Axwɛwɛwa 19:13 - ONUGBÙ NYƐNYÃ VUVƆ

¹³ Yuɖanɛ teli gɛ ba ga fla sɛ ba kɛka ɛfufɔɛkpã ebu na pɛ sɛ tɛ be ze klu Apalete Yesu kinyi akpɛ ba gɛ ɛfufɔɛkpã tsri alɛa bha. Klɛ ba ɖɔ sɛ, “Nɛ Yesu nɛ gɛ yɛ kinyim Paolo aɖɔ Kpaya kibui, ɛtsre wɔ sɛ fla okoeyi.”

Axwɛwɛwa 19:13 ပူးပေါင်းရင်းမြစ်များ

Mateo 12:27

Klɛ onu gɛ ɛkɛka ɛfufɔɛkpã ganɔ ɛfufɔɛkpãkusia bha, anea bha wɔnɔ banɔ nɛ xũ na ga kɛka ɛlɛ obu? So ɔtsɔ̃, balɛ ebe dzi wɔnɔ bebhuikulu.

Mateo 26:63

Pɔ Yesu adɛ fɔɛ nɛ alɛ. Kpayaɔzakɔanɔ nɛ etsre yɛ asɛ, “Ɛka atabu nɛ ɛkpã Kpaya nɛ nyi mɛ kɔ wɔ sɛ, Tsre lɔ onu gɛ wo nu Kristo, Kpaya yɛ Eyi.”

Marko 5:7

Akpɛ ogugu gɛganɛɛ asɛ, “Yesu, Apaletedɛ nɛ yɛ Eyi, kɛdee wɔ pɛɛ denɔ mɛ ɔkɔ? Tanɛ Kpaya sɛ ɔtɛ bɔ bhɛtɛ mɛ kibui kpã!”

Marko 9:38

Yohanɛsɛ aɖɔ asɛ, “Adɔkasɛ,” “Bu mɔ anyɛ teli gɛ akɛka ɛfufɔɛkpã nɛ wɔ kinyi mɛ klɛ bu tsre yɛ sɛ ataa bhɛtɛ, alasɛ edi nu blɔmɛayɛ teli.”

Luka 11:19

Ɔtsɔnɛ onugɛ ɛyɛkɔ Beelzebub ɛkɛka ɛfufɔɛ kpã bu nɔ, bagɛ balɛ wunɔe de kide bayɛkɔ akɛka ɛfufɔɛkpã nɛ ebu koeyi nɔ? So nɛ ɔkɛlɛ ba bedzi wunɔ bebhuiklu.

Luka 9:49

Yohanɛsɛ aɖɔ sɛ, “Apalete, bu mɔ anɔteli gɛ akɛka ɛfufɔɛ zizi nɛ wɔɛ nyi mɛ klɛ bu pɛɛ sɛ tɛ budzrɔ nɛ yɛ, alasɛ edɛ nu blɔ mayɛ teli.”

Axwɛwɛwa 19:14

Seva gɛ enu Yuɖanɛ Kpayanɔ yɛeyialɛ tiegene teli bala wa kɛxwɛ lɛ.

2 Kɔrintioanɛ 11:4

Alasɛ onugɛ anɔteli aba wunɔ kɔ klɛ aba ɖɔaɖɔ denɔ Yesu teli shu ɔyɛkɔ dɛ Yesu nɛ gɛ yɛ shuibui lɔ ɖɔ, ɔdɔgɔsɛ onugɛ nɔ yɛkɛ ɔfufɔɛ bhlatɔ toli ɔyɛkɔ dɛ ɔgɛ ɔlɛ nɔ yɛkɛ, ɔdɔgɔsɛ kibui dzyɔgo bhlatɔ gɛ ga ɔtɔ nɛ kɛgɛ nɔ yɛkɛ nɛ shu, wɔnɔ nɔ yɛkɔɛ lɛ bhɔnɔ mɔmɔ.