Axwɛwɛwa 15:22 - ONUGBÙ NYƐNYÃ VUVƆ

²² Ɔkɛlɛ Yesu Banɔkpɛkpɛ nɛ beshishe, busɔlɛ nɛ petee, ba trɔ sɛ be be bu balɛ nahwɛ mɛ banɔ tɛ ba sɛsɛ alɛ nɛ Antiɔkɛ ɔyɛkɔ plɛnɔ Paolo nɛ Banabasɛ. Be bu Yuɖas (gɛ be klua sɛ Basabbasɛ) nɛ Silasɛ, gɛ be dzi bagbɛgbanɔ nɛ ɔha nɛ shi.

Axwɛwɛwa 15:22 ပူးပေါင်းရင်းမြစ်များ

Axwɛwɛwa 1:23

So nɛɛ ba ba kasɛ banɔ tɛabha teli kɛwɔɛ, balɛ enu: Yosɛfu gɛ beklu asɛ Basabas (gɛ bekee klu tsyɛ asɛ Yustus) nɛ Matiasɛ.

Axwɛwɛwa 11:19

Ɔtsɔ̃ nɛɛ bagɛ balɛ mɛ lakpɛ ozi nɛ Stefano tɛkpɛkpa tɔnɔ nɛ mɛ na ga kidzo avɛ ede ku Foenisia, Siprɔsɛ anɛ Antiɔkɛ, klɛ ba ɖɔ kibui nɛ etsre Yuɖa nɛ nɛ ko.

Axwɛwɛwa 11:20

Pɔ nɛ banɔ nɛ teli gɛ bede Siprɔsɛ Sirene, na shɛ vɛ Antiɔk klɛ bada kpa kaɖɔ ɖɔ tsre Grikianɛ nɛ tsyɛ, edenɔ Apalete Yesu kibui dzyɔgo nɛ shu.

Axwɛwɛwa 11:22

Busɔlɛ ɔha nɛ Yerusalɛm obo nu kibui, klɛ ba kpɛ Banabas asɛsɛ Antiɔkɛ.

Axwɛwɛwa 11:27

Nɛ kibe lɛ nɛ mɛ nɛ batɔnu teli ba lɔ denɔ Yerusalɛm avɛ Antiɔkɛ.

Axwɛwɛwa 15:23

Ɔyɛkɔ plɛnɔa lɛ ba sɛsɛ keplukpa sɛ: Bulɔ, banɔkpɛkpɛ anɛ beshishe nɛ, anɛ wɔnɔa dzyalɛ nɛ ɔkɔ, bu sɛnɛ nɔ bulɔ badzya nɛ petee gɛ be di nu Yuɖanɛ gɛ ba lɛ Antiɔkɛ, Siria anɛ Silisia.

Axwɛwɛwa 15:25

Klɛso nɛɛ bulɔ petee ba dɛmɛ sɛ bua bu banɔ teli tɛ bu yɛkɔ sɛsɛ nɔ plɛnɔ blɔ ɛbhɛa dzyɔgo gɛnu Banabasɛ anɛ Paolo,

Axwɛwɛwa 15:27

Klɛso nɛɛ bɔ sɛsɛ Yuɖasɛ anɛ Silasɛ tɛɛ ganɔ onugbu kaɖɔ ɖuɖɔ mɛ tɛ ba trɔ kɛklãgbu nɛ kibui nɛ gɛ bɔ ŋlɔmɛ kɔnɔ nɛa bha.

Axwɛwɛwa 15:3

Busɔlɛɔha nɛ ɔkpɛ alɛ dzo, klɛ gɛ ba ga Foenisia anɛ Samaria aafla, ba ɖɔ kana gɛ bagɛ di nu Yuɖanɛ nɛ be tsyina ku ɔha nɛm. Kibui nɛ bhɛtɛ ɔha mɛanɛ petee la mɔ same mɔmɔ.

Axwɛwɛwa 15:30

Ba kpɛ banɔ nɛ asɛsɛ klɛ ba vɛ ede zhieku Antiɔkɛ, ɔklɛ bede xogo busɔlɛha klɛ ba yɛkɔ keplukpa ŋuŋlɔmɛ nɛ akpɛ ahwɛ kɔa lɛ.

Axwɛwɛwa 15:32

Yuɖasɛ anɛ Silasɛ gɛ balɛ nahwɛ ne nu batɔnu so nɛɛ, baɖɔ kaɖɔ gelee ayɛkɔ akpɛ badzya nɛ kite anɛ bugɛganɛ nɔ.

