Axwɛwɛwa 15:20 - ONUGBÙ NYƐNYÃ VUVƆ

²⁰ Nɛɛlɛmɛ alasɛ tɛ bu ŋlɔmɛ kɔa lɛ, tɛ bu tsre alɛ sɛ be tsuashɛ̃ nɛ kɛŋɛŋa nɛ gɛ ibuidi nɛ tɛ tutru nɛ shu, anɛ azhuzhɔlɛbui shu, denɔ baga nɛ gɛ be dzyini balɛ ili anɛ dzyosu shu.

Axwɛwɛwa 15:20 ပူးပေါင်းရင်းမြစ်များ

Axwɛwɛwa 15:29

Alasɛ tɛ nɔ shɛnɔ ahwɛ nɛ kɛŋɛŋa nɛ gɛ ba yɛkɔ akɔ ibuidi nɛ shu, dzyosu, anɛ baga nɛ gɛ be dzyini balɛ ili nɛ kɛdzya, anɛ aglɔbui bhɛbhɛtɛ shu. Nɔ bɔ bhɛtɛ mɔ sɛ tɛ nɔ shɛnahwɛ ebuianɛ shu. Tɛ nɔ za mɔ.

Axwɛwɛwa 21:25

Bagɛ be di nu Yuɖanɛ nɛ ga yɛkɛaŋa nɛ xũ, bu tɛ ŋlɔmɛ keplukpa kɔa lɛ nɛ blɔ tɛtutrɔ nɛ shu sɛ ba shɛnahwɛ kɛdɔ ŋɛŋa nɛ gɛ ba kɔ kɛdɔbhubhɔ nɛ shu, dzyosu nɛ shu, anɛ baga nɛ gɛ be dzyini balɛ ili nɛ kɛdzya tã anɛ aglɔbui tɛbhɛbhɛtɛ shu.”

1 Kɔrintioanɛ 5:11

Pɔ ɔtsɔnɛ ɛŋlɔmɛ sɛsɛ nɔ sɛ nɔ tɔ ganɔ nɛ anɔnyanɔ gɛ ɛklu yɛ shu sɛ adzya pɔ abhɛtɛ aglɔbui pɛnɔ kɛdɔ gbɛgbla pɛpɛɛ, obudielete, anɔshu zizi, eluwɔ̃ɛ pɛnɔ ezi. Anɔa nɛdi tɔ ŋa ɛdɔ kura tsyɛ nɛ yɛ.

1 Kɔrintioanɛ 6:13

“Kɛŋɛŋa lɛ kɔ ɛyá klɛ ɛyá lɛ kɔ kɛŋɛŋa”—pɔ Kpaya ebe zi kɛlɛ tɛbha. Ba dɛ bhɛtɛ ishuidzya sɛ lɛ dzi aglɔbui bhɛbhɛtɛ, pɔ kɔ Apalete, klɛ Apalete kɔ ishuidzya.

1 Kɔrintioanɛ 6:18

Shɛnahwɛ aglɔbui bhɛbhɛtɛ shu. Ɛbui kpã bhlatɔ petee gɛ anɔ abhɛtɛ le di de yɛ shuidzya nɛ mɛ, pɔ anɔ nɛ gɛ abhɛtɛ aglɔbui buizizi abhɛtɛ buzizi nɛ yɛ nahwɛ shuidzya shu.

1 Kɔrintioanɛ 6:9

Nɔ tinyi sɛ kɛtɔkpumɛ gɛganɛelete atɛ ba ŋa kededɔ nɛ Kpaya kusiɔŋa kɔ? Nɔ tɛkɔ la wɔɛ nɔ: Aglɔbui bhɛbhɛtɛ pɛnɔ obudisɔlɛ pɛnɔ ɔmɛmɛdɛdɛ pɛnɔ ɔhaglɔ shudɛdɛ pɛnɔ anyɛ anɛ anyɛ tɛzɛza

1 Kɔrintioanɛ 7:2

Pɔ gɛ aglɔbui bhɛbhɛtɛ ekpe so nɛɛ, anyɛnyanyɛ adzɛnyadzɛ aza yɛ nahwɛ ahwɛ, klɛ adzɛnyadzɛ anyɛ aza yɛ nahwɛ ahwɛ.

1 Kɔrintioanɛ 8:1

Ɔtsɔnɛ denɔ kɛŋɛŋa gɛ ba kɔ kɛdɔbhubhɔ shu: Bunyi sɛ, bulɔ petee kibuititi lɛ bu lɔ ahwɛ. Kɛbuititi kɛ koeyi, pɔ tɛdɛdɛmɛnɔ kɛbhɔ trɔ.

2 Kɔrintioanɛ 12:21

Kifu ku mɛ sɛ kibenɔ nɛ gɛ ɛzɛ ba mɛ Kpaya aba kɔ mɛ shuimɛyɔ nɛ wunɔ amɛ, klɛ ɛba mɔ obulo nɛ banɔ gelee gɛ babhɛtɛ ebuikpã bafla klɛ ba dɛ tsyinɛtɛmɛ nɛ balɛ buzizi nɛ mɛ, badzɛ ebuikpã bhɛbhɛtɛ anɛ ɛkpãzizi zɛza gɛ ba yɛkɔ ishu akpɛ lɛ mɛ.

