Axwɛwɛwa 17:5 - ONUGBÙ NYƐNYÃ VUVƆ

⁵ Pɔ Yuɖanɛ na yɛkɔ kawɔ̃kpɛ; so bede xogo banɔ kpã teli edenɔ budzi nɛ mɛ, klɛ ba bhɛtɛ banɔɛha klɛ ba kpa hunyahunya kpɛ nɛ ɔmagbla nɛ mɛ. Ba kpanisi avɛ ede tsoku Yasɔn bupa mɛ ada pɛ Paolo anɛ Silasɛ sɛ tɛ bevua lɛ avɛnɔ banɔɛza.

Axwɛwɛwa 17:5 ပူးပေါင်းရင်းမြစ်များ

Mateo 27:18

Alasɛ enyi asɛ kawɔ̃kpɛ mɛ la ga pɛ baa yɛkɔ Yesu nɛ akpɛ ahwɛ kɔ yɛ.

Axwɛwɛwa 13:45

Gɛ Yuɖanɛ na mɔ banɔɛza nɛɛ, be yuku nɛ kawɔ̃kpɛ klɛ ba kpa anɔ kukula ebui ɖɔ nɛ ebui nɛ gɛ Paolo aaɖɔ shu.

Axwɛwɛwa 14:19

Ɔkɛlɛ Yuɖanɛ teli de Antiɔkɛ anɛ Ikonio aba klɛ ba ba wɛ̃ banɔɛza nɛ etsyina. Be hu Paolo aklãgbu klɛ be he yɛ ebu avɛnɔ ɔmagbla nɛede, be di asɛ etsi.

Axwɛwɛwa 14:2

Pɔ Yuɖanɛ nɛ gɛ adɛ pɛa sɛ tɛ ba yɛkɛ aŋa nɛ de feke bagɛ edi nu Yuɖanɛ nɛ edzu klɛ zi kɛtɔkpum kɔa lɛ sɛ tɛ ba lɔ kititi nɛ bagɛ ayɛkɛ aŋa nɛ shu.

Axwɛwɛwa 17:13

Kibe lɛ nɛ gɛ Yuɖanɛ nɛ ga lɛ Tesalonika nɛ benu asɛ kana Paolo ada ɖɔ Kpaya kibui nɛ Bɛrea nɛɛ, batɔnɔ avɛ ɔklɛ tsyɛ, klɛ bada kpɛ banɔɛza nɛ bunuhu anɛ puipui.

Axwɛwɛwa 17:6

Pɔ gɛ ba dɛ mɔa lɛ nɛɛ, bede vu Yasɔn nɛ tɛgbɛgbam anɛ badzya teli ayɛkɔa lɛ avɛnɔ ɔmagbla nɛ mɛ banɔ shishe nɛ ogugu kpɛkpɛ sɛ: “Banɔa nɛ gɛ ba mɛna butɔ nɛ kanɔ nɛ mɛ petee atsya balɛ be yi ɔkɛ̃ tsyɛ ɔtsɔ̃ naa,

Axwɛwɛwa 17:7

klɛ Yasɔn tsyɛ ayɛkɛa lɛ edzu yɛ bupa mɛ. Balɛ petee alɔ kititi nɛ Kaɛza Klaɛɖios ɛshã nɛ shu, klɛ baɖɔ sɛ ekusigbla bhlatɔ teli aka lɛ gɛ be klua sɛ Yesu.”

Axwɛwɛwa 17:9

Nɛ ɔkɛlɛ nɛɛ bakɔ sɛ Yasɔn anɛ banɔ nɛ gɛ bevu na kpɛ ahwɛ keplukpam klɛ ba shɛnahwɛ balɛ shu pɛ ba shɛ.

Axwɛwɛwa 18:12

Nɛ kibelɛ nɛ mɛ gɛ Gallio aŋa Roma kapɛ tielia bha gɛ enu Atsyaia, Yuɖanɛ na ba kpɛetsu klɛ la ba dɔ Paolo bha klɛ be vu yɛ avɛnɔ kebhui.

