Axwɛwɛwa 18:5 - ONUGBÙ NYƐNYÃ VUVƆ

⁵ Gɛ Silas anɛ Timotio ede Makedonia aba, Paolo ayɛkɔ kibuinɛ tɛɖuɖɔ atrɔ shu, klɛ ebu akasɛ Yuɖanɛ na sɛ Yesu yɛ enu Kristo.

Axwɛwɛwa 18:5 ပူးပေါင်းရင်းမြစ်များ

Luka 12:50

Pɔ bunikpɛkpɛ lɛ sɛ tɛ ɛyɛkɛ, klɛ kɛtrɔ mɛabha ɔdɔtɔnɔ kibelɛlɛ mɛ gɛ ɛyɛkɛ lɛ beke!

Luka 16:28

alasɛ badzya tieti ba lɛ mɛ ahwɛ. Kɔ yɛ akpɛ balɛ ɔshã, sɛ tɛ balɛ tsyɛ batɛ ba ba butɔ ɔzakɔ nɛ.’

Yohanɛsɛ 1:41

Kibui tɛtɔpu gɛ Andrɛasɛ abhɛtɛ klɛ nu sɛ, tɛ apɛɛ yadzya Simɔn klɛ etsre ye asɛ, “Bu mɔ Mezaya” (ye nu, Kristo).

Yohanɛsɛ 10:24

Yuɖanɛ ba za kana yɛ, klɛ ba ɖɔ sɛ, “Kɛlɛ dze ɔpɛɛ sɛ tɛ lɛ dze flogo tɛ obu lɔ nɛ sasuma nɛ mɛ? Onugɛ wɔ nu Kristo tsre lɔ wee.”

Yohanɛsɛ 15:27

Klɛ wunɔ tsyɛ tɛ nɔ bɔ ɖɔaɖɔ denɔ mɛ shu, alasɛ nɔ lɛ mɛ ɔbha denɔ kesikpɛkpɛ.

Yohanɛsɛ 3:28

Ɛnɔ nahwɛ nɔ bɔ na kaɖɔ ɖɔ sɛ, ‘Anɛ mɛ nu Kristo nɛ pɔ ba kpɛ mɛ asɛ iputɔ kɔ yɛ.’

Axwɛwɛwa 10:42

Akpɛ blɔ sɛ tɛ buɖɔ yɛ kibui nɛ tsre banɔ tɛ bu bu kasɛa lɛ sɛ yɛ enu anɔ nɛ gɛ Kpaya akɔ sɛ tɛ eklu kebhui nɛ baga lɛ nɛ ɛkpã anɛ be tsitsi.

Axwɛwɛwa 15:22

Ɔkɛlɛ Yesu Banɔkpɛkpɛ nɛ beshishe, busɔlɛ nɛ petee, ba trɔ sɛ be be bu balɛ nahwɛ mɛ banɔ tɛ ba sɛsɛ alɛ nɛ Antiɔkɛ ɔyɛkɔ plɛnɔ Paolo nɛ Banabasɛ. Be bu Yuɖas (gɛ be klua sɛ Basabbasɛ) nɛ Silasɛ, gɛ be dzi bagbɛgbanɔ nɛ ɔha nɛ shi.

Axwɛwɛwa 16:1

Paolo ebe ku Dɛbi klɛ afla vɛ Listra, ɔkɛlɛ adɔkpasɛ teli gɛ be klua sɛ Timotio aza, yɛeni edzi Yuɖadzi teli gɛ ayɛkɛaŋa, pɔ yaka nɛ edzi Grikieyi teli.

Axwɛwɛwa 16:12

Denɔ ɔkɛlɛ klɛ bu ga kidzo da ku Filipi, gɛ akpasɛ Romanɛe si klɛ enu ɔmagbla gɛ lo putɔ kɔ ɛma nɛ Makedonia kɛdɔ nɛm. Klɛ buza ɔkɛlɛ ewi gelee.

Axwɛwɛwa 16:9

Nɛ elishi nɛ mɛ Paolo amɔ Makedonia anyɛ teli nɛ kɛdɔmumɔm gɛ eli kititi nɛ yɛa mɛ klɛ akɔ yɛ kɛtɔkpu sɛ, “Ba Makedonia tɛ ɔbɔ plɛnɔ lɔ.”

Axwɛwɛwa 17:3

klɛ eebu kibuiesi aatrɔ kɛlɛa bha asɛ Kristo nɛɛ alasɛ tɛ aba mɔ butɔ tɛ anyɛmɛ edenɔ betsitsi nɛ kishi. Ɛklɛ Paolo aɖɔ sɛ, “Yesua nɛ gɛ yɛ kibui mɛ ɖɔ nɛ yɛenu Kristo.”

