Axwɛwɛwa 2:23 - ONUGBÙ NYƐNYÃ VUVƆ

²³ Anɔa nɛɛ bayɛkɔ yɛ akpɛahwɛ kɔ nɔ ganɔ Kpaya tɛtɛtrɔ nɛ kibuititi kpɛ otugbam, klɛ wɔnɔ, ganɔ atɔkpumgɛganɛ banɔ tɛpɛplɛnɔm nɛɛ, no yi yɛ ganɔ yɛ tɛkpɛkplasɔ butsiosi shu.

Axwɛwɛwa 2:23 ပူးပေါင်းရင်းမြစ်များ

Mateo 20:19

klɛ ba ba yɛkɔ yɛ akpɛ bagɛ be di nu Yuɖanɛ nahwɛ gɛ la ba kpɛ butsɔ klɛ be be tu yɛ klɛ la ba kplayɛasɔ butsiosi shu. Nɛ kiwi tramɛ nɛa bha be be tsodzini yɛ anyɛmɛ amɛna ɛkpã mɛ!”

Mateo 26:24

Anɔdzyrame yɛ Eyi nɛ aba shɛ ansɛ gɛ ba ŋlɔmɛ elu nɛ yɛ shu. Pɔ butɔ kɔ anɔɔ nɛ gɛ yɛ aba ga Anɔdzyrame yɛ Eyi nɛe si! Anɔa lɛlɛ ba dɛ mɔ yɛ tsyɛ ata pɛ̃ kɔ yɛ adɛ.”

Mateo 27:35

Gɛ ba kplaɛasɔ beke, ba tsyuɛ yɛ bawi na kpɛ aglɔm ganɔ kebisi mɛ.

Marko 15:24

Klɛ ba kplayɛasɔ. Be dzyidzyidɔ nɛ yɛ bawi nɛ tɔkpu tɛ bamɔ kapɛ nɔɔ nɛ gɛ anɔnyanɔ aba yɛkɛ.

Luka 22:22

Anɔdzyrame Yi aba shɛ̃ anasɛ gɛ ba kpɛ elu, pɔ butɔ kɔ anɔ nɛ gɛ aba yɛ kɔ yɛ akpɛahwɛ.”

Luka 22:37

Baɖɔ lu asɛ, ‘Klɛ ba kla yɛ akpɛ bagɛ ba bhɛtɛ ebui zizi nɛ shi’ klɛ itsre nɔ sɛ, kɛnɛ kɛlɛsɛ tɛ kɛbɛlɛmɛ nɛ mɛ shu. Ee, kɛbui nɛ gɛ ba ŋlɔmɛ nɛ mɛ shu, kɛlɛ tɛbɛba na.”

Luka 23:33

Gɛ beku ɔzakɔ gɛ beklu asɛ Kɛtɔkpuxwa, ɔkɛlɛ be yi Yesu, nɛ banɔ tɛabha—terikpo alɛ ye kɛŋa nɛ mɛ, abhla na lɛ yɛ kebhɛtɛkpɛ mɛ.

Luka 24:20

Kpayaɔzakɔ ekusi anɛ̀ bulɔ bamani ba yɛkɔ yɛ akɔ sɛ tɛ be bu yɛ butsi pɔ, klɛ ba kplɛ yɛ nɛ osi shu,

Yohanɛsɛ 19:18

Ɔkɛnɛ ba kplayɛasɔ, klɛ ɔplɛnɔ yɛ banɔ bhlatɔ tɛabha— terikpo nɛ kapɛ kanyaka klɛ Yesu akpasɛ kishitɛbha.

Yohanɛsɛ 19:24

Baɖɔ tsee ɛhaglɔ sɛ, “Nɔ tɛ kɔlɔ tsyuɛ̃ yɛ. Nɔ kɔlɔ bisi dɔ agɛ yɛabha lɛ dɔ yɛ ayɛkɔ.” Kɛnɛ kɛ bɛlɛmɛ sɛ kpayakeplukpa nɛ bui bɛlɛmɛ gɛ kɛɖɔ sɛ, “Ba yɛkɔ mɛ kɛdɔ kpɛkpɛ akpɛ aglɔmɛ klɛ bawlãkɛ mɛdɔ kpɛkpɛ dzidze.” So kɛnɛ keyutugbani nɛ abhɛyɛ.

Axwɛwɛwa 13:27

Yerusalɛmanɛ anɛ balɛ bekusi na dɛ mɔ Yesu edzyesi, pɔ nɛ kibe lɛ gɛ bee bu yɛ atɛ̃ɛ nɛɛ, baa bhɛtɛ atrɔ ebui nɛ gɛ batɔnu na ɖɔ pɛ baa kla kibenyɛbe nɛ Kimuenewi nɛa bha.

Axwɛwɛwa 15:18

gɛ la lɛ tɛtitim kibe gelee.

