Axwɛwɛwa 2:20 - ONUGBÙ NYƐNYÃ VUVƆ

²⁰ Kiwi nɛ ba tsyina dzi otumu klɛ wele ebe tsyina dzyi dzyosu flogo pɛ Apalete anɛ bugbɛgbla nɛ ishudɛdanɛ kiwi nɛ ba ba.

Axwɛwɛwa 2:20 ပူးပေါင်းရင်းမြစ်များ

Mateo 24:29

“Nɛ ewi tsutsɔmɔa lɛ nɛe de ko, “ ‘kiwi nɛ ba dɔ otumu, klɛ wele nɛ atɛa tã; awɛ̃wɛ̃ nɛ aba wɔlɛ denɔ kɛlɛɛ mɛ, klɛ owũsise banɔ nɛ aba hwa.’

Mateo 27:45

Denɔ ɛɖa lɔfɔntɛbha mɛ ɔdɔ nanɔ ɔtramɛ nɛ mɛ otumu ɔdɔ nɛ kesukpa nɛa bha petee.

Marko 13:24

“Pɔ nɛ ewi alɛlɛ nɛ mɛ, nɛ butɔ lɛlɛ nɛe de, “ ‘kiwi nɛ ba dɔ otumu, klɛ wele tsyɛ atɛ ba tã;

Luka 21:25

“Kɛdɔmumɔ ba wɔɛ̃ nɛ kiwui, woele anɛ awũwɔɛ nɛ amɛ. Nɛ kesukpa nɛabha, amadi nɛ aba za butɔ anɛ bufutsufutsu mɛ nɛ aƒu nɛ tɛtutɔkɔ anɛ tɛhuhwa mɛ.

Axwɛwɛwa 2:19

Ɛba bhɛtɛ ebui gɛ eyinɔanɔ nɛ owũsise anɛ kabha nɛ ebuimumɔ nɛ kesukpa nɛa bha nɛ kesi, dzyosu nɛ kifu nɛ ɛgba gɛ bu ɔnyɔ.

Axwɛwɛwa 2:21

Klɛ anɔnyanɔɛ di gɛ ekulu Apalete nɛ kinyi nɛɛ be be bui.’

1 Kɔrintioanɛ 5:5

nɔ yɛ kɔ anɔa nɛ ɔkpɛ ahwɛ kɔ Satana, tɛ ezi yɛ ebui zizi bhɛbhɛtɛ, se tɛ be bhui yɛ ɔfufɔɛ nɛ ayɛkɛ nɛ Apalete nɛ kiwui nɛabha.

1 Tɛsolonianɛ 5:2

alasɛ no nyi mɔmɔ sɛ Apalete nɛ kiwi nɛ baa ba ansɛ ezi nɛ elishi mɛ.

2 Petro 3:10

Pɔ Apalete nɛ wui kɛba ba anasɛ ezi. Owũsise nɛ ɔbɔ lɛla nɛ ogugu dzyɛɛ, ɔlɛmɛ dɔnyɛdɔ kifu batã ezi lɛ, klɛ kesukpa klɛ kɛdɔnyɛdɔ nɛ kalɛmɛ kɛ tɛaza.

2 Petro 3:7

Nɛ kibui lɛlɛ nɛ ke ɔtsɔ̀nɛ owũsise anɛ kesukpa ba gɔ alɛ lu kɔ kifu, be lui lɛ kɔ kebhuikuklu kiwui nɛ̀ kɛlɛ tɛzizi kɔ banɔ nɛ gɛ ba dɛ yɛkɛ kpayabhaŋa.

Tɛbubukasɛ 16:8

Kpayaxwɛdɛ lɛlɛ̃mɛ nɛ abalɛ yɛ kesugba nɛ atrɔ kiwi nɛa bha, klɛ kɛ kɔ kiwi nɛ kemi sɛ tɛ kɛ tã banɔ ansɛ kifu.

Tɛbubukasɛ 6:12

Idi gɛ adanɛ adɛda hlomi. Kesukpa kahwa gɛganɛ. Kiwi nɛ kitsyina tututu ansɛ kɛpɔtɛtutu gɛ be yu nɛ epidzya tɛka, wele nɛ petee etsyina dzã dzyosu tɛdzɛdzã,