka ansɛ gɛ aka aabhɛtɛ nɛ yɛnahwɛ yɛeyialɛ,

1 Timotio 4:16

Vu anhũ nɛ wɔ ɛkpã anɛ kɛdɔkɛkasɛ nɛ mɔmɔ. Tsianyɛ nɛ alɛ mɛ, alasɛ onu gɛ nɔ bhɛtɛ ana, no bo bu wɔnɔ shu anɛ bagɛ be nu nɔɛ bui.

1 Petro 5:12

Nɛ̀ tɛpɛplɛnɔ denɔ Silas kɔ, agɛ ɛyɛkɔ kɛlɛ anasɛ tɛyɛyɛkɛŋa adzya, ɛtɛ ŋlɔmɛ sɛsɛnɔ gugunu, ɛkpɛ nɔ kemi klɛ mɛ ɖɔ sɛ kɛnɛ kɛlɛnu Kpaya ɛyɛmɛyuyɔ gbɛagba. Nɔ za lɛ mɛ gɛganɛ.