Axwɛwɛwa 18:21 - ONUGBÙ NYƐNYÃ VUVƆ

²¹ Pɔ gɛ asa shɛ nɛɛ, aɖɔ elu asɛ, “Ɛzɛ ba ba onu gɛ Kpaya adɛmɛ.” Ɛklɛ atɔnɔ keniabha dzo edenɔ Efesos.

Axwɛwɛwa 18:21 ပူးပေါင်းရင်းမြစ်များ

Mateo 26:39

Gɛ aza ga vɛ otugba kɛbɔɛ, awɔlɛ adɔ klɛ ayɛkɔ amɛnɛmɛ ekumuesi klɛ ekulukpaya sɛ, “Maka, onu gɛ kɛɛ ba za tɛbhɛbhɛtɛ mɛ, kɛlɛ tɛ ɔkɔ kantsea nɛ kafla mɛ nu. Pɔ ganɛ kana gɛ mɛ ɛpɛɛ, kana gɛ wɔ ɔpɛɛ kɛlɛ ba ba kɛlɛ mɛ.”

Marko 6:46

Gɛ Yesu ashɛ̃ nɛ balɛ ɔbha, ewu avɛ butu tulia bha kɔ kpayakuklu.

Luka 9:61

Anɔ bhlatɔ tsyɛ ke aɖɔ sɛ, “Ɛba za wɔɛ de, Apalete, pɔ putɔnɔ kɔ mɛ tsodzi vɛ tɛ ɛda tsre mɛ beshopo sɛ ɛvɛ tɛ ɛba.”

Axwɛwɛwa 15:29

Alasɛ tɛ nɔ shɛnɔ ahwɛ nɛ kɛŋɛŋa nɛ gɛ ba yɛkɔ akɔ ibuidi nɛ shu, dzyosu, anɛ baga nɛ gɛ be dzyini balɛ ili nɛ kɛdzya, anɛ aglɔbui bhɛbhɛtɛ shu. Nɔ bɔ bhɛtɛ mɔ sɛ tɛ nɔ shɛnahwɛ ebuianɛ shu. Tɛ nɔ za mɔ.

Axwɛwɛwa 18:19

Be de ku Efesos, ɛklɛ Paolo yɛ ashɛ̃ ayɛlɔ Prisilla anɛ Akuila. Yɛ nahwɛ nɛ ede tsoku oxogokɔvu nɛm klɛ ada nyɛna ebui teli edi nɛ Yuɖanɛ.

Axwɛwɛwa 18:20

Gɛ be bisi sɛ tɛ efle zi kibe bɔɛ adɛa na nɛ balɛ ɔbha nɛ adɛ dɛmɛ.

Axwɛwɛwa 18:24

Nɛ kibe lɛlɛ nɛ mɛ nɛ Yuɖaeyi teli gɛ be klu asɛ Apollosɛ, gɛ ede Alɛxandria, nɛ ebe ku Efesos. Edzi anɔ gɛ akpasɛdɔ, nɛ kibuititi denɔ Kpayɛbui ŋuŋlɔmɛ nɛ shu mɔɔ mɔ.

Axwɛwɛwa 19:1

Nɛ kibe lɛ nɛ gɛ Apollosɛ aza Kɔrintio, Paolo xũ na da ga kɛmɛ mɛ kidzo klɛ ede ku Efeso. Ɛkɛlɛ nɛ atsyanɔ badɔkpasɛ teli

Axwɛwɛwa 19:17

Gɛ Yuɖanɛ anɛ Grikanɛ nɛ ga lɛ Efesos nɛ be nu kibui nɛɛ, kifu kua lɛ, so nɛ Apalete Yesu kinyi ba ba kpɛ lɛ nɛ kabha.

Axwɛwɛwa 19:21

Nɛ anɛ nɛ petee tɛbɛba kede nɛɛ, Paolo aba trɔa sɛ aba shɛ avɛ Yerusalɛm aganɔ Makedonia anɛ Atsyaia. Klɛ aɖɔ sɛ, “Onu gɛ ɛda ku ɔklɛ nɛɛ, alasɛ tɛ ɛvɛ Roma tsyɛ.”

Axwɛwɛwa 20:16

Paolo atɛ trɔ sɛ aba za kenia bha opupum ada fla Efesos sɛ tɛ ete de zi kibe nɛ Asia kɛdɔ nɛm, alasɛ anawɔ̃ sɛ tɛ ede ku Yerusalɛm, onu gɛ kɛ ba dɔ nɛ Pentekoste kiwi nɛa bha.

Axwɛwɛwa 21:14

Gɛ bu mɔ sɛ bu tɛ bana yɛ tɛtutrɔ nɛ tsyina so, bu kɔ kɛtɔkpu klɛ lɔ ɖɔ sɛ, “Ba ba bhɛtɛ kɛgɛ klɛ Apalete nɛ adɛmɛ.”

