Axwɛwɛwa 17:32 - ONUGBÙ NYƐNYÃ VUVƆ

³² Gɛ be nu tɛlɛlɔ denɔ butsi mɛ bui nɛɛ, balɛ beteli amuɔɛ, pɔ beteli asɛ, “Bu pɛ sɛ tɛ bu fla nu kibui nɛ mɛ denɔ wɔ kɔ nɛ klɛ de mɛ.”

Axwɛwɛwa 17:32 ပူးပေါင်းရင်းမြစ်များ

Luka 14:18

“Pɔ balɛ petee be tenɔ kɛtɔkpu kɔ. Atɛtɔpu aɖɔ sɛ, ‘Ɔtsyɔ nɛ ko ɛda dzi buya kesukpa, kɛ lɛ sɛ ɛvɛ tɛ ɛdadi alɛ. Ɛkpɛ kɛtɔkpuesi kɔ wɔ ɛtɛ ba na ba.’

Luka 22:63

Banɔ nɛ gɛ bɛ̀po Yesu betenɔ yɛ butsɔ kpɛ klɛ bɛ tu yɛ.

Luka 23:11

Ɔkɛlɛ Heroɖesɛ nɛ̀ yɛ keyutugbani bakpɛ yɛ tsɔ klɛ ba kpɛ yɛ wɔɛ̃. Ba yɛkɔ kedziŋɛŋa awui dzidze akpɛ kɔ yɛ, klɛ betsidzinɛ yɛ avɛnɔ Pilato ɔkɔ.

Luka 23:36

Betugbani tsyɛ ba ba klɛ ba ba kpɛ yɛ butsyɔ. Ba bakɔ yɛ bulu gɛganɛ,

Axwɛwɛwa 13:41

“ ‘Di, wɔnɔa gɛ ɔmɔɛ anɔ, kɛ ba bhɛtɛ wɔnɔɛ bi klɛ no bo tsi, alasɛ ɛba bhɛtɛ kibui tili nɛ wɔnɔɛ be nɛm gɛ nɔ tɛ bɔ yɛkɛ ɔŋa, onu gɛ anɔ teli etsre nɔ tsyɛ.’

Axwɛwɛwa 17:18

Epikuirianɛ anɛ Stoikanɛ bebuiti teli ba kpa kibui wlɔ̃akɛ nɛ yɛ. Beteli ebisi asɛ, “Kide anuvɔaɖɔ anɔa nɛ apɛa sɛ tɛ aɖɔ?” Banɔ bhlatɔ teli tsyɛa kpɛ onugbu nɛ klɛ mɛ asɛ, “Edzi ansɛ awlɔ̃akɛ amadi bhlatɔ mɛ ibuidi kɛtɔkpu.” Ba ɖɔ kana alasɛ Paolo aza ɖɔ kaɖɔ edenɔ kibui dzyɔgo nɛ Yesu anɛ yɛ tɛlulɔ denɔ butsi mɛ nɛ shu.

Axwɛwɛwa 17:31

Alasɛ atɛ trɔ kiwi nɔ nɛ gɛ ebe klu kebhui nɛ kanɔ nɛ kɛgbam ganɔ anɔ nɛ gɛ eti bu nɛa bha. Atɛ trɔ kɛklãgbu nɛ ebuia nɛa bha kɔ banɔ nyanɔ ganɔ yɛ tɛfifeke denɔ butsi mɛ.”

Axwɛwɛwa 17:33

Nɛ kibui lɛ nɛ shu Paolo ashɛ̃ alɔ Beshishe nɛ ɛklɛ.

Axwɛwɛwa 2:13

Pɔ, banɔ teli ba kpɛalɛ butsɔ, klɛ la ɖɔ asɛ, “Bulu bulɛ buku alɛ.”

Axwɛwɛwa 24:25

Gɛ Paolo aɖɔ kaɖɔ denɔ tɛzɛzam dzyɔgo, ishua bhaŋɛŋa anɛ kebhui kuklu nɛ ga ba ba, Felikisi esi kifu klɛ aɖɔ asɛ, “Agɛ ɔɖɔa na bɔ gbɔ! Ɔbɔ shɛ faã. Kɛɛ ba dɔ kɔm tsyɛ, ɛba kpɛ anɔ nɛ wɔesi.”

Axwɛwɛwa 25:19

Nɛ kɛlɛ ɔzakɔ nɛɛ, ebui teli gɛ ba wlãnkɛ nɛ yɛ denɔ balɛ nahwɛ busɔlɛ shu anɛ anyɛ tsitsi teli gɛ be klua sɛ Yesu gɛ Paolo evunɔ aɖɔ sɛ aka lɛ nɛ ɛkpã.

Axwɛwɛwa 26:8

Kide so pɛ kɛ lɛ sɛ tɛ wɔnɔ mɛayɛ teli edi la sɛ kɛ dɛ nu kibui gɛ ba za kɛlɛm sɛ tɛ Kpaya anyɛmɛ anɔ tsitsi?

1 Kɔrintioanɛ 1:23

pɔ bulɔ buɖɔ Kristo tɛkpɛkplasɔɛ bui: kɛ nu kɛdɔ kpɛkpatanɔ kɔ Yuɖanɛ klɛ kɛ nu kɛgãbui kɔ bagɛ edi nu Yuɖanɛ,

1 Kɔrintioanɛ 15:12

Pɔ onugɛ baɖɔ sɛ ba nyɛmɛ Kristo denɔ bekpui mɛ, kɛlalɛ kideso gɛ wunɔ be teli nɔ ɖɔ sɛ be tsitsi nyɛnyɛmɛ denɔ bekpuimɛ ma?

1 Kɔrintioanɛ 4:10

Nɛ Kristo so bu nu bagã, pɔ nɔ nyi bui alasɛ nɔ nu Kristo ayɛ! Bu dɛ gɛganɛ, pɔ nɔ gɛganɛ! Bakpɛ wunɔ tɔkpu nɛabha, klɛ be zhinɔ bulɔ yɛ akpɛesi!

2 Kɔrintioanɛ 6:2

Alasɛ aɖɔ sɛ, “Nɛ mɛ tɛpɛplɛnɔ kibe nɛ mɛ inu nɔɛ dɔ, klɛ nɛ tɛbhubhuiyɛkɛ kiwui nɛabha ɛplɛnɔ nɔ.” Itsre nɔ sɛ, ɔtsyɔnɛ ɔlɛ nu kibe kɔ Kpaya tɛ pɛplɛnɔ, ɔtsɔ̃nɛ ɔlɛ nu kiwui kɔ tɛbhubhuiyɛkɛ.

Hebriuanɛ 11:36

Beteli ba kpɛalɛ tsɔ klɛ betu beteli, beteli tsyɛ bakpalɛ buɖɛ klɛ bakpɛalɛ buvu.

Hebriuanɛ 13:13

Kɛlɛso nɔ kɔ lɔ vɛ yɛ ɔkɔ nɛ kamade, tɛ bumɔ butsɔ nɛ gɛ amɔ.