Axwɛwɛwa 15:29 - ONUGBÙ NYƐNYÃ VUVƆ

²⁹ Alasɛ tɛ nɔ shɛnɔ ahwɛ nɛ kɛŋɛŋa nɛ gɛ ba yɛkɔ akɔ ibuidi nɛ shu, dzyosu, anɛ baga nɛ gɛ be dzyini balɛ ili nɛ kɛdzya, anɛ aglɔbui bhɛbhɛtɛ shu. Nɔ bɔ bhɛtɛ mɔ sɛ tɛ nɔ shɛnahwɛ ebuianɛ shu. Tɛ nɔ za mɔ.

Axwɛwɛwa 15:29 ပူးပေါင်းရင်းမြစ်များ

Luka 9:61

Anɔ bhlatɔ tsyɛ ke aɖɔ sɛ, “Ɛba za wɔɛ de, Apalete, pɔ putɔnɔ kɔ mɛ tsodzi vɛ tɛ ɛda tsre mɛ beshopo sɛ ɛvɛ tɛ ɛba.”

Axwɛwɛwa 15:20

Nɛɛlɛmɛ alasɛ tɛ bu ŋlɔmɛ kɔa lɛ, tɛ bu tsre alɛ sɛ be tsuashɛ̃ nɛ kɛŋɛŋa nɛ gɛ ibuidi nɛ tɛ tutru nɛ shu, anɛ azhuzhɔlɛbui shu, denɔ baga nɛ gɛ be dzyini balɛ ili anɛ dzyosu shu.

Axwɛwɛwa 18:21

Pɔ gɛ asa shɛ nɛɛ, aɖɔ elu asɛ, “Ɛzɛ ba ba onu gɛ Kpaya adɛmɛ.” Ɛklɛ atɔnɔ keniabha dzo edenɔ Efesos.

Axwɛwɛwa 21:25

Bagɛ be di nu Yuɖanɛ nɛ ga yɛkɛaŋa nɛ xũ, bu tɛ ŋlɔmɛ keplukpa kɔa lɛ nɛ blɔ tɛtutrɔ nɛ shu sɛ ba shɛnahwɛ kɛdɔ ŋɛŋa nɛ gɛ ba kɔ kɛdɔbhubhɔ nɛ shu, dzyosu nɛ shu, anɛ baga nɛ gɛ be dzyini balɛ ili nɛ kɛdzya tã anɛ aglɔbui tɛbhɛbhɛtɛ shu.”

Axwɛwɛwa 23:30

Kibe lɛ gɛ inu sɛ ba nya kɔ kititi lulɔ nɛ anyɛ nɛ shu nɛɛ, klɛ mɛ yɛkɔ yɛ ɛsɛsɛ wɔ kɛsɛsɛ tili. Ɛkɔ tsyɛ sɛ bagɛ ba yɛkɔ ebui nɛ yɛ shu nɛɛ, be bu yɛ buzizi nɛ akasɛ mɔɔ mɔ.

2 Kɔrintioanɛ 11:9

Klɛ kibelɛlɛ gɛ ɛza wunɔ bha klɛ ɛpɛɛ kedɔ tili, ɛdɛ dzi kituku kɔ anɔnyanɔ, alasɛ badzya gɛ be de Makedonia ba kɔ mɛ kɛdɔnɔ nɛ gɛ ɛpɛɛ. Ɛbu mɛshu sɛ ɛtɛ dzi kituku kɔ nɔ nɛ kidzo nyɛdzo abha, klɛ ɛba za lɛabha zɛ bhɛtɛ lɛ ana.

2 Kɔrintioanɛ 13:11

Gugɔɛ, badzya, nɔ za mɔ. Nɔ za ɛkpã dzyɔgo, nɔ nu mɛ ebui nɛ gɛ ɛkpɛ nɔ kɔ, nɔ za nɛ kɛtɔkpui mɛ terikpo, nɔ za nɛ ishuyuyɔ mɛ. Klɛ Kpaya tɛdɛdɛmɛnɔ anɛ ishuyuyɔ lɛ ba za plɛnɛ nɔ.

1 Timotio 5:22

Nɔ tɛ nawɔ̃ nɛ ahwɛ tutrɔ anɔa bha mɛ, klɛ nɔ tɛ ma banɔnyanɔ buzizi nɛ balɛ. Nɔ za ishu bhubhui mɛ.

Yakobo 1:27

Busɔlɛ nɛ gɛ Kpaya bulɔ Aka nɛ adɛmɛ asɛ bɔlɛ shu bhui klɛ kɛpɔ ma bɔlɛ shu, bɔlɛ nu sɛ: tɛ odi batsyavi anɛ bagɛ be tsianyɛ nɛabha nɛ balɛ ebui nɛ gɛ atrɔ balɛa bha nɛm klɛ tɛ ɔnyɛna ishu tɛ kanɔ nɛm kibo nɛ tɛ la wɔ.

1 Yohanɛsɛ 5:21

Banuvɔ mumɔa, no bu wɔnɔ shu denɔ bakpaya bhubhɔ mɛ.

Yuɖa 1:24

Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—

Tɛbubukasɛ 2:14

Pɔ, ebuibhli teli alɛ mahwɛ nɛ wɔ shu: Banɔ teli ba lɛ wɔ ɔbha nɛ ɔkɛlɛ gɛ ba nyɛna Balaam kɛdɔkɛkasɛ nɛ mɛ evunɔ, gɛ ba kasɛ Balak kɛdɔ sɛ tɛ ba yɛkɔ awɛɛ Izraɛlanɛ sɛ tɛ ba bhɛtɛ buzizi ganɔ kɛŋɛŋa nɛ gɛ ba bhɛtɛ kɔ ibuidi nɛ tɛŋɛŋa nɛ ganɔ azhuzhɔlɛbui tɛbhɛbhɛtɛ mɛ.

Tɛbubukasɛ 2:20

Pɔ, kibui lɛ mɛ ahwɛ nɛ wɔ: Adzɛ alɛlɛ Yezebɛl ɔkɔ yɛ amɛ, gɛ ekulu shu as enu adzɛ atɔnu. Ganɔ yɛ kɛdɔkɛkasɛ nɛ nu agbanɔ mɛ baxwɛdɛ ada kpɛ azhuzhɔlɛbui bhɛbhɛtɛ mɛ anɛ ibuidi dɔŋɛŋa mɛ.