Axwɛwɛwa 15:40

pɔ nɛɛ Paolo aba gbanɔ Silasɛ klɛ ba shɛ, ɔha mɛɛanɛ na aɖɔ kaɖɔ dzyɔgo nɛ Paolo anɛ Silasɛ shu akpɛ Apalete nɛ ɛyamyuyɔm.

Axwɛwɛwa 16:19

Gɛ adzɛnuvɔɛ anɛ yɛ beshopo na mɔ sɛ balɛ ehoeyi bhɛbhɛtɛ kidzoenu nɛ fla nɛɛ, be vu Paolo anɛ Silasɛ klɛ be he alɛ avɛnɔ ɔklɛ gɛ baa dɛ kedzi sɛ tɛ ada mɔ bagɛ baŋɛabha naa mɛ.

Axwɛwɛwa 16:25

Nɛ elishi kishitibha mɛ nɛɛ Paolo anɛ Silas ba za ɛdzɛ zhɛzha nɛ Kpaya kuklua bha, klɛ baga za buvu nɛ aplɛnɔa lɛ na za ta batɔ nɛ ebui nɛ gɛ ba za bhɛtɛ.

Axwɛwɛwa 16:29

Agɛ akpɛa lɛ buvu nɛ kulu asɛ ba kɔ yɛ kifu, klɛ esi ede tu klɛ ada wɔlɛ adɔ nɛ Paolo anɛ Silas otugba nɛ tɛ shushuku gbagbagbam.

Axwɛwɛwa 17:10

Nɛ keli bibele nɛm ko, badzya nɛ bayɛkɔ Paolo anɛ Silas asɛsɛ Bɛrea. Nɛ balɛ ɔkɛlɛ tɛkuku mɛ, ba shɛ avɛ Yuɖanɛ oxogokɔvu nɛm.

Axwɛwɛwa 17:14

Nɛ kɛbhɛtɛ tili ko ɔhamɛanɛ na yɛkɔ Paolo asɛsɛ aƒu nɛ shu, pɔ Silas anɛ Timotio xũ na wɔ Bɛrea.

Axwɛwɛwa 17:4

Yuɖanɛ teli gɛ kibui nɛ mɛ danɛ kɔa lɛ nɛ tsoku kɛlɛm aplɛnɔ Paolo anɛ Silasɛ, ansɛ gɛ Grikanɛ gelee gɛ benu banɔ gɛ besi Kpaya kifu nɛ tsyɛ ayɛkɛ kibui klɛ badzɛgbla gelee tsyɛ ba yɛkɛ kibui.

Axwɛwɛwa 18:5

Gɛ Silas anɛ Timotio ede Makedonia aba, Paolo ayɛkɔ kibuinɛ tɛɖuɖɔ atrɔ shu, klɛ ebu akasɛ Yuɖanɛ na sɛ Yesu yɛ enu Kristo.

Axwɛwɛwa 8:14

Kibe lɛ gɛ banɔkpɛkpɛ nɛ Yerusalɛm be nu sɛ Samaria ayɛkɛ Kpaya kibui nɛɛ, be bu Petro anɛ Yohanɛsɛ akɔ sɛsɛ alɛ.

2 Kɔrintioanɛ 1:19

Alasɛ Kpaya yɛ Yi, Yesu Kristo, gɛ yɛ bui mɛ nɛ Silas anɛ Timotio bu ɖɔ nɛ wunɔ shi, kɛ dɛ nu “Ee” nɛ “Oo,” pɔ nɛ yɛ mɛ kɛbenyɛbe kɛnu “Ee.”

1 Tɛsolonianɛ 1:1

Paolo, Silasɛ anɛ Timotio, kɔ Tɛsalonianɛ busɔlɛɔha nɛ Kpaya gɛ enu Aka anɛ Apalete Yesu Kristo: Eshutukubui didi anɛ ishuyuyɔ kɔ nɔ.

2 Tɛsolonianɛ 1:1

Paolo, Silasɛ anɛ Timotio, kɔ Tesalonikanɛ busɔlɛɔha anɛ Kpaya bulɔ anɛ Apalete Yesu Kristo mɛ:

1 Petro 5:12

Nɛ̀ tɛpɛplɛnɔ denɔ Silas kɔ, agɛ ɛyɛkɔ kɛlɛ anasɛ tɛyɛyɛkɛŋa adzya, ɛtɛ ŋlɔmɛ sɛsɛnɔ gugunu, ɛkpɛ nɔ kemi klɛ mɛ ɖɔ sɛ kɛnɛ kɛlɛnu Kpaya ɛyɛmɛyuyɔ gbɛagba. Nɔ za lɛ mɛ gɛganɛ.