Axwɛwɛwa 17:2 - ONUGBÙ NYƐNYÃ VUVƆ

² Ansɛ gɛ yɛ aabhɛtɛ xũii, Paolo ede tsoku oxogokɔvu nɛm, nɛ Kimuenewi tata bha klɛ ada ɖɔ kaɖɔ nɛ banɔ denɔ Kpayɛbui nɛ shu,

Axwɛwɛwa 17:2 ပူးပေါင်းရင်းမြစ်များ

Mateo 26:24

Anɔdzyrame yɛ Eyi nɛ aba shɛ ansɛ gɛ ba ŋlɔmɛ elu nɛ yɛ shu. Pɔ butɔ kɔ anɔɔ nɛ gɛ yɛ aba ga Anɔdzyrame yɛ Eyi nɛe si! Anɔa lɛlɛ ba dɛ mɔ yɛ tsyɛ ata pɛ̃ kɔ yɛ adɛ.”

Luka 4:16

Avɛ Nazarɛtɛ, ɔkɛlɛ gɛ banyɔnɔ yɛ gɛ eshe, klɛ nɛ Tɛmumonɛ kiwui nɛabha avɛ oxogokɔvu nɛ mɛ anasɛ gɛ abhɛtɛ kɛbenyɛbe. Klɛ alɔ kititi sɛ tɛ aklaɛ dɔ.

Yohanɛsɛ 18:20

Yesu ebuilɛnu asɛ, “Ɛɖɔaɖɔ wee kɔ kanɔ. Mɛ kibenyɛbe ɛkasɛ dɔ nɛ́ oxogokɔvu anɛ̀ Kpayavu nɛ mɛ, ɔkɛlɛ Yuɖanɛ petee ba be xogo aza. Ɛtɛ ɖɔaɖɔ nɛ okpukpukɔ.

Axwɛwɛwa 13:14

Denɔ Pɛga ba shɛ avɛ Antiɔkɛ Pisidian. Nɛ kimuenewi nɛa bha nɛɛ be de tsoku oxogokɔvu nɛm ada za kesi.

Axwɛwɛwa 13:5

Gɛ be de ku Salamisɛ, ba ɖɔ Kpaya kibui nɛ Yuɖanɛ ixogokɔevu nɛm. Yohanɛsɛ Marko aza ɔkɛlɛ ansɛ balɛ apɛplɛnɔa na.

Axwɛwɛwa 14:1

Nɛ Ikonio nɛɛ anasɛ gɛ kɛɛ za nɛɛ Paolo nɛ Banabas eze de tsoku Yuɖanɛ oxogokɔvu nɛm. Ɔkɛlɛ ba ɖɔ kaɖɔ klɛ bakasɛ kɛdɔ mɔɔ mɔ gɛ kɛ kɔ sɛ banɔ tɛkɛklam kpi gɛ be nu Yuɖanɛ anɛ bagɛ be di nu Yuɖanɛ ba yɛkɛ aŋa.

Axwɛwɛwa 17:10

Nɛ keli bibele nɛm ko, badzya nɛ bayɛkɔ Paolo anɛ Silas asɛsɛ Bɛrea. Nɛ balɛ ɔkɛlɛ tɛkuku mɛ, ba shɛ avɛ Yuɖanɛ oxogokɔvu nɛm.

Axwɛwɛwa 17:17

Klɛ so nɛ aza ɖɔ kaɖɔ nɛ Yuɖanɛ anɛ Grikanɛ gɛ esi Kpaya kifu nɛ oxogokɔvu nɛm anɛ budzim banɔ kiwinyɛwi nɛ banɔ nɛ gɛ bala ba ɛklɛ.

Axwɛwɛwa 18:4

Nɛ kimuenewi kanyaka bha adɛ oxogokɔvu nɛ mɛ, klɛ ada ɖɔaɖɔ nɛ Yuɖanɛ anɛ Grikanɛ sɛ tɛ awɛa lɛ nu.

Axwɛwɛwa 19:8

Paolo ebe tsoku oxogokɔvu nɛ mɛ klɛ aɖɔ kaɖɔ nɛ bugɛganɛ mɛ nɛ ɔkɛlɛ wele tɛata, atsya ebui mɛ ebu nɛ Kpaya bukusiɔŋakɔ nɛ shu.

Axwɛwɛwa 24:25

Gɛ Paolo aɖɔ kaɖɔ denɔ tɛzɛzam dzyɔgo, ishua bhaŋɛŋa anɛ kebhui kuklu nɛ ga ba ba, Felikisi esi kifu klɛ aɖɔ asɛ, “Agɛ ɔɖɔa na bɔ gbɔ! Ɔbɔ shɛ faã. Kɛɛ ba dɔ kɔm tsyɛ, ɛba kpɛ anɔ nɛ wɔesi.”

Axwɛwɛwa 28:23

Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Axwɛwɛwa 8:35

Klɛ Flipo akpɛ kɛsi nɛ kɛdɔ nɛ gɛ akla denɔ Kpay keplukpa nɛ mɛ klɛ aɖɔ Kpaya kibui dzyɔgo nɛ denɔ Yesu shu etsre yɛ.

Axwɛwɛwa 9:20

Tsɛɔ̃ ko Saolo agbla kpa Kpayɛbui nɛ ɖɔ nɛ oxogokɔ bevugbla nɛm asɛ Yesu yɛenu Kpaya yɛ Eyi.

1 Kɔrintioanɛ 15:3

Alasɛ kɛgɛ ɛyɛkɛ ɛshɛnahwɛ kɛ lɛ shu kɔ nɔ anasɛ kɛ tɛtɔpu gɛ kɛŋaedzi, sɛ Kristo etsi nɛ bulɔɛ tɔkpu nɛ Kpayaeplukpa nɛ nu,