Axwɛwɛwa 15:32 - ONUGBÙ NYƐNYÃ VUVƆ

³² Yuɖasɛ anɛ Silasɛ gɛ balɛ nahwɛ ne nu batɔnu so nɛɛ, baɖɔ kaɖɔ gelee ayɛkɔ akpɛ badzya nɛ kite anɛ bugɛganɛ nɔ.

Axwɛwɛwa 15:32 ပူးပေါင်းရင်းမြစ်များ

Mateo 23:34

Kɛlɛ so ɛsɛsɛ nɔ batɔnu anɛ bebuinyi anɛ badɔkasɛ. Balɛmɛayɛ teli no bo yia lɛ klɛ nɔ bɔ kplalɛɔsɔ; be teli nɔ bɔ tua lɛ nɛ wɔnɔ ixogokɔevu nɛ mɛ klɛ nɔ bɔ kpatɔnɔ alɛ denɔ ɔmam ɔvɛnɔ ɔmam.

Luka 11:49

Ebuia nɛ so, Kpaya nɛ yɛ ebuinyinyi mɛ ɖɔ sɛ, ‘Ɛba sɛsɛ alɛ batɔnu anɛ banɔkpɛkpɛ, beteli gɛ ba be yi klɛ bagugɔɛ ba kpatɔnɔ alɛ.’

Axwɛwɛwa 11:23

Gɛ ede ku ɔkɛlɛ amɔ Kpaya ɛyamyuyɔ nɛ kɛdɔbhɛbhɛtɛ nɛ ɔkɛlɛ, klɛ so amɔ same klɛ akpɛa lɛ petee bugɛganɛ sɛ ba za kɛgbam nɛ Apalete anɛ balɛ idzyi petee.

Axwɛwɛwa 11:27

Nɛ kibe lɛ nɛ mɛ nɛ batɔnu teli ba lɔ denɔ Yerusalɛm avɛ Antiɔkɛ.

Axwɛwɛwa 13:1

Nɛ Antiɔkɛ busɔlɛ mɛha nɛ mɛ batɔnu anɛ badɔkasɛ aza: Banabasɛ, Simeɔnɛ gɛ be klua yɛ sɛ Anɔtutu, Lusiusɛ gɛ ede Sirene, nɛ Manaɛn (edzi anɔ gɛ be he aplɛnɔ Heroɖesɛ gɛ edzi ekusi) nɛ Saolo.

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Axwɛwɛwa 15:1

Banyɛ teli alɔ ede Yuɖia ede ku Antiɔkɛ klɛ la kasɛ baga yɛkɛ aŋa nɛ dɔ sɛ: “Dzaa sɛ be bhui bunyɛnyɛakɔ wɔ ansɛ gɛ Mose akasɛ nɛɛ ɔtɛ bɔ mɔ tɛyɛyɛkɛ.”

Axwɛwɛwa 15:22

Ɔkɛlɛ Yesu Banɔkpɛkpɛ nɛ beshishe, busɔlɛ nɛ petee, ba trɔ sɛ be be bu balɛ nahwɛ mɛ banɔ tɛ ba sɛsɛ alɛ nɛ Antiɔkɛ ɔyɛkɔ plɛnɔ Paolo nɛ Banabasɛ. Be bu Yuɖas (gɛ be klua sɛ Basabbasɛ) nɛ Silasɛ, gɛ be dzi bagbɛgbanɔ nɛ ɔha nɛ shi.

Axwɛwɛwa 15:27

Klɛso nɛɛ bɔ sɛsɛ Yuɖasɛ anɛ Silasɛ tɛɛ ganɔ onugbu kaɖɔ ɖuɖɔ mɛ tɛ ba trɔ kɛklãgbu nɛ kibui nɛ gɛ bɔ ŋlɔmɛ kɔnɔ nɛa bha.

