Axwɛwɛwa 17:31 - ONUGBÙ NYƐNYÃ VUVƆ

³¹ Alasɛ atɛ trɔ kiwi nɔ nɛ gɛ ebe klu kebhui nɛ kanɔ nɛ kɛgbam ganɔ anɔ nɛ gɛ eti bu nɛa bha. Atɛ trɔ kɛklãgbu nɛ ebuia nɛa bha kɔ banɔ nyanɔ ganɔ yɛ tɛfifeke denɔ butsi mɛ.”

Axwɛwɛwa 17:31 ပူးပေါင်းရင်းမြစ်များ

Mateo 10:15

Itsre nɔ kɛgba sɛ, kɛ ba za bubɔɛbɔɛ kɔ Sorom anɛ Gomora nɛ kebhuikluwi nɛa bha ɔyɛkɔ dɛ ɔma nɔɔ lɛlɛ.

Mateo 24:14

Klɛ ba ba ɖɔ bukusiɔŋakɔ kibui nɛ akana kanɔ nɛ mɛ petee ansɛ kibuimɔɖɔ kɔ amadi nɛ petee, klɛ flogo pɛ obekekɔ nɛ ɔbɔ ba.

Luka 22:22

Anɔdzyrame Yi aba shɛ̃ anasɛ gɛ ba kpɛ elu, pɔ butɔ kɔ anɔ nɛ gɛ aba yɛ kɔ yɛ akpɛahwɛ.”

Yohanɛsɛ 12:48

Kebhui kuklu alɛ kɔ anɔ nɛ gɛ adɛ pɛɛ mɛ ebui klɛ adɛ yɛkɛ mɛ ebui, kɛ bui lɛlɛ nɛ gɛ ɛɖɔ kɛ ba bu yɛ pɔ nɛ kiwui gugɔɛ nɛabha.

Yohanɛsɛ 16:10

ba be bu alɛ adzyɔgo bhɛbhɛtɛ elete, alasɛ ɛvɛ Aka nɔ kɔ, ɔkɛlɛ nɔ tɛɔ mɔ mɛ,

Yohanɛsɛ 5:27

Klɛ akɔ yɛ kabhaŋɛŋa tɛ eklu kebhui alasɛ yɛ nu Anɔdzyrame Eyianyɛ.

Axwɛwɛwa 17:18

Epikuirianɛ anɛ Stoikanɛ bebuiti teli ba kpa kibui wlɔ̃akɛ nɛ yɛ. Beteli ebisi asɛ, “Kide anuvɔaɖɔ anɔa nɛ apɛa sɛ tɛ aɖɔ?” Banɔ bhlatɔ teli tsyɛa kpɛ onugbu nɛ klɛ mɛ asɛ, “Edzi ansɛ awlɔ̃akɛ amadi bhlatɔ mɛ ibuidi kɛtɔkpu.” Ba ɖɔ kana alasɛ Paolo aza ɖɔ kaɖɔ edenɔ kibui dzyɔgo nɛ Yesu anɛ yɛ tɛlulɔ denɔ butsi mɛ nɛ shu.

Axwɛwɛwa 17:32

Gɛ be nu tɛlɛlɔ denɔ butsi mɛ bui nɛɛ, balɛ beteli amuɔɛ, pɔ beteli asɛ, “Bu pɛ sɛ tɛ bu fla nu kibui nɛ mɛ denɔ wɔ kɔ nɛ klɛ de mɛ.”

Axwɛwɛwa 17:6

Pɔ gɛ ba dɛ mɔa lɛ nɛɛ, bede vu Yasɔn nɛ tɛgbɛgbam anɛ badzya teli ayɛkɔa lɛ avɛnɔ ɔmagbla nɛ mɛ banɔ shishe nɛ ogugu kpɛkpɛ sɛ: “Banɔa nɛ gɛ ba mɛna butɔ nɛ kanɔ nɛ mɛ petee atsya balɛ be yi ɔkɛ̃ tsyɛ ɔtsɔ̃ naa,

Axwɛwɛwa 2:32

Kpaya eti feke Yesua nɛ amɛna ɛkpãm, klɛ bulɔ petee bu nu bebuimɔɖɔ kɔ kɛlɛ gba.

Axwɛwɛwa 4:10

klɛalɛ no ti kibui, wɔnɔ nɛ Izraɛlanɛ nɛ petee ɔsɛ, Yesu Kristo Nazarɛtɛ eyi, gɛ nɔ kplasɔ flogo pɛ Kpaya aba nyɛmɛ yɛ edenɔ betsitsi nɛ shi, yɛ kinyim anyɛa nɛ gɛ eli wɔnɔ amɛ nɛ aga pɛ eebeke banya.

Romanɛ 2:16

Kibui nɛ ba ba kɛlɛm nɛ kiwi nɛa bha gɛ Kpaya ebe kuluebhui nɛ banɔ nɛ ebuikpukpu ganɔ Yesu Kristoa bha, anasɛ gɛ mɛ kibuidzyɔgo nɛ buɖɔ.

Romanɛ 2:5

Pɔ akpɛ wɔ batɔ matamata nɛ wɔ kitem matsyina matsyina idzyi nɛ so, oxogo batɔtɛtɛta kɔ ishu kɔ Kpaya batɔtɛtɛta wi, nɛ gɛ be be bu yɛ kebhui kuklu dzyɔgo nɛ akasɛ.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

2 Kɔrintioanɛ 5:10

Alasɛ bulɔ petee bu ba wɔ̃ɛ nɛ Kristo kebhuikuklu kegbu nɛ amɛ, sɛ tɛ anɔ kanyaka aba yɛkɛ kɛgɛ lɛ kɔ yɛ kibelɛlɛ nɛ gɛ aza ishuidzya mɛ, kɛbadzi kɛdzyɔgo pɛnɔ kizizi.

2 Timotio 4:1

Nɛ Kpaya anɛ Kristo Yesu amɛ, bagɛ ebe kulu kebhui nɛ belulu anɛ betsitsi, klɛ nɛ yɛ tɛwɛwɛ̃ anɛ yɛ bukusiɔŋakɔ nɛ mɛ, ɛyɛkɔ ebuia nɛ kpɛ wɔahwɛ sɛ:

Hebriuanɛ 6:2

kɛdɔkɛkasɛ denɔ bunikpɛkpɛ shu, anɛ ahwɛ tɛtrɔ nɛ anɔabha, betsitsi anɛ tɛnyɛnyɛmɛ, anɛ kebhuikuklu gugɔɛ mabeke mabeke.

2 Petro 3:7

Nɛ kibui lɛlɛ nɛ ke ɔtsɔ̀nɛ owũsise anɛ kesukpa ba gɔ alɛ lu kɔ kifu, be lui lɛ kɔ kebhuikuklu kiwui nɛ̀ kɛlɛ tɛzizi kɔ banɔ nɛ gɛ ba dɛ yɛkɛ kpayabhaŋa.