Axwɛwɛwa 2:36

“Kɛlɛso kɔ Izraɛl petee aza kidzoenu didi mɛ sɛ, Kpaya atɛ bhɛtɛ Yesua nɛ, gɛ nɔ kplasɔ, nɛ Apalete anɛ Kristo.”

Axwɛwɛwa 3:18

Pɔ kana Kpaya abhɛtɛ kɛgɛ atɛ ɖɔ elu ganɔ batɔnu nɛ peteea bha, sɛ yɛ Kristo nɛ aba tɔ.

Axwɛwɛwa 4:28

Ba bhɛtɛ kɛgɛ wɔ kemi nɛ tɛpɛpɛ nɛ tɛ trɔ lu kukuuku sɛ kɛ ba kɛlɛ mɛ.

Axwɛwɛwa 5:28

Anɔgbla nɛ etsre alɛ asɛ, “Bu kpɛ wɔnɔ ɔshã gɛganɛɛ sɛ nɔ tɛ kasɛ kɛdɔ nɛ kinyi nɛm.” “Pɔ no yuku Yerusalɛm nɛ wɔnɔ kɛdɔ kɛkasɛ, klɛ nɔ pɛ sɛ tɛ no bu lɔɛ pɔ nɛ anyɛa nɛ dzyosu kɛtɔkpu!”

Axwɛwɛwa 5:30

Bulɔa kalɛ Kpaya nɛ feke Yesu ebu nɛ bekpui shi, anɔ nɛ gɛ no yi ganɔ yɛ tɛkpɛkplasɔ nɛ osi shu.

Axwɛwɛwa 7:52

Kpaya atɔnu teli atɛ za di sɛ wɔnɔa kalɛ na dɛ kpatɔnɔɛ ede yi edi xãa? Be yi bagɛ eputɔ aɖɔ Banɔ Nɛna nɛ tɛbɛba nɛ tsyɛ. Klɛ ɔtsɔ̃ nɛ tsyɛ nɔ zɔ ga yɛesi klɛ no yi yɛ.

Romanɛ 2:12

Banɔ nɛ petee gɛ ba bhɛtɛ kɛgɛ ma ɔshã nɛ mɛ, ba ba lɛla nɛ ɔshã nɛm maza maza, klɛ banɔ petee gɛ ba bhɛtɛ buzizi nɛ ɔshã nɛesi, ɔshã nɛ obo kuluebhui nɛ balɛ.

Romanɛ 4:17

Anasɛ gɛ ba ŋlɔmɛ elu sɛ: “Ɛbhɛtɛ wɔ aka kɔ amadi gelee.” Yɛ enu bulɔ aka nɛ Kpaya amɛ, gɛ yɛa bha ayɛkɛaŋa— Kpaya nɛ gɛ aakɔ betsitsi nɛ ɛkpã klɛ eeklu kɛdɔ nɛ gɛ ma nɛ asɛ kɛ lɛ.

1 Tɛsolonianɛ 2:15

gɛ be yi Apalete Yesu anɛ batɔnu klɛ ba kɛka lɔ tsyɛ ebu eyinɔ. Be di ku Kpaya awɔ̃ klɛ ba yɛkɔ ebla nɛ anɔnyanɔ

1 Petro 1:2

gɛ be klu nɛ́ Kpaya Aka yɛ dɔdidi kpɛ otugba, ganɔ Ɔfufɔɛ nɛ kɛxwɛwɛwa nɛ shu dɛdanɛ kɔ batɔ tɛta Yesu Kristo klɛ nɛ yɛ dzyosu tɛtɛta balɛ: Kɛdɔkukɔ anɛ ishuyuyɔ dzi wɔnɔɛ yɛ nɛ tɛkpikpe mɛ.

1 Petro 1:20

Be klu yɛ flogo gɛ ba bhɛtɛ kanɔ, pɔ be bui yɛ akasɛ nɛ ewia gugɔɛa nɛ mɛ nɛ́ wũnɔɛ tɔkpu.

1 Petro 2:8

klɛ, “Kɛklãgbu gɛ kɛkɔ banɔ ba bakpatanɔ klɛ kɛklãgbu gɛ kɛ ba kɔ alɛ doboe.” Badɔ oboe alasɛ ba dɛ bhɛtɛ atrɔ kibui ɖɛɖɔ nɛabha—kɛlɛ tsyɛ kɛnu kɛ gɛ ba pɛɛ kɔ alɛ.

Yuɖa 1:4

Alasɛ banɔ teli gɛ be bu kɛpɔ pɛ ba ŋlɔmɛ kɛdɔ nɛ balɛ shu kukuku, ba ga tɛkpukpu mɛ ashɔku wɔnɔɛ shi. Be nu banɔ gɛ kpaya ama balɛ mɛ, gɛ be tsyina Kpaya ɛyamyuyɔ nɛ edzi kidzokukɔ kɔ azhuzhɔlɛbui bhɛbhɛtɛ klɛ ba dɛ yɛkɛ Yesu Kristo bulɔ Ishuahwɛzɛza anɛ Apalete terikpo.

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.