Axwɛwɛwa 21:29

(Batɛ mɔ Trofimusɛ gɛ enu Efesoeyi anɛ Paolo aba flanɔ nɛ ɔmagbla nɛm, klɛ ba yɛkɛ aŋa sɛ Paolo ya gbanɔ yɛ amɛna busɔlɛvu nɛ kibe.)

Romanɛ 1:10

nɛ mɛ kpayakuklum anɛ kibenyɛbe mɛ; klɛ mɛ bisi ɔtsɔ̃ nɛ gɔgɔɛ mɛ ganɔ Kpaya tɛ dɛdɛmɛ mɛ tɛ kidzo danɛ kɔm sɛ tɛ ɛba wɔnɔ kɔ.

Romanɛ 15:32

sɛ tɛɛ nɛ Kpaya tɛdɛdɛmɛ nu ɛba nanɛ wɔnɔ nɛ same tɛ nɛ tɛxuxogo mɛ nɛ nɔ bu yɛkɛ kɛlɛɛ.

1 Kɔrintioanɛ 15:32

Onugɛ ɛgɔnɛ nɛ agavuga nɛ Efeso nɛ anɔdzyrame kibui nu so, kide mɛ mɔ nɛ kɛlɛ mɛ? Onugɛ ba dɛ nyɛmɛ be tsitsi, “Nɔ kɔlɔ ŋa tɛ bu wɔɛ̃ dɔ, alasɛ kivu bu ba tsi.”

1 Kɔrintioanɛ 16:7

Ɛdɛ pɛɛ sɛ tɛ ɛmɔ nɔ ɔtsɔ̃nɛ klɛ tɛ ɛga wunɔ bha fla ko. Ɛtrɔ sɛ tɛ ɛza kibe gelee nɛ wunɔ bha, onugɛ Apalete akɔɛ dzo.

1 Kɔrintioanɛ 16:8

Pɔ ɛba za Efeso ɔdɔtɔnɔ Kɛdɔtsitsu kiwuiŋɛŋa nɛ tɛbɛba,

1 Kɔrintioanɛ 4:19

Pɔ ɛba ba wunɔ bha kpata, onugɛ Apalete nɛ adɛmɛ, klɛ ɔkɛlɛ ɛba ba pɛɛ anɛ kana gɛ ba gɛ be fekeshu nɛ kaɖɔɖuɖɔ tite ko, pɔ sɛ tɛ ba pɛɛ bupu nɛ gɛ bulɛ balɛ ahwɛ.

2 Kɔrintioanɛ 13:11

Gugɔɛ, badzya, nɔ za mɔ. Nɔ za ɛkpã dzyɔgo, nɔ nu mɛ ebui nɛ gɛ ɛkpɛ nɔ kɔ, nɔ za nɛ kɛtɔkpui mɛ terikpo, nɔ za nɛ ishuyuyɔ mɛ. Klɛ Kpaya tɛdɛdɛmɛnɔ anɛ ishuyuyɔ lɛ ba za plɛnɛ nɔ.

Efesoanɛ 1:1

Mɛ Paolo, Kristo Yesu anɔkpɛkpɛ ganɔ Kpaya tɛpɛpɛɛ mɛ. Kɔ kpayabanɔ nɛ̀ Efesosɛ, bagɛ tɛyɛkɛŋa lɛ balɛ ahwɛ nɛ Kristo Yesu mɛ:

Hebriuanɛ 6:3

Klɛ onugɛ Kpaya adɛmɛ, bu babhɛtɛ ana.

Yakobo 4:15

Analo, alasɛ tɛ nɔ ɖɔ sɛ, “Onu gɛ kii nu Apalete nɛ tɛpɛpɛɛ, bu ba za nɛ ɛkpã klɛ bu ba bhɛtɛ kɛɛ nɛ ɔdɔgɔsɛ kɛɛ nɛ.”

1 Petro 3:17

Kɛ pɛ̃ndɛ, onugɛ ki nu Kpaya tɛpɛpɛɛ, sɛ nɔ mɔ butɔ kɔ kɛdzyɔgo bhɛbhɛtɛ dɛ sɛ kizizi bhɛbhɛtɛ.

Tɛbubukasɛ 1:11

gɛ kaa ɖɔ sɛ, “Ŋlɔmɛ kɛdɔnɔ nɛ gɛ ɔmɔ nɛ ɔtrɔ keplukpa bha tɛ ɔyɛkɔ sɛsɛ basɔlɛha tigene: Efesusɛ, Simina, Pɛgamum, Taɛtira, Saɖisɛ, Filadelfia anɛ Laoɖisea.”

Tɛbubukasɛ 2:1

“Kɔ kpayaxwɛdɛ nɛ Efesusɛ busɔlɛɔha nɛ mɛ ɔsɛ: Ebui ɖuɖɔa nɛ alɛ nu agɛ evunɔ awɛ̃wɛ̃ tegene nɛ yɛ kɛŋa ɔhwɔɛ nɛ mɛ klɛ aaga fla nɛ sɛkadzɛdzã kanɛgbɛsi tigene nɛ shi sɛ: