Axwɛwɛwa 16:25 - ONUGBÙ NYƐNYÃ VUVƆ

²⁵ Nɛ elishi kishitibha mɛ nɛɛ Paolo anɛ Silas ba za ɛdzɛ zhɛzha nɛ Kpaya kuklua bha, klɛ baga za buvu nɛ aplɛnɔa lɛ na za ta batɔ nɛ ebui nɛ gɛ ba za bhɛtɛ.

Axwɛwɛwa 16:25 ပူးပေါင်းရင်းမြစ်များ

Luka 22:44

Klɛ butɔ za yɛ abha gɛganɛ, eklukpaya gɛganɛdɛ ana, klɛ yɛ buhihe nɛ za anasɛ dzyosu gɛ awɔlɛ lu kesukpa.

Axwɛwɛwa 15:22

Ɔkɛlɛ Yesu Banɔkpɛkpɛ nɛ beshishe, busɔlɛ nɛ petee, ba trɔ sɛ be be bu balɛ nahwɛ mɛ banɔ tɛ ba sɛsɛ alɛ nɛ Antiɔkɛ ɔyɛkɔ plɛnɔ Paolo nɛ Banabasɛ. Be bu Yuɖas (gɛ be klua sɛ Basabbasɛ) nɛ Silasɛ, gɛ be dzi bagbɛgbanɔ nɛ ɔha nɛ shi.

Axwɛwɛwa 16:19

Gɛ adzɛnuvɔɛ anɛ yɛ beshopo na mɔ sɛ balɛ ehoeyi bhɛbhɛtɛ kidzoenu nɛ fla nɛɛ, be vu Paolo anɛ Silasɛ klɛ be he alɛ avɛnɔ ɔklɛ gɛ baa dɛ kedzi sɛ tɛ ada mɔ bagɛ baŋɛabha naa mɛ.

Axwɛwɛwa 16:33

Nɛ elishia lɛlɛ nɛ mɛ anyɛ nɛ gɛ akpɛa lɛ buvu pɛ eepoa lɛ nɛ agbanɔ Paolo anɛ Silas klɛ ada bɔ balɛ apɔ na kɔa lɛ; ganɔ klɛ mɛ nɛɛ anyɛ nɛ yɛ bupa nɛ petee ba yɛkɛ bunikpɛkpɛ.

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

Romanɛ 12:12

Nɔ mɔ same nɛ kidzoenu didi mɛ, dɔ fɔɔ̃ nɛ wɔ batɔ nɛm, za tɛyɛyɛkɛŋam nɛ Kpaya kuklum.

Romanɛ 5:3

Ganɛ kana tite ko, pɔ bu mɔ same nɛ bulɔ baatɔ nɛ mɛ tsyɛ, alasɛ bu nyi sɛ butɔ bhɛtɛ kanyɛtsitsi;

2 Kɔrintioanɛ 6:10

samemamɔ mamɔ, pɔ kibenyɛbe bu mɔ same, be tsyutsyukpɛ̃, pɔ bu mɔ ehoeyi gelee, kɛdɔmaza maza anɔ ahwɛ, pɔ kɛdɔnyɛdɔ lɛ anɔ ahwɛ.

Efesoanɛ 5:19

Ɖɔaɖɔ kɔ ɔhaglɔ nɛ ɛdzɛ, busɔlɛ ɛdzɛ anɛ ɔfufɔɛmɛ ɛdzɛ. Nɔ zha ɛdzɛ klɛ tɛ nɔ wɔ denɔ wɔnɔ idzyim kɔ Apalete,

Filipianɛ 2:17

Pɔ tsyɛ onugɛ ba balɛ mɛ elu ansɛ bulu bɛbalɛesi anɛ tɛyɛyɛkɔkɔ nɛ kɛxwɛwa gɛ de wɔnɔ tɛyɛyɛkɛŋa nɛ mɛ ba, ki ku mɛ awɔ̃ klɛ mɛ mɔ same nɛ wɔnɔ petee.

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

Hebriuanɛ 5:7

Nɛ Yesu ɛkpã zɛza nɛ kesukpa nɛabha be, ayɛkɔ kpayakuklu anɛ tɛbibisi anɛ ogugu gɛganɛ anɛ ɛwɔ̃mɛ kɔ anɔ nɛ gɛ ebe bu yɛ denɔ butsi mɛ, klɛ be nu lɛ akɔ yɛ alasɛ nɛ́ yɛ́ ishu zhizhinɔ kɛtɔkpuesi kpɛkpɛ so.

Yakobo 1:2

Madzyalɛ mɔ, no di lɛ ɔsɛ same dzyɔgo, onu gɛ no tsoku tɛfifekedi edidedi gelee mɛ,

Yakobo 5:13

Wɔnɔ ɔmayɛ teli akpasɛ butɔm dza? Alasɛ tɛ eklukpaya. Anɔ teli aamɔ same dza? Kɔ yɛ azha kabhakpɛkpɛ ɛdzɛ.

1 Petro 4:14

Onugɛ ba kula nɔ nɛ Kristo kinyi nɛ shu, ba yula nɔ, alasɛ Ɔfufɔɛ shu bhubhui anɛ̀ Kpaya kitsri wɔnɔ abha.