Axwɛwɛwa 15:7 - ONUGBÙ NYƐNYÃ VUVƆ

⁷ Nɛ ebui nyɛnyɛnadi gelee de, Petro ebe vu alɔ klɛ aɖɔ kaɖɔ akɔa lɛ asɛ: “Badzya mɔ, no nyi ɔsɛ, nɛ kibe tili gɛ ba fla nɛ mɛ Kpaya ebu anɔ teli edenɔ wɔnɔm sɛ tɛ baga dɛ nu Yuɖanɛ nɛ tsyɛ be nu edenɔ mɛ onugbu mɛ kɛgɛ kibui dzyɔgo nɛ vunɔ tɛ ba yɛkɛ aŋa.

Axwɛwɛwa 15:7 ပူးပေါင်းရင်းမြစ်များ

Yohanɛsɛ 15:16

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Yohanɛsɛ 3:27

Kɔ kibui nɛ so Yohanɛs ebuilɛ nu aɖɔ sɛ, “Anɔ aba yɛkɛ kɛdɔnɔ ko gɛ bakɔ yɛ denɔ owũsise.

Axwɛwɛwa 1:16

klɛ asɛ, “Badzya mɔ, alasɛ tɛ Kpayɛbui ŋuŋlɔmɛ nɛ ba kɛlɛm gɛ Ɔfufɔɛ Dzyɔgo nɛ ɔɖɔ kukuuku ganɔ Daviti onugbu mɛ denɔ Yuɖasɛ nɛ gɛ akɔ bagɛ be vu Yesu nɛ tɛpɛplɛnɔ.

Axwɛwɛwa 1:24

Kɛlɛ be klukpaya sɛ, “Apalete, wɔ onyi anɔnyanɔ idzyim. Kasɛ lɔ anɔɔ nɛ gɛ yɛ obu nɛ banɔ tɛabha nɛ kishi

Axwɛwɛwa 10:19

Petro eke aza bhɛtɛ kɛtɔkpum nɛ kɛdɔ nɛ gɛ amɔ nɛ tra nɛ mɛ shu, ɔkɛlɛ Ɔfufɔɛ nɛ otsre sɛ, “Simɔnɛ, banɔ tɛata teli ebisi wɔɛ tɔkpu.

Axwɛwɛwa 10:20

So lɔ tɛ ozhi ɔvɛ kesi. Tɛ zi kibe nɛ balɛ tɛtutɔnɔ vɛ mɛ, alasɛ mɛ kpɛ alɛ.”

Axwɛwɛwa 13:2

Nɛ kibe lɛ nɛm gɛ ba nya onugbu pɛ ba kpɛ kɛtɔkpuesi kɔ Kpaya nɛɛ, Ɔfufɔɛ Dzyɔgo nɛ ɔɖɔ sɛ, “No bu Banabasɛ anɛ Saolo olu kɔ kɛxwɛ nɛ so pɛ ɛklua lɛ.”

Axwɛwɛwa 15:14

Simɔn atɛ shrɔ lɔ kana gɛ Kpaya eti putɔ akasɛ kana gɛ ayɛkɔ tili nɛ bagɛ di nu Yuɖanɛ ganɔ anɔ bubu nɛ balɛm akɔa yɛnahwɛ.

Axwɛwɛwa 15:2

Bunyɛnyɛ bhubhui bui nɛ ba dzi kehe gɛganɛɛ nɛ Paolo anɛ Banabasɛ kishi. So be be bu Paolo anɛ Banabasɛ, ɔyɛkɔ plɛnɔ baga yɛkɛ aŋa na sɛ ba vɛ Yerusalɛm tɛ ba da mɔ Yesu Banɔkpɛkpɛ anɛ banɔ shishe nɛ kibui nɛ shu.

Axwɛwɛwa 15:39

Ɔtɔgɛga ŋaŋã toli obo ku balɛ kishi klɛ ba ba pɔ aglɔɛm. Banabasɛ aba gbanɔ Marko klɛ ba za kenia bha avɛ Siprɔsɛ,

Axwɛwɛwa 20:24

Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

Axwɛwɛwa 21:16

Badɔkpasɛ nɛ teli gɛ bede Sizeria baza lɔ ede klɛ la gbanɔ lɔ amɛna Mnasɔn bupa mɛ, ɔkɛlɛ gɛ alasɛ tɛ buza. Enu anyɛ teli gɛ ede Saɛpros klɛ enu badɔkpasɛ tutɔpu nɛ ɔmɛayɛ teli.

Axwɛwɛwa 3:18

Pɔ kana Kpaya abhɛtɛ kɛgɛ atɛ ɖɔ elu ganɔ batɔnu nɛ peteea bha, sɛ yɛ Kristo nɛ aba tɔ.

Axwɛwɛwa 4:25

Ganɔ Ɔfufɔɛ Dzyɔgo nɛ mɛ ɔɖɔ kaɖɔ ɔganɔ wɔ axwɛdɛ gɛ enu bulɔ aka Davitia bha sɛ, “ ‘Kide so pɛ amadi na hwa pɛ banɔa nya nɛ aglɔ shu nɛ kɛlɛm?

Axwɛwɛwa 9:15

Pɔ Apalete nɛ etsre Ananiasɛ asɛ, “Vɛ! anya nɛɛ enu mɛ kɛɖaŋudɔ gɛ eklu sɛ tɛ aba yɛkɔ mɛ kinyi nɛ avɛnɔ bagɛ ede nu Yuɖanɛ anɛ balɛ bekusi anɛ Izraɛlanɛ.

Filipianɛ 2:14

Nɔ bhɛtɛ kɛdɔnyɛdɔ tɛ ishutsitsi anɛ tɛwuwlãkɛ tɛza kɛlɛ mɛ,