Axwɛwɛwa 2:22 - ONUGBÙ NYƐNYÃ VUVƆ

²² “Izraɛlanɛ mɔ, nɔ tatɔ kibui nɛ, Yesu Nazarɛtɛ eyi nɛɛ edzi anɔ gɛ Kpaya ebu kɔnɔ ganɔ ebui gɛ abhɛtɛ bi mɛ, ebui yiyinɔanɔ nɛ kɛdɔmumɔm gɛ Kpaya abhɛtɛ nɛ wɔnɔɛ shi ganɔ yɛa bha, ansɛ gɛ wɔnɔ nahwɛ no nyi.

Axwɛwɛwa 2:22 ပူးပေါင်းရင်းမြစ်များ

Mateo 12:28

Pɔ onu gɛ mɛ ɛkɛka ɛfufɔɛkpã ganɔ Kpaya Ɔfufɔɛ nɛa bha, kɛlɛ alɛ Kpaya bukusiɔŋakɔ nɛ ɔba wɔnɔa bha naa lɛlɛ.

Mateo 2:23

klɛ ada za ɔma toli gɛ bee kulu asɛ Nazarɛtɛ nɛm. Kana kɛda ba kɛlɛm anasɛ gɛ ba ɖɔɛ lɛ aganɔ batɔmu nɛa bha asɛ: “Be be kulu yɛ asɛ Nazarɛtɛeyi.”

Mateo 9:8

Gɛ banɔɛza nɛ ba mɔ ebuia nɛɛ, kɛ bhɛtɛ balɛ bi, klɛ ba kpɛ Kpaya nɛa bha, agɛ yɛ akɔ banɔ kabhaŋɛŋɛa nɛɛ di.

Luka 11:20

Pɔ onugɛ ɛ́kɛka ɛfufɔɛkpã nɛ Kpaya wɔɛ, kɛlɛalɛ Kpaya kusi bu tɛ́ ba kɔ nɔ.

Luka 18:37

Be tsre yɛ asɛ, “ Yesu gɛ ede Nazarɛtɛ yɛ afla.”

Luka 24:18

Balɛ mayɛ̃ teli, gɛ be kulu asɛ, Kleopasɛ, ebisi yɛ asɛ, “Wɔ terikpo ko wonu efu nɛ Yerusalɛm gɛ otinyi ebu gɛ la bɛlɛmɛ nɛ ɔkɛlɛ nɛ́ ewuia nɛ mɛ?”

Yohanɛsɛ 1:45

Filipo amɔ Nataniɛl klɛ etsre yɛ asɛ, “Bu mɔ anɔ gɛ yɛ shu Mose aŋlɔmɛ dɔ nɛ Ɛshã keplukpa nɛ mɛ, klɛ yɛ shu batɔnu tsyɛ aŋlɔmɛ—Yesu ede Nazarɛtɛ, Yosɛfu ye yi anyɛ.”

Yohanɛsɛ 10:37

Nɔ tɛ yɛkɛ mɛabhaŋa ɔdɔtɔnɔ sɛ ɛbhɛtɛ ebui gɛ mɛ Aka sɛ ɛbhɛtɛ.

Yohanɛsɛ 11:47

Ɔkɛlɛ kpayaɔzakɔanɔ gbla anɛ Farisianɛ be kulu kɛtɔkpu tsyɛtsya nɛ Bamani. Be bisi asɛ “Kide lɔ ba bhɛtɛ?” “Anyɛ nɛ abhɛtɛ ebuiyinɔanɔ gelee.

Yohanɛsɛ 12:17

Ɔtsɔ̃nɛ banɔɛza nɛ gɛ baza yɛ ɔbha gɛ eklu Lazarus denɔ odzre nɛ mɛ klɛ anyɛmɛ yɛ edenɔ bekpuimɛ, ba za lɛabha nyɔnɛ kibui petee.

Yohanɛsɛ 15:24

Ɔtɔsɛ ɛdɛ bhɛtɛ nɛ balɛ shi kɛ gɛ anɔ teli adɛ bhɛtɛ, batɛ ba bu alɛ pɔ kɔ buzizi. Pɔ ɔtsɔnɛ ba mɔ ebuiyinɔanɔ anɛ, klɛ tsyɛ be gu bulɔ tɛabha mɛ nɛ ma Aka.