Axwɛwɛwa 18:28

Alasɛ nɛ adɛ da dɛmɛ atrɔ Yuɖanɛ nɛ ɔmashi kaɖɔ nɛa bha, nɛ klɛ mɛ nɛ ebu akasɛ denɔ kibui ŋuŋlɔmɛ nɛ mɛ akɔalɛ asɛ Yesu yɛ dzi Kristo.

Axwɛwɛwa 2:36

“Kɛlɛso kɔ Izraɛl petee aza kidzoenu didi mɛ sɛ, Kpaya atɛ bhɛtɛ Yesua nɛ, gɛ nɔ kplasɔ, nɛ Apalete anɛ Kristo.”

Axwɛwɛwa 20:21

Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

Axwɛwɛwa 20:23

Inyi ko sɛ nɛ ɔmagbla kanyaka mɛ Ɔfufɔɛ Dzyɔgo nɔ ɔɔkɔ mɛ iti sɛ buvuzɛza anɛ butɔ gɛganɛɛ lɛ kɔm.

Axwɛwɛwa 20:24

Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

Axwɛwɛwa 4:20

Alasɛ kɛdɔnɔ nɛ gɛ bu mɔ pɛ bu nu bɔ tɛ ba na klɛ shui bui ɖuɖɔ zɛkɔyɛlɔ.”

Axwɛwɛwa 9:22

Tsyɛ Saolo bushe ko eshe nɛ kemim klɛ yɛ tɛbhɛbhɛtɛ nɛ bhɛtɛ Yuɖanɛ nɛ gɛ ba lɛ Damaskosɛ nɛ kibi sɛ edzi bu akasɛ asɛ Yesu yɛ enu Kristo.

2 Kɔrintioanɛ 1:19

Alasɛ Kpaya yɛ Yi, Yesu Kristo, gɛ yɛ bui mɛ nɛ Silas anɛ Timotio bu ɖɔ nɛ wunɔ shi, kɛ dɛ nu “Ee” nɛ “Oo,” pɔ nɛ yɛ mɛ kɛbenyɛbe kɛnu “Ee.”

2 Kɔrintioanɛ 11:9

Klɛ kibelɛlɛ gɛ ɛza wunɔ bha klɛ ɛpɛɛ kedɔ tili, ɛdɛ dzi kituku kɔ anɔnyanɔ, alasɛ badzya gɛ be de Makedonia ba kɔ mɛ kɛdɔnɔ nɛ gɛ ɛpɛɛ. Ɛbu mɛshu sɛ ɛtɛ dzi kituku kɔ nɔ nɛ kidzo nyɛdzo abha, klɛ ɛba za lɛabha zɛ bhɛtɛ lɛ ana.

2 Kɔrintioanɛ 5:14

Alasɛ Kristo tɛdɛdɛmɛnɔ nɛ ŋa lɔabha, alasɛ bu yɛkɛ lɛabhaŋa sɛ anɔ terikpo yɛ tsi nɛ banɔ gelee tɔkpu, klɛ nɛlɛso balɛ petee tsi.

Filipianɛ 1:23

Ɛwɔ kɛdɔ tɛbha nɛ shi: Ɛpɛɛ sɛ tɛ ɛshɛ klɛ tɛ ɛvɛ da za Kristo ɔbha, gɛ kɛlɛ lɛ nɛ pɛ̃ kɔ mɛ dɛ;

1 Tɛsolonianɛ 3:2

Bu kpɛ Timotio, gɛ enu bulɔadzya nɛ Kpaya axwɛwa bhla nɛ Kristoebui nɛ tɛkɛkɛka mɛ, tɛ abhɛtɛ nɔ tɛ nɔ gɛganɛ tɛ akpɛ nɔ kemi nɛ nɔ tɛyɛyɛkɛŋa nɛ mɛ,

1 Tɛsolonianɛ 3:6

Pɔ otsiko Timotio ede nɔ bha ebe ku bulɔ bha klɛ amɛna kibui dzyɔgo edenɔ wɔnɔ tɛyɛyɛkɛŋa anɛ tɛɖuɖɔ shu. Eti tsre lɔ asɛ nɔɔ baka lɔ bui mɔmɔ kibenyɛbe klɛ nɔ pɛ sɛ tɛ nɔ mɔ lɔ, ansɛ gɛ bulɔ tsyɛ pɛ sɛ tɛ bu mɔ nɔ.

1 Petro 5:12

Nɛ̀ tɛpɛplɛnɔ denɔ Silas kɔ, agɛ ɛyɛkɔ kɛlɛ anasɛ tɛyɛyɛkɛŋa adzya, ɛtɛ ŋlɔmɛ sɛsɛnɔ gugunu, ɛkpɛ nɔ kemi klɛ mɛ ɖɔ sɛ kɛnɛ kɛlɛnu Kpaya ɛyɛmɛyuyɔ gbɛagba. Nɔ za lɛ mɛ gɛganɛ.