Galatianɛ 5:19

Ɛkpã kpãmɛ zɛza ebui bhɛbhɛtɛ la wɔɛ̃ wee: aglɔɛbui bhɛbhɛtɛ, ishu mabhui mabhui ɛkpãzizi zɛza anɛ ishukpɛkpɛ butsɔ,

Efesoanɛ 5:3

Pɔ nɛ wɔnɔmɛ nɔ tɛ kɔ lɛ nu aglɔbui bhɛbhɛtɛ kuratsyɛ nɛ wɔnɔ shu, ɔdɔgɔsɛ ɛkpãzizi dinyɛdi, ɔdɔgɔsɛ kɛdɔ gbɛgbla pɛpɛɛ, alasɛ anɛ le nu kɛdɔ kpã kɔ Kpaya yɛ shubhubhui banɔ.

Koloseanɛ 3:5

Pɔ kɔ butsi, kɛdɛnyɛdɔ gɛ kɛ nu wunɔ kesukpaɛ dɔ: ɔmamɛdɛdɛ, ɛkpãzizi zɛza, kɛdɔ kukuanɔli, ebuizizi bhɛbhɛtɛ anɛ kɛdɔ gbɛgbla pɛpɛɛ gɛ kɛ nu obudi busɔlɛsɔlɛ.

1 Tɛsolonianɛ 4:3

Kinu Kpaya tɛpɛpɛɛ sɛ tɛ ba danɛ wɔnɔ shu, sɛ tɛ no shɛ̃nahwɛ azhuzhɔlɛbui shu,

Hebriuanɛ 12:16

No di klɛ ɔkɔ sɛ anɔnyanɔ atɛ bhɛtɛ azhuzhɔlɛbui, ɔdɔgɔsɛ ansɛ Esao gɛ eti nyi Kpaya, yɛ gɛ nɛ kɛŋɛŋa tirikpo shu so pɛ adɛ yɛ ɔŋakɔ ansɛ eyianyɛ shishe ana.

Hebriuanɛ 13:4

Anɔnyanɔ alasɛ tɛ ayɛkɛ adzɛ gbɛgbanɔ akpɛ lɛ mɛ, klɛ tɛ aglɔ zɛzanɔɛ mɛ bhui, alasɛ Kpaya ebe kluebhui nɛ bagɛ abhɛtɛ aglɔbui anɛ azhuzhɔlɛbui.

1 Petro 4:3

Alasɛ no ti zi be gelee bafla ba bhɛtɛ kɛgɛ ibuidielete ba pɛɛ sɛ tɛ ba bhɛtɛ—ɛkpãzizi zɛza, ishu mɛ zɛzandzyɛ, bulububuku, ɔhakpɛkpɛ kɛdɔ gbɛgbla ŋɛŋa, anɛ tɛtsutsɔmɔ obudi busɔlɛ.

Tɛbubukasɛ 10:2

Evunɔ kazaplukpa bhli tieli, gɛ ka danɛ eli nɛ yɛ ahwɛ nɛ mɛ. Atrɔ yɛ kɛŋa ɔtsrɛ nɛ aƒu nɛa bha klɛ yɛ kɛbɛtɛkpɛ ɔtsrɛ nɛ otsri kesukpa nɛa bha,

Tɛbubukasɛ 10:8

Ɔkɛlɛ olim nɛ mɛ dɔ gɛ inu ba flanɔ nɔ zɔ ɖɔ kaɖɔ otsre mɛ ɔsɛ: “Vɛ, yɛkɔ kazaplukpa nɛ ga danɛ eli nɛ kpayaxwɛdɛ nɛ gɛ eli kititi nɛ aƒu anɛ kesukpa nɛa bha.”

Tɛbubukasɛ 2:14

Pɔ, ebuibhli teli alɛ mahwɛ nɛ wɔ shu: Banɔ teli ba lɛ wɔ ɔbha nɛ ɔkɛlɛ gɛ ba nyɛna Balaam kɛdɔkɛkasɛ nɛ mɛ evunɔ, gɛ ba kasɛ Balak kɛdɔ sɛ tɛ ba yɛkɔ awɛɛ Izraɛlanɛ sɛ tɛ ba bhɛtɛ buzizi ganɔ kɛŋɛŋa nɛ gɛ ba bhɛtɛ kɔ ibuidi nɛ tɛŋɛŋa nɛ ganɔ azhuzhɔlɛbui tɛbhɛbhɛtɛ mɛ.

Tɛbubukasɛ 2:20

Pɔ, kibui lɛ mɛ ahwɛ nɛ wɔ: Adzɛ alɛlɛ Yezebɛl ɔkɔ yɛ amɛ, gɛ ekulu shu as enu adzɛ atɔnu. Ganɔ yɛ kɛdɔkɛkasɛ nɛ nu agbanɔ mɛ baxwɛdɛ ada kpɛ azhuzhɔlɛbui bhɛbhɛtɛ mɛ anɛ ibuidi dɔŋɛŋa mɛ.

Tɛbubukasɛ 9:20

Banɔdzyrame gɔgɔɛ nɛ gɛ be di yi ganɔ banyakpã nɛ mɛ be ke tsyina kitem nɛ balɛ ahwɛ kɛxwɛwɛwa nɛ mɛ; ba dɛ zukɔlɔ kɛtɔkpu kpɛkpɛesi kɔ ɛfufɔɛkpã, anɛ sɛkadzɛdzã kɛdɔbhubhɔ, sɛkafufu, ehẽhẽ, kɛklãgbu anɛ osi— kɛdɔbhubhɔ nɛ gɛ tɛɛ mɔ, be tee nu ɔdɔgɔsɛ baa ga.