Axwɛwɛwa 16:14 - ONUGBÙ NYƐNYÃ VUVƆ

¹⁴ Bagɛ bala ta tɔ nɛ bulɔ nɛ teli enu adzɛ gɛ beklua sɛ Liɖia, gɛ aga apɔtɛ ŋɛŋaedzi kedzi alasɛ ehoeyi aza yɛahwɛ, klɛ ede Taɛtira ɔmagbla nɛm, klɛ enu anɔ gɛ akpɛ kɛtɔkpue si kɔ Kpaya. Apalete na danɛ yɛ idzyi akɔ sɛ tɛ evu Paolo kibui nɛ asɔlɛ.

Axwɛwɛwa 16:14 ပူးပေါင်းရင်းမြစ်များ

Luka 24:45

Ɔkɛlɛ adanɛ balɛ kɛtɔkpu mɛ sɛ tɛ be nu Kpayɛbui nɛesi.

Yohanɛsɛ 12:20

Ɔtsyɔnɛ Griki anɛ teli ba vɛ sɛ tɛ ba da sɔlɛ nɛ Kiwui nɛ mɛ.

Axwɛwɛwa 10:2

Yɛ anɛ yɛeshopoalɛ nɛ petee be dzi banɔ gɛ bayɛkɔ ishu akɔ klɛ be si Kpaya; akɔ banɔ kɛdɔ nɛ ɛyamyuyɔ banɔ bagɛ alasɛ ba kɔɛ dɔ klɛ bee klu Kpaya kibenyɛbe.

Axwɛwɛwa 11:21

Apalete nɛ ɔhwɛ ɔza plɛnɔa lɛ, klɛ banɔ nɛ tikpikpe gblam ayɛkɛ aŋa klɛ be tsyina tɔ Apalete.

Axwɛwɛwa 13:43

Gɛ be hle busɔlɛha nɛ beke, Yuɖanɛ gelee anɛ bagɛ tsyina etsoku Yuɖaɔha nɛm na za Paolo anɛ Banabasɛ ede, gɛ ba za ɖɔ kaɖɔ nɛ balɛ klɛ be tsrea lɛ asɛ ba vɛ kɛlɛa bha nɛ Kpaya ɛyamyuyɔ nɛm.

Axwɛwɛwa 13:50

Pɔ Yuɖanɛ nɛ zi batɔm akɔ badzɛ nɛ gɛ avɛ otugba nɛ banyɛ nɛ ga lɛ otugba kɔ banɔ nɛ ɔmagbla nɛm. Ba kɔ sɛ ba kpatɔnɔ Paolo anɛ Banabasɛ, klɛ ba kɛka lɛ ebu nɛ balɛ kibe.

Axwɛwɛwa 16:40

Nɛ Paolo anɛ Silas buvu kukoeyi nɛe de ba shɛ avɛ Liɖia bupa mɛ, ɛklɛ bada tsyanɔ balɛ ɔha mɛanɛ klɛ bakpɛa lɛ kemi klɛ ba shɛ.

Axwɛwɛwa 18:7

Ɔklɛ nɛɛ Paolo ashɛ̃ nɛ oxogokɔvu nɛm klɛ avɛ Titius Yustus gɛ eli yɛ kevude gɛ enu anɔ gɛ akpɛ kɛtɔkpuesi kɔ Kpaya nɛ bupa mɛ.

Axwɛwɛwa 8:27

Klɛ so alɔ klɛ atɔnɔ kidzo, gɛ aavɛ nɛ kidzo nɛa bha atsyanɔ Etiopiaeyi teli gɛ enu axwɛwa ŋɛŋaedzi teli gɛ abala Kandesɛ, Etiopia adzɛekusi nɛ kɔba. Anyɛa nɛ avɛ Yerusalɛm sɛ tɛ ada sɔlɛ,

Romanɛ 9:16

Kɛlɛso, ganɛ anɔdzyrame tɛpɛpɛ ɔdɔgɔsɛ yɛ tɛbhɛbhɛtɛ mɛ kɛlɛ, pɔ Kpaya eshutukubui didi mɛ.

Filipianɛ 2:13

alasɛ Kpaya yɛ awaɛxwɛ nɛ wɔnɔ mɛ nɛ tɛpɛpɛɛ anɛ̀ tɛbhɛbhɛtɛ nɛ tɛtɛtrɔ dzyɔgo nɛ nu.

Tɛbubukasɛ 1:11

gɛ kaa ɖɔ sɛ, “Ŋlɔmɛ kɛdɔnɔ nɛ gɛ ɔmɔ nɛ ɔtrɔ keplukpa bha tɛ ɔyɛkɔ sɛsɛ basɔlɛha tigene: Efesusɛ, Simina, Pɛgamum, Taɛtira, Saɖisɛ, Filadelfia anɛ Laoɖisea.”

Tɛbubukasɛ 3:20

Ɔkɛ̃ nɛ mɛ li! Ili kititi nɛ kedunu klɛ mɛ huahwɛ opupu. Onu gɛ anɔ teli enu mɛ oli mɛ pɛ adanɛ opupu nɛɛ, ɛba tsoku klɛ ɛba ŋa kɛdɔ nɛ yɛ, klɛ yɛ tsyɛ aba ŋa nɛ mɛ.

Tɛbubukasɛ 3:7

“Kɔ kpayaxwɛdɛ nɛ Filadelfia busɔlɛɔha nɛ mɛ sɛ: Ebui ɖuɖɔa nɛ alɛ nu agɛ yɛ shu bhui kɛlɛ enu kɛgba nɛ ayɛ, gɛ evunɔ Daviti kedunuaɖɛ. Kɛdɔnɔ nɛ gɛ adanɛ anɔnyanɔ atɛ ba naa da, klɛ kɛdɔnɔ nɛ gɛ ada anɔnyanɔ atɛ ba naa danɛ.