Axwɛwɛwa 16:13 - ONUGBÙ NYƐNYÃ VUVƆ

¹³ Nɛ Kimuenewi nɛa bha bu ga ɔmagbla nɛ kedunu nɛ koeyi vɛ keni nu tɔ, nɛ kɛtɔkpum sɛ bu ba mɔ ɔkɔ toli za klu Kpaya. Gɛ budzi ɔkɛlɛ nɛ bu kpa kaɖɔ ɖɔ tsre badzɛ nɛ gɛ xogo nɛ ɔkɛlɛ.

Axwɛwɛwa 16:13 ပူးပေါင်းရင်းမြစ်များ

Mateo 13:2

Banɔaza lɛlɛ nɛɛ di na ba kana yɛ atsya klɛ ede tsoku keniabha opupu tolim ezhedzi, nɛ kibe lɛ gɛ banɔ nɛ petee ba kana kɛvɔ nu tɔ atsya.

Marko 16:15

Yesu etsre yɛ badɔkpasɛ nɛ asɛ, “No tsoku kanɔ nɛm petee tɛ nɔ ɖɔ kibui dzyɔgo nɛ otsre kanɔ nɛ petee.

Luka 13:10

Nɛ Kimoenewui tili abha Yesu akàsɛ dɔ nɛ oxogokɔvu tirikpo tuli mɛ,

Yohanɛsɛ 8:2

Olizatɔ aza vɛ kpayavu buka nɛ mɛ, ɔkɛlɛ banɔ gelee akana yɛ klɛ azaesi gɛ akasɛ alɛ dɔ.

Axwɛwɛwa 13:14

Denɔ Pɛga ba shɛ avɛ Antiɔkɛ Pisidian. Nɛ kimuenewi nɛa bha nɛɛ be de tsoku oxogokɔvu nɛm ada za kesi.

Axwɛwɛwa 13:42

Gɛ Paolo anɛ Banabasɛ ba shɛ nɛ oxogokɔvu nɛ mɛɛ, banɔ nɛ eklua lɛ asɛ ba fla ba aba ɖɔa ɖɔ adɛa na edenɔ ebuia nɛ shu nɛ Kimuenewi nɛ gɛ kaa ba nɛa bha.

Axwɛwɛwa 16:16

Kiwi tili gɛ bu vɛ Kpaya oklu kɔ nɛɛ, bu tsyanɔ adzɛnuvɔɛ axwɛdɛ teli gɛ ɔfufɔɛ ɔza yɛ abha pɛ ayɛkɔ mɔ ebui gɛ aba ba nɛ kivum aɖɔ. Adzɛnuvɔɛ nɛ abhɛtɛ ehoeyi gelee kɔ yelete alɛ nɛ yɛ ebui mumɔɖɔ nɛm.

Axwɛwɛwa 16:6

Paolo anɛ yɛshopoalɛ na nyɔa ganɔ Frigia anɛ Galatia kɛdɔ nɛm pete, gɛ Ɔfufɔɛ Dzyɔgo nɛ ɔdɛ kɔa lɛ kidzo sɛ baɖɔ kibui nɛ Eshia kɛdɔ nɛm.

Axwɛwɛwa 17:2

Ansɛ gɛ yɛ aabhɛtɛ xũii, Paolo ede tsoku oxogokɔvu nɛm, nɛ Kimuenewi tata bha klɛ ada ɖɔ kaɖɔ nɛ banɔ denɔ Kpayɛbui nɛ shu,

Axwɛwɛwa 18:4

Nɛ kimuenewi kanyaka bha adɛ oxogokɔvu nɛ mɛ, klɛ ada ɖɔaɖɔ nɛ Yuɖanɛ anɛ Grikanɛ sɛ tɛ awɛa lɛ nu.

Axwɛwɛwa 20:7

Nɛ ɔgɔnɛ nɛ kiwi tutɔpu nɛa bha bu ba xogo ŋa Ɔfufɔɛ mɛ dɔ. Paolo aɖɔ kaɖɔ etsre banɔ klɛ, alasɛ atrɔ sɛ aba shɛ nɛ keli tɛzɛzam so, aza kaɖɔ ɖuɖɔa bha ɔdɔnanɔ elishishitibha.

Axwɛwɛwa 21:5

Pɔ kibe lɛ gɛ bulɔ ɔɖa nɛ mɛ ɔna, bu shɛ klɛ bu vɛ bulɔ kidzo gɛga nɛa bha. Badɔkpasɛ nɛ petee anɛ balɛ edzini alɛ nɛ aplɛnɔ lɔ pɛ bu koeyi nɛ ɔmagbla nɛ mɛ, klɛ ɔkɛlɛ nɛ aƒu nu tɔ bu zhikpla kɔ kpayakuklu.

Axwɛwɛwa 9:20

Tsɛɔ̃ ko Saolo agbla kpa Kpayɛbui nɛ ɖɔ nɛ oxogokɔ bevugbla nɛm asɛ Yesu yɛenu Kpaya yɛ Eyi.

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.