Axwɛwɛwa 17:14 - ONUGBÙ NYƐNYÃ VUVƆ

¹⁴ Nɛ kɛbhɛtɛ tili ko ɔhamɛanɛ na yɛkɔ Paolo asɛsɛ aƒu nɛ shu, pɔ Silas anɛ Timotio xũ na wɔ Bɛrea.

Axwɛwɛwa 17:14 ပူးပေါင်းရင်းမြစ်များ

Mateo 10:23

Kibe lɛ gɛ bakpatɔnɔ nɔ nɛ ɔkɔtoli, no si ɔvɛ ɔkɔ bhlatɔ. Itsre nɔ kɛgba sɛ, nɔ tɛ bɔ ga Izraɛl ɛma nɛ mɛ beke flogo pɛ Anɔdzyrame yɛ Eyi nɛ aba ba.

Axwɛwɛwa 1:15

Nɛ ewi alɛlɛ nɛm nɛɛ Petro alɔ kititi nɛ bagɛ bayɛkɛaŋa nɛ shi, (banɔ gɛ balɛ tɛkpɛkpem ba za ansɛ kɛfɔɛfɔ nɛ afɛtabha)

Axwɛwɛwa 15:22

Ɔkɛlɛ Yesu Banɔkpɛkpɛ nɛ beshishe, busɔlɛ nɛ petee, ba trɔ sɛ be be bu balɛ nahwɛ mɛ banɔ tɛ ba sɛsɛ alɛ nɛ Antiɔkɛ ɔyɛkɔ plɛnɔ Paolo nɛ Banabasɛ. Be bu Yuɖas (gɛ be klua sɛ Basabbasɛ) nɛ Silasɛ, gɛ be dzi bagbɛgbanɔ nɛ ɔha nɛ shi.

Axwɛwɛwa 16:1

Paolo ebe ku Dɛbi klɛ afla vɛ Listra, ɔkɛlɛ adɔkpasɛ teli gɛ be klua sɛ Timotio aza, yɛeni edzi Yuɖadzi teli gɛ ayɛkɛaŋa, pɔ yaka nɛ edzi Grikieyi teli.

Axwɛwɛwa 17:10

Nɛ keli bibele nɛm ko, badzya nɛ bayɛkɔ Paolo anɛ Silas asɛsɛ Bɛrea. Nɛ balɛ ɔkɛlɛ tɛkuku mɛ, ba shɛ avɛ Yuɖanɛ oxogokɔvu nɛm.

Axwɛwɛwa 17:15

Banyɛ nɛ ga gbanɔ Paolo nɛ ayɛkɔ yɛ amɛna Atɛns klɛ bayɛkɔ ɔsɔ avɛnɔ kɔ Silas anɛ Timotio sɛ ba ba tɔnɔ yɛ Paolo zɛa nɛ kibe nyɛbem gɛ kidzo za.

Axwɛwɛwa 17:4

Yuɖanɛ teli gɛ kibui nɛ mɛ danɛ kɔa lɛ nɛ tsoku kɛlɛm aplɛnɔ Paolo anɛ Silasɛ, ansɛ gɛ Grikanɛ gelee gɛ benu banɔ gɛ besi Kpaya kifu nɛ tsyɛ ayɛkɛ kibui klɛ badzɛgbla gelee tsyɛ ba yɛkɛ kibui.

Axwɛwɛwa 17:6

Pɔ gɛ ba dɛ mɔa lɛ nɛɛ, bede vu Yasɔn nɛ tɛgbɛgbam anɛ badzya teli ayɛkɔa lɛ avɛnɔ ɔmagbla nɛ mɛ banɔ shishe nɛ ogugu kpɛkpɛ sɛ: “Banɔa nɛ gɛ ba mɛna butɔ nɛ kanɔ nɛ mɛ petee atsya balɛ be yi ɔkɛ̃ tsyɛ ɔtsɔ̃ naa,

Axwɛwɛwa 18:5

Gɛ Silas anɛ Timotio ede Makedonia aba, Paolo ayɛkɔ kibuinɛ tɛɖuɖɔ atrɔ shu, klɛ ebu akasɛ Yuɖanɛ na sɛ Yesu yɛ enu Kristo.

Axwɛwɛwa 19:22

Akpɛ Timotio anɛ Erastusɛ gɛ enu yɛ bapɛplɛnɔ nɛ asɛsɛ Makedonia, nɛ kibe lɛ nɛ mɛ gɛ yɛ awɔ Asis kɛdɔ nɛm kibe dzidze bɔɛ.

Axwɛwɛwa 20:3

nɛ ɔklɛ gɛ aza wele tɛata. Alasɛ Yuɖanɛ na bhɛtɛ tɛnyɛnya nɛ yɛ shu nɛ kibe lɛ mɛ gɛ aba za kenia bha avɛ Siria, abhɛtɛ kɛtɔkum asɛ ebe tsodzi ada ga Makedonia ashɛ̃.

Axwɛwɛwa 9:25

Pɔ, yɛ bedeza nɛ feke yɛ akpɛ kashɔm klɛ be zhinɔ yɛ aganɔ kidri ozi tolim ebu eyinɔ.

Axwɛwɛwa 9:30

Gɛ badzya nɛ nu kibui nɛɛ, bagbanɔ yɛ ezhinɔ avɛnɔ Sizeria klɛ ba yɛkɔ yɛ asɛsɛ Tasusɛ.

1 Timotio 1:3

Ansɛ gɛ itsre nɔ nɛ kibe lɛ nɛ gɛ ɛvɛ Makedonia, nɔ za ɔkɛlɛ nɛ Efesosɛ sɛ tɛ nɔ kɔ sɛ banɔ teli ba taa kasɛ itroe dɔ ɔtsɔlɛ

Titusɛ 1:5

Kɛdɔnɔ nɛ so pɛ ɛshɛ lɔ wɔ nɛ Krete kɛlɛ nu sɛ tɛ ɔna ebui nɛ gɛ agɔ pɛ ɛdɛ bhɛtɛ nɛ dzyɔ tɛ odzu kpayanɔ nɛ ɔma kanyaka mɛ, ansɛ gɛ ɛɖɔ sɛ ɔbhɛtɛ.