Axwɛwɛwa 19:40

Ansɛ gɛ kidzi nɛɛ, bu kpasɛ kifum sɛ ba ba yɛkɔ kibui nɛ bulɔ shu nɛ buhunya hunya akpɛ obo nɛ ebui nɛ so. Nɛ kibui nɛ mɛ bu tɛ ba na ishunu bu, alasɛ kibuinyɛbui ma gɛ bu ba yɛkɔ kasɛ sɛ klɛso pɛ bu bhɛtɛ buzizi nɛ.”

Axwɛwɛwa 7:9

“Alasɛ bakashishe na kpɛ Yosɛfu awɔ̃ so, ba dɛ yɛ ansɛ anɔdzidzi akɔ Egibite. Pɔ Kpaya aza plɛnɔ yɛ

Romanɛ 16:21

Timotio, mɔhayɛ axwɛwa, asɛnɛ nɔ asɛsɛ, ansɛ gɛ Lusiusɛ, Yasɔnɛ anɛ Sosipata gɛ nu meshopoalɛ nɛ tsyɛa bhɛtɛ.

1 Kɔrintioanɛ 3:3

Nɔ kɔ lɛ anasɛ kanɔ mɛ banɔ. Gɛ kawɔ̃kpɛ nɛ ebla pɛpɛɛ la lɛ wunɔɛ mɛ, anɛ kanɔɛmɛ banɔ nɔ nu? Sɛ nɔ bhɛtɛ ebui anasɛ banɔ tite ko?

2 Kɔrintioanɛ 11:26

Ɛgaedzo ebe gelee. Ɛmɔ butɔ nɛ beni tsutsɔkɛ mɛ, ɛmɔ butɔ nɛ bezi ahwɛ mɛ, ɛmɔ butɔ nɛ mɛnahwɛ ɔmamɛanɛ nɛ ahwɛ mɛ, ɛmɔ butɔ nɛ bagɛ be dinu Yuɖanɛ nɛ ahwɛ mɛ, ɛmɔ butɔ nɛ ɛmagbɛgbla nɛ mɛ, ɛmɔ butɔ nɛ ɛma bhlibhli nɛ mɛ, ɛmɔ butɔ nɛ aƒu abha, ɛmɔ butɔ nɛ itro badzya ahwɛ mɛ.

Galatianɛ 5:21

anɛ kawɔ̃kpɛ, tɛbubuku, samezizi mumɔ anɛ ebuibhltɔ bhɛbhɛtɛ nɛ̀ alɛlɛ nɛɛ di. Ɛkpɛ nɔ ɔshã, anasɛ gɛ ɛtɛkpɛ nɔ bafla, sɛ bagɛ ba za ɛkpãɛ nidi ba tɛba mɔ ɔzakɔ nɛ Kpaya kusi ɔŋa kɔ.

Galatianɛ 5:26

Nɔ tɔ kɔ lɔ ku shu awɔ̃, bunuhukpɛkpɛ anɛ aglɔ awɔ̃kpɛkpɛ.

1 Tɛsolonianɛ 1:6

No bo dzi banɔ gɛ no di bulɔ anɛ Apalete nɛ pɛ nɔɔ bhɛtɛ; nɛ butɔ gɛganɛɛ mɛ tsyɛ, nɔ yɛkɛ kibui nɛ gɛ ba mɛna nɔ nɛ same ganɔ Ɔfufɔɛ Dzyɔgo nɛ ɔkɔ.

Yakobo 4:5

Pɛnɔɔ nɔ bhɛtɛ kɛtɔkpum sɛ buwã nɛ kuwã Kɛdɔŋuŋlɔmɛ nɛ ɖɔ sɛ ɔfufɔɛ nɛ gɛ ba kɔ sɛ lɔ za lɔ mɛ nɛ lɔ lɛ nɛ kawɔ̃kpɛ gɛganɛɛ?