Axwɛwɛwa 15:3

Busɔlɛɔha nɛ ɔkpɛ alɛ dzo, klɛ gɛ ba ga Foenisia anɛ Samaria aafla, ba ɖɔ kana gɛ bagɛ di nu Yuɖanɛ nɛ be tsyina ku ɔha nɛm. Kibui nɛ bhɛtɛ ɔha mɛanɛ petee la mɔ same mɔmɔ.

Axwɛwɛwa 15:31

Banɔ na kla keplukpa klɛ bamɔ same nɛ kemi nɛ gɛ kalɛm kibui nɛ kpɛa lɛ nɛ shu.

Axwɛwɛwa 15:41

Aga Siria anɛ Silisia ekoeyi, klɛ akpɛ busɔlɛha nɛ bugɛganɛ.

Axwɛwɛwa 18:23

Nɛ kibe tilie de nɛ Antiɔk nɛɛ, Paolo ebe koeyi afla nɛ ɛklɛ klɛ aga kidzo denɔ ɔkɔ toli avɛ ɔkɔ toli ganɔ Galatia anɛ Frigia kɛdɔ nɛm, aakpɛ badɔkpasɛ nɛ bugɛganɛ.

Axwɛwɛwa 2:40

Nɛ ebui gelee mɛ Petro akpɛa lɛ ɔshã, klɛ ebisi denɔ balɛ ahwɛ mɛ sɛ, “No bu wɔnɔ ishu odenɔ tɛmumɔ tsutsɔmɔɛ nɛm.”

Axwɛwɛwa 20:2

Aga kidzo akana kibe lɛ nɛm petee, nɛ kitekpɛkpɛ kaɖɔ ɖuɖɔ kɔ banɔ, klɛ gɔgɔɛ nɛɛ avɛ ede ku Grisɛ,

Romanɛ 12:6

Kɛdɔkukɔ ɔtutɔtɔ lɛ kɔ lɔ, nɛ bulɔ eshutukubui didi nɛ nu. Onu gɛ anɔteli kɛdɔkukɔ nɛ nu atɔnu, kɔ yɛ awa kɛlɛ shuixwɛ nɛ tɛyɛyɛkɛŋa nɛ gɛ lɛ yɛahwɛ nɛ nu.

Romanɛ 12:8

onu kɛ nu kemikpɛkpɛ, kɔ yɛ akpɛ anɔ kemi, onu kinu kɛdɔdzyudzyɔ kɔ banɔ bhlatɔ, kɔ akɔɛ lɛ nɛ yɛ yam petee, onu kinu anɔnuzɛza, kɔ yɛ agbanɛ anɔ mɔmɔ; onu kinu eshutukubui didi, kɔ abhɛtɛ lɛ nɛ same.

1 Kɔrintioanɛ 1:8

Aba kɔ nɔ za gɛganɛ ɔdɔtɔnɔ tɛbibeke mɛ, sɛ tɛ batɛ mɔ kizizi nɛ wunɔ shu anɛ bulɔ Apalete Yesu Kristo tɛbɛba wui nɛabha.

1 Kɔrintioanɛ 14:29

Batɔnu tɛabha ɔdɔgɔsɛ tɛata balɛ alasɛ tɛ ba ɖɔaɖɔ, klɛ tɛ bagɔgɔɛ nɛ be feke ebui nɛ gɛ ba ɖɔ nɛ edi mɔmɔ.

1 Kɔrintioanɛ 14:3

Pɔ anɔnyanɔ gɛ aɖɔɛbuielu aɖɔaɖɔ kɔ banɔ kɔ balɛ tɛshishe atrɔ, kemikpɛkpɛ nɛ ɛyamyuyɔ.

1 Kɔrintioanɛ 14:32

Batɔnu ɔfufɔɛ lɔ kpasɛ batɔnu nɛesi.

Efesoanɛ 3:5

gɛ ba dɛ kɔ banɔ nɛ tii nɛ tɛmumɔ bhlatɔɛ anasɛ ɔtsɔnɛ gɛ be bukasɛ aganɔ Kpaya bakpɛkpɛ shubhubhui nɛ batɔnu nɛabha.

