Axwɛwɛwa 18:18 - ONUGBÙ NYƐNYÃ VUVƆ

¹⁸ Paolo adzrɔ bɔɛ nɛ Kɔrintio. Klɛe de aba shɛ alɔ badzya klɛ aza kenia bha avɛ Siria, Prisilla anɛ Akuila tsya plɛnɔ yɛ avɛ. Flogo tɛ aba za keni nɛa bha ashɛ̃ nɛ, akɔ la tsɛ yɛ kɛtɔkpu nɛ akɔɛ nɛ Sentsyria akpɛ atabu teli gɛ aka so.

Axwɛwɛwa 18:18 ပူးပေါင်းရင်းမြစ်များ

Mateo 4:24

Be nu yɛ dɔ akana Siria petee, klɛ banɔa gbanɔ balɛ banyɛnya edidedi amɛna yɛ, banɔ teli nɛ ishutɛtã, beteli ɛfufɔɛkpã vua lɛ, beteli baa wɔlɛ ebho, klɛ beteli bagba klɛ ebeke balɛ banya nɛ petee.

Marko 6:46

Gɛ Yesu ashɛ̃ nɛ balɛ ɔbha, ewu avɛ butu tulia bha kɔ kpayakuklu.

Axwɛwɛwa 1:15

Nɛ ewi alɛlɛ nɛm nɛɛ Petro alɔ kititi nɛ bagɛ bayɛkɛaŋa nɛ shi, (banɔ gɛ balɛ tɛkpɛkpem ba za ansɛ kɛfɔɛfɔ nɛ afɛtabha)

Axwɛwɛwa 15:23

Ɔyɛkɔ plɛnɔa lɛ ba sɛsɛ keplukpa sɛ: Bulɔ, banɔkpɛkpɛ anɛ beshishe nɛ, anɛ wɔnɔa dzyalɛ nɛ ɔkɔ, bu sɛnɛ nɔ bulɔ badzya nɛ petee gɛ be di nu Yuɖanɛ gɛ ba lɛ Antiɔkɛ, Siria anɛ Silisia.

Axwɛwɛwa 15:41

Aga Siria anɛ Silisia ekoeyi, klɛ akpɛ busɔlɛha nɛ bugɛganɛ.

Axwɛwɛwa 18:2

Nɛ ɔklɛ nɛ atsyanɔ Yuɖa eyi teli gɛ be klua sɛ Akuila, ede Pontus, klɛ ede Italia aba eke dze yɛ anɛ yɛedzini Prisilla, alasɛ ekusi Klauɖiusɛ atɛ kɔ ɔshã sɛ Yuɖaeyi kanyaka ashɛ̃ nɛ Roma. Paolo aba vɛ sɛ tɛ ada mɔa lɛ,

Axwɛwɛwa 18:26

Aba kpa kaɖɔ ɖɔ nɛ kifu masi masim nɛ oxogokɔvu nɛm. Gɛ Prisilla anɛ Akuila enu yɛ kɛdɔkɛkasɛ nɛɛ, be klu yɛ amɛna balɛ bupa mɛ klɛ be ze bu Kpaya kidzo nɛesi akɔɛ adɛ kana.

Axwɛwɛwa 18:27

Kibelɛ gɛ Apollosɛ apɛa sɛ tɛ ashɛ̃ avɛ Atsyia nɛɛ, badzya na kpɛ yɛ kemi klɛ ba ŋlɔmɛ asɛsɛ badɔkpasɛ nɛ ɔklɛ sɛ ba yɛkɛ yɛ mɔɔ mɔ. Nɛ yɛ ɛklɛ tɛ kuku mɛ nɛ, ede dzi tɛpɛplɛnɔ gelee kɔ bagɛ ganɔ Kpaya tɛpɛpɛ mɛ gɛ ba tɛ yɛkɛ kibui nɛa bha ŋa.

Axwɛwɛwa 21:23

so nɛɛ bhɛtɛ kɛgɛ klɛ lɔ tsre wɔ. Banyɛ tɛalɛ teli balɛ plɛnɔ lɔ gɛ ba tɛ tanɔ kɛdɔ.

Axwɛwɛwa 21:24

Gbanɔ banyɛ anɛ, tɛ ɔza balɛ shi nɛ balɛ tɛwuwlunɔ begu nɛ nu tɛ ɔbuya balɛ shu abhɛ, sɛ tɛ ba xlɔ̃ balɛ atɔkpu nɛ akɔa lɛ. Kɛlɛ mɛ nɛɛ anɔnyanɔ ebe ti asɛ kibui gbɛagba ma ebui nɛ gɛ baɖɔ nɛ wɔ shu, pɔ nɛɛ wɔnuahwɛ nɛɛ ɔlɛ nɛ ɛkpã nɛ kɛtɔkpu kpɛkpɛesi kɔ ɔshã.

Axwɛwɛwa 21:3

Klɛede nɛɛ bu mɔ Saɛprɔs sɛsɛ gɛ bu fla vɛ yɛ ozhizhi, klɛ bu vɛ kidzo nɛa bha vɛ Siria. Bu da dzrɔ nɛ Taɛre, ɛkɛlɛ gɛ bulɔ kinia bha opupu nɛ odo bu etuku.

Romanɛ 16:1

Ɛɖɔaɖɔ dzyɔgo nɛ blɔada Foebe shu tsre nɔ, enu axwɛdɛ kɔ busɔlɛɔha nɛ Sɛntsyria.

1 Kɔrintioanɛ 9:20

Kɔ Yuɖanɛ ɛba dzi anasɛ Yuɖanɛ, sɛ tɛ iku Yuɖanɛ nɛ awɔ̃. Kɔ bagɛ ale ɔshã nɛesi ɛba dzi anasɛ anɔ gɛ alɛ ɔshã nɛesi (kɛlɛlɛmɛ sɛ mɛnahwɛ ɛma ɔshã nɛesi), so sɛ tɛ ɛmɔ bagɛ balɛ ɔshã nɛesi.

Galatianɛ 1:21

Kɛlɛede ɛvɛ Siria anɛ̀ Silisia.