Yohanɛsɛ 19:19

Pilatio aŋlɔmɛ kɛdɔ ata butsiosi nɛ shu. Kɛlɛ tɛkɛkla nɛ ɖɔ sɛ: Yesu Nazarɛtɛeyi, Yuɖanɛ Ekusi.

Yohanɛsɛ 3:2

Aba Yesu ɔbha elishi teli klɛ aɖɔ sɛ, “Rabbi, bunyi sɛ wɔnu adɔkasɛ gɛ ede Kpaya kɔ. Alasɛ anɔnyanɔ atɛ bana ebuiyinɔanɔ kɛdɔmumɔ nɛ gɛ ɔbhɛtɛ nɛ abhɛtɛ, onugɛ Kpaya ama plɛnɔ yɛ.”

Yohanɛsɛ 4:48

Yesu etsre ye asɛ, “Odi nu sɛ nɔ mɔ ebui nɛ gɛ eyinɔanɔ anɛ ebui gɛ abhɛtɛbi, nɔ tɛ bɔ yɛkɛŋa.”

Yohanɛsɛ 5:36

“Ɛyɛkɛ kibuiɖɛɖɔ gɛ kɛlupudɛ Yohanɛsɛ yɛ. Alasɛ kɛxwɛ nɛ tututu gɛ Aka nakɔ mɛ sɛ tɛ ɛwa beke, klɛ mɛ ɛwa, kɛkasɛ sɛ Aka nɛ yɛ akpɛ mɛ.

Yohanɛsɛ 6:14

Kɛlɛe de gɛ banɔ nɛ amɔ ebui gɛ eyinɔ anɔ gɛ Yesu abhɛtɛ, betenɛ kaɖɔ ɖɔ sɛ, “Kɛgbɛagba yɛ nu Atɔnu gɛ aba ba kanɔ nɛ mɛ.”

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

Yohanɛsɛ 7:31

Tsyɛ, banɔ gelee ba za yɛkɛ yɛabhaŋa. Ba ɖɔ asɛ, “Kɛbenɔ nɛgɛ Kristo aba, aba bhɛtɛ ebuiyinɔanɔ dɔ dɛ anyɛa nɛ?”

Yohanɛsɛ 9:33

Onugɛ anyɛanɛ edide Kpaya kɔ, atɛ ba na kɛdɔnyɛdɔ bhɛtɛ.”

Axwɛwɛwa 13:16

Gɛ Paolo alɔ kititi nɛɛ, ebu ɔhwɛ klɛ aɖɔ asɛ: “Izraɛlanɛ mɔ nɛ wɔnɔa gɛ odi nu Yuɖanɛ gɛ nɔ kpɛ kɛtɔkpuesi kɔ Kpaya, nɔ ta matɔ tɛ no nu!

Axwɛwɛwa 14:27

Nɛ balɛ ɔkɛlɛ tɛkuku mɛ, be klu basɔlɛha nɛ exogo klɛ ba ɖɔ etsrea lɛ ebui nɛ petee gɛ Kpaya abhɛtɛ ganɔ balɛa bha nɛ kana gɛ adanɛ tɛyɛyɛkɛŋa kidzo akɔ bagɛ be di nu Yuɖanɛ.

Axwɛwɛwa 2:19

Ɛba bhɛtɛ ebui gɛ eyinɔanɔ nɛ owũsise anɛ kabha nɛ ebuimumɔ nɛ kesukpa nɛa bha nɛ kesi, dzyosu nɛ kifu nɛ ɛgba gɛ bu ɔnyɔ.

Axwɛwɛwa 2:43

Anɔnyanɔ eyuku nɛ kifu, klɛ banɔkpɛkpɛ na bhɛtɛ ebui yiyinɔanɔ anɛ ebuimumɔ gelee.

Axwɛwɛwa 21:28

nɛ igugu kpɛkpɛ sɛ, “Izraɛl banyɛ mɔ, nɔ plɛnɔ lɔ mɔ! Anyɛ nɛ gɛ akasɛ anɔnyanɔ kɛdɔ nɛ ɔkɔnyɔkɔ akɔ lɔ kititi nɛ blɔ nɛ blɔ ɛshã nɛ shu nɛ ɔkɛ̃ nɛ petee nɛ naa. Klɛ nɛ klɛede nɛɛ, agbanɔ Grikanɛ ayɛkɔ amɛna blɔ busɔlɛvu nɛm gɛ kinu ogu kpɛkpɛ blɔ buvu nɛm kɔlɔ.”

Axwɛwɛwa 22:8

Ebisi sɛ, “ ‘Wɔ onu ane, Apalete?’ Ebui lɛ nu asɛ, “ ‘Mɛ nu Yesu Nazarɛtɛ eyi, nɛ gɛ ɔkpatɔnɔ.’

Axwɛwɛwa 24:5

“Bɔ ba mɔ sɛ anyɛa nɛɛ enu anɔ gɛ akpɛ bunuhu, akpɛ ozi nɛ Yuɖanɛ nɛ kishi kana kanɔm petee. Enu otugbanɔ kɔ Nazarɛtɛanɛ ɔshɛ

Axwɛwɛwa 26:26

Ekusigbla nɛ enyi ebuia nɛ di mɔɔ mɔ, klɛ ɛba na kaɖɔ ɖɔ tsre yɛ bɔbɔɛ bɔɛ. Ɛyɛkɛŋa sɛ kɛkanyaka dɛ gba yɛ kide sɛ adɛ mɔ klɛ, alasɛ ganɛ okpukpukɔ la bhɛtɛ alɛ.

Axwɛwɛwa 26:9

“Mɛ nahwɛ tsyɛ ba nu klɛm sɛ alasɛ tɛ ɛbhɛtɛ kɛdɔnyɛdɔ gɛ ba bɛɛ lɛm sɛ tɛ ɛyɛkɔ lɔ kititi nɛ Yesu Nazarɛtɛ eyi nɛ kinyi shu.

Axwɛwɛwa 3:12

Gɛ Petro amɔ kibui, etsre balɛ asɛ, “Izraɛlanɛ mɔ, kide so pɛ kibui nɛ bhɛtɛ wɔnɔɛ bi? Kide pɛ noo yele lɔ ansɛ kɛdɔ gɛ bulɔ nahwɛ kemim ɔdɔgɔsɛ ɔfufɔɛ mɛzɛza nu lɔ yɛkɔ bhɛtɛ anyɛ nɛ pɛ aga?

Axwɛwɛwa 3:6

Petro efeke aɖɔ asɛ, “Sɛkafufu ɔdɔgɔsɛ adzɛdzã ama mahwɛ, pɔ kɛgɛ lɛ mahwɛ nɛ mɛ ɛba kɔ wɔ. Nɛ Yesu Kristo Nazarɛtɛ eyi nɛ kinyi mɛ, lɔ ga.”

Axwɛwɛwa 4:10

klɛalɛ no ti kibui, wɔnɔ nɛ Izraɛlanɛ nɛ petee ɔsɛ, Yesu Kristo Nazarɛtɛ eyi, gɛ nɔ kplasɔ flogo pɛ Kpaya aba nyɛmɛ yɛ edenɔ betsitsi nɛ shi, yɛ kinyim anyɛa nɛ gɛ eli wɔnɔ amɛ nɛ aga pɛ eebeke banya.

Axwɛwɛwa 5:35

Ɛklɛa ɖɔ kaɖɔ etsre banɔ na sɛ, “Izraɛlanɛ mɔ, no lu awɔ̃ nɛ kɛdɔnɔ nɛ gɛ nɔ pɛɔ sɛ tɛ nɔ bhɛtɛ nɛ banɔa.

Axwɛwɛwa 6:14

Alasɛ bunu gɛ aɖɔ sɛ Yesu Nazarɛtɛ eyia nɛ aba yɛ ɔkɛ̃ klɛ ebe tsyina Mose begu nɛ petee gɛ ashɛ̃nahwɛ elu kɔ lɔ.”

2 Kɔrintioanɛ 12:12

Kɛdɔ nɛ gɛ kɛ kasɛ sɛ akpɛkpɛ—kɛdɔmumɔ bhɛbhɛtɛ bi, anɛ̀ ebuiyinɔanɔ—ba bhɛtɛ nɛ wunɔɛ mɛ nɛ̀ tɛbhɛbhɛtɛ gbɛgbla.

Hebriuanɛ 2:4

Kpaya tsyɛ ebuilɛ akasɛ nɛ ebuimumɔ, kifuebui anɛ ebuiyinɔanɔ ediedi, anɛ kɛdɔ kukɔ denɔ Ɔfufɔɛ Dzyɔgo nɛ dɔ yɛyakɔ anɔ nɛ yɛ tɛpɛpɛɛ.