1 Tɛsolonianɛ 2:11

Alasɛ no nyi ɔsɛ bu za nɛ wɔnɔmɛayɛ kanyaka ansɛ gɛ aka aabhɛtɛ nɛ yɛnahwɛ yɛeyialɛ,

1 Tɛsolonianɛ 3:2

Bu kpɛ Timotio, gɛ enu bulɔadzya nɛ Kpaya axwɛwa bhla nɛ Kristoebui nɛ tɛkɛkɛka mɛ, tɛ abhɛtɛ nɔ tɛ nɔ gɛganɛ tɛ akpɛ nɔ kemi nɛ nɔ tɛyɛyɛkɛŋa nɛ mɛ,

1 Tɛsolonianɛ 4:1

Gɔgɔɛ nɛɛ, badzya mɔ, bu kasɛ nɔ kana gɛ nɔ bɔ za sɛ tɛ no ku Kpaya awɔ̃, ansɛ gɛ nɔ lɛ nɛ kɛgbɛagba mɛ. Ɔtsɔ̃ nɛɛ bu bisi denɔ nɔ kɔ klɛ bu tsre nɔ nɛ Apalete Yesu mɛ sɛ nɔ bhɛtɛ ana otsodzini ɔzɔ bhɛtɛ.

1 Tɛsolonianɛ 5:14

Klɛ bu tsre nɔ, badzya mɔ, bagɛ baa kpɛ aye be dii mɔ, nɔ kpɛ bagɛ be sifu nɛ kemi, nɔ plɛnɔ bagɛ ba dɛ gɛganɛ, nɔ dɔfɔɔ̃ nɛ anɔnyanɔ.

1 Tɛsolonianɛ 5:20

nɔ tɛ yɛkɔ ebuia nɛ ɔkpɛ ansɛ atsɛ.

2 Tɛsolonianɛ 3:12

Banɔa nɛɛ di nɛ lɔ tsre nɛ Apalete Yesu Kristoe nyi mɛ sɛ ba bhɛtɛ mɔmɔ tɛ ba mɔ balɛ kɛdɔ nɛ gɛ ba ba ŋa.

1 Timotio 2:1

Istre nɔ, kɛlɛ putɔnɔ, sɛ tibibisi, kpayakuklu, ibuevuvu anɛ ahwɛhuhu, ba bhɛtɛ lɛ akɔ anɔnyanɔ—

2 Timotio 4:2

Ɖɔ Kibui; bala kɔ ebe nɛ gɛ aba nɛ ebe nɛ mɛ tɛ kukuei; dzyɔanɔ, tsrenɛ anɔ tɛ ɔkpɛ anɔ kemi—nɛ tɛdudɔfɔ̃ piim anɛ awɔ̃lulu nɛ kɛdɔkɛkasɛ mɛ.

1 Petro 5:1

Kɔ beshishe gɛ balɛ wũnɔɛ mɛ ibisi denɔ wũnɔ kɔ sɛ, anasɛ wɔnɔ mayɛ eshishe, kibuimɔɖɔ anɛ́ Kristo butɔ nɛ̀ agɛ yɛ tsyɛ aba mɔ tɛbhubhui gɛ ba be bukasɛ:

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

1 Petro 5:12

Nɛ̀ tɛpɛplɛnɔ denɔ Silas kɔ, agɛ ɛyɛkɔ kɛlɛ anasɛ tɛyɛyɛkɛŋa adzya, ɛtɛ ŋlɔmɛ sɛsɛnɔ gugunu, ɛkpɛ nɔ kemi klɛ mɛ ɖɔ sɛ kɛnɛ kɛlɛnu Kpaya ɛyɛmɛyuyɔ gbɛagba. Nɔ za lɛ mɛ